Psalms 39
39
Quliaqtuutaa Nagliksaaqtuam
Atuqtit aullarriŋannun, Jeduthun-mun. Psalm aglaaŋa David-gum.
1Uqallaktuŋa, “Qaunakłaaġniaqtuŋa surġausipkun
suli qanimnun piḷuksipkaquŋiḷḷuŋa qaunakłaaġniaqtuŋa;
uqaġniaŋitchuŋa
piḷuktuat nayuutiŋŋaisa.”
2Nipaisimaaqtuŋa, uqallagnauramik unnii,
sunaunnii nakuuluqtuq!
Aglaan nagliksautiga iŋattaqsiiññaqtuq,
3payariñialammigaaŋa uvva uŋiarrisigma.
Isumavluŋa tainna, isumaaluliqsiiññaqtuŋa;
Kiisaimma apiqsrivik:
4“Ataniiq, qanutun immaimña iñuutiginiaqtuaŋaa?
Qakugu tuquniaqpik?
Iḷisimapkaŋŋa qakugu isukłiññiaqtilaamnik.”
5Qanutun uvva naisigiruamik iñuuviksriŋamagigma!
Qiññaġni sivisutilaaŋa iñuggutigma piuŋiḷatun itkiñ.
Iḷumutun iñuggutiqapayaaqtuaq arriqaqtuq aniqsaallaksiññaqtuatun,
6taġġiraaqsiññaqtuatun.
Supayaaqtavut suuŋitchut;
umiallakkapta, kimun piññaktaaġiniaqtilaaŋannik nalurugut.
7Sumik, imma, niġiugaqaġniaqsimavik, Ataniiq?
Niġiukkutiga ilignukkiga.
8Annauttuŋŋa piḷuutipayaamniñ,
suli isumalluaġiiḷanun kipagipkaġniaġnaŋa.
9Nivliraġniaŋitchuŋa. Uqallagniaŋitchuŋalu,
ilvich kiuvva tainnatchikun nagliksaaqtitkigma.
10Tatavsaŋaiġñaqsigigmauvva!
Tuquaqsiruŋauvva piyuaqpaił̣ł̣uŋa ilvich.
11Tatavsaisuurutin piḷuutiptigun suakłuta,
qupilġutun suksraunġiġuugitin piviuttaġikkavut supayaaat.
Iḷumutun ittugut aniqsaallaksiññaqtuatun!
12Tusaagguuŋ aŋaiyyutiga, Ataniiq,
naalaglugulu qirratiga;
qaiñ ikayuġiaŋŋa qirrugnimni.
Taipkunatitun maŋŋuupayauraptun
Uvaŋa tuyuġmiaġigigma sivikisuurami.
13Qaunagiŋaiŋŋa suagguuq quviasuliqsuŋa
tuquŋaiñŋaġma.
Currently Selected:
Psalms 39: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
