Psalms 41
41
Aŋaiyyutaa Naŋittuam
Atuqtit aullarriŋannun. Psalm aglaaŋa David-gum.
1Quviasuglich isumaaluutiqaqtuat piiḷḷiuqtuanik;
Atanġum ikayuġniaġai siġġaqiliqpata.
2Atanġum munaġiniaġai annautilugiḷḷu iñuggutiŋi;
piḷḷuatautiqaqtinniaġai nunami;
iginniaŋitkaich suaŋŋataannun akiḷḷiŋisa.
3Atanġum ikayuġniaġaich naŋiliqpata
suli mamitinniaġaich.
4Uqallaktuŋa, “Piḷuusiqiŋaruŋa paaqłakłutin, Ataniiq;
nagligiluŋa iluaqsiŋŋa.”
5Akiḷḷiġma uqautigimaqłukkaanŋa.
Tuqutqugaanŋa aasii puiguġluŋa.
6Tautugiaġaluaqtigma tautugumapiaŋiḷḷaġma piut;
uqaqtut piaġiitchumiñaqtuanik uvapkun
aasii anikamiŋ kimulliqaa uqaġiaqsivḷugu.
7Uumiksripayaaqtuam isivruutigiraġigaanŋa,
isumamigni piḷugniqsraġuqłuŋa.
8Uqaqhutiŋ, “Iluaqsiyumiñaitchuamik naŋittuq;
makitqikkumiñaitchuq tuttaamiñiñ.”
9 #
Mt 26.23; Mk 14.18; Lk 22.21; Jn 13.18. Avilaitqatipiaġataġma, ukpiġipiallaktaġma,
aviktuaqatigma niqinik,
akiḷḷiḷiqsuliġaaŋa.
10Nagligiŋŋa, Ataniiq, aasii iluaqsiḷuŋa,
utiqtitchivigiyumagitkali akiḷḷiitka.
11Akimmatiqaġniaŋitchut uvamniñ,
aasii iḷitchuġiniaqtuŋa Ilignun ivigaumagitilaamnik.
12Ikayuġniaġigma, uvvakii iluaqtualiqisuuruŋa;
takkuġni itinniaġigma taimuŋa isuitchuamun.
13 #
Ps 106.48. Nanġaqsiuŋ Ataniq, God-iŋa Israel-gum!
Nanġaġli pagmapak taimuŋalu isuitchuamun!
Aamian! Tavrapiaġataq!
Currently Selected:
Psalms 41: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
