Psalms 43
43
Aŋaiyyutaa Aullaurrauŋaruam
1Ilvich God, killukuaŋaiññiŋŋa,
tunulliḷiqsuŋŋa akiḷḷiqsruġlugich god-aiḷaqtuat;
pilluktinŋa sagluuqtiniñ piḷuusiqiriniḷḷu!
2Ilvitkii munaqsrigigikpiñ;
Summan suksraaqpiŋa?
Summan nagliksaaqtuaqtuksrauvik
piaqłuksiġḷuŋalu akiḷḷiimniñ?
3Tilliuŋ qaummatin iḷumullu ittuaguniġiñ;
sivulliuġliñŋatuq
utillasiḷuŋa salumaruamun qimiġaġnun Zion-mun,
Aŋaiyyuvikpagnullu, ilvich iñuuvigikkaġnun.
4Ullautiluŋaasii ilvich ikipkaivigñun, God-auruatiin;
kaŋigigaatin uvva quviasuutigma.
Atuqtuurallaġma nuqaqtiligmik atuġniaqtuŋa nanġaġutin ilvich,
God-auruatiin, God-iiŋ.
5Summan ipiqtusukpik?
Isumaaluktuaqpiglu?
Niġiukkutiga God-mun tutinniaġiga,
nanġaaqsiḷgiḷḷuguasii,
annaurriga God-igalu.
Currently Selected:
Psalms 43: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
