Psalms 40
40
Nanġaun Atuun
Atuqtit aullarriŋannun. Psalm aglaaŋa David-gum.
1Qiñuiqł̣uŋa utaqqiuqtuŋa Ataniġmiñ ikayuusiaksramnik;
saatkaaŋa aasii qirratiga tusaavlugu.
2Nuqitkaaŋa navianaqtuamiñ iḷuqsramiñ,
amuvluŋa muġrugnaqtuamiñ qaviamiñ tuqqutausuuruamiñ
Ilaan iḷigaaŋa navianaitchuamun uyaġagmun
anayanniuŋaiqł̣uŋa aasii.
3Iḷisautigaaŋa atullasivḷuŋa atuutitchauramik,
nanġaunmik atuunmik God-iptignun.
Iñugiaktuat taaptumiŋa tautuktuat qiksiksraliġñiaqtut,
aasii ukpiqsraliġutiŋ Ataniġmun.
4Quviasuglich ukpiqsraqtuat Ataniġmik,
saanŋitchuat arguaŋŋanmun.
Naakka saanŋitchuat iñuuraqpagnun.
5Ilvich iñugiaktuanik savaŋarutin, Ataniq God-iiŋ;
piitchuq iliktun ittuamik!
Ilvich iñugiaktuanik sivunniuġutiŋagiptigut aliuġnaqtuanik
Uqausiġianikkumiñaitkitka tamatkiġḷugich—
iñugiakpaitchut kisitchaġaluaqtuni!
6 #
He 10.5-7. Ilvich piqaġuŋitchutin ikipkautinik aitchuutiniglu;
apiqsriŋiñmiutin niġrutinik aulaiḷḷugich ikipkaqulugich ikipkaivigmi
ikipkautikullu piḷuutaiqsitquluta
Aglaan, siutiliŋagigma tusaatquvlutin,
7aasii kiugikpiñ, “Uvaniittuŋauvva;
piraksriqsuutitin uvamnun ittut makpiġaaŋiññi pitquraqpich.
8Nalautchaallatugiga pisuutin, God-iiŋ!
Uummanmiutaġigitka pitquratin.”
9Katirvianni iñugirapayaaqpich, Ataniiq,
Uqaġigitka tusaayugaalluatat Ilignun annautinivḷuta.
Iḷisimagiñ uqausiġiŋaiġumiñaitchaġa.
10Kisimġuqtaaŋiñmigiga tusaayugaalluataŋa annautim;
Uqausiġiŋaiyuitkiga ukpiġnaqtilaan ikayuutillu.
Atautchimugmata iluqatiŋ iñugiratin nipaisimaaġutigisuitkitka
ukpiġnaqtuaġutilaan suli nuŋulaiññiŋa nakuaqqurvich.
11Ataniiq, iḷisimaruŋa nagligiŋaiġumiñaisilaamnik Ilignun.
Nakuaqqurvich iḷumuuġutikpiḷḷu anayanniuqtinniaŋitkaanŋa.
Aŋaiyyun Ikayuquvluni
12Avanŋagaanŋauvva isumaaluutisalaich—
iñugiakpaitchut kisitchumagaluaqtuni!
Piḷuusiqutimnullu aŋupkaqtuŋa,
tautullaiqsuŋa;
iñugiałhaaqtullu niaqumni ittuaniñ nutchamniñ,
nikasulipiallaŋaruŋa.
13Annauttuŋŋa, Ataniiq! Ikayuŋŋa akkupak!
14Tuqutchiñialaruattuq uvamnik
akiiḷḷich qanuqsausiiqsitaulutiglu.
Quviasuktuallu iłuiḷḷiuġnipkun
utiġragiaqtitaulich kanŋunaqsiḷiqtaulutiglu.
15Kipakłiqsuallu uvamnik nikatchaglich akiiññamiŋ.
16Tamatkualu Ilignun ullautipayaaqtuat
qaamatchaglutiŋ quviatchaktitaulich.
Tamatkualu quyyatiqaqtuat annautiksrirrutignun
ataramik uqaġlich, “Qanutun kamanaqtigiva Ataniq!”
17Uvaŋakii sayaitchuŋa iḷiappauruŋalu,
aglaan puiguŋaitkigma Ataniiq.
Ilvich annaurriga God-igalu,
qilamik anniqsuġiaŋŋa!
Currently Selected:
Psalms 40: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
