Psalms 37
37
Tikisaksrautaa Piḷuktuam Nakuuruavlu
Aglaaŋa David-gum.
1Uŋiarrisaġinagich piḷuktuat;
tusunagiḷḷu killuliqirit.
2Tautugnaiġaqsiuraqtut iviktun panaqłuktatun;
tuquniaqtut nauriatun tuquliruatun.
3Ukpiġisiuŋ Ataniq suli iluaqtualiqilusi;
iñuulusi nunami navianniuŋiḷḷusiasii.
4Quviasuutigiuŋ Ataniq,
Ilaan aitchuġniaġaatin uummatigni pigiyumakkaġniik.
5Qaiḷḷutin ilignik Ataniġmun;
ukpiġigupku, ikayuġniaġaatin;
6Ilaan qaummaġiktinniaġaa iluaqtuaguniġiñ qitiqqaġman siqiññaaġiksuatun.
7Qiñuiġutin utaqqiuŋ Ataniq nalautitchiñiksraŋanun;
uŋiarrisaqaġniaġnak piḷḷuataqtuanik
naaggaunnii tamatkuniŋa taŋŋiqsiruanik pimaqłuktautinik.
8Qaiññak uŋiarriñmun naakka qinnaunmun;
tikiurrisiññaġuuruq iluiḷḷiuġutiksramun.
9Ukpiqsraqtuat Ataniġmun nunannaktaaqaġniaqtut,
aglaalli piḷuktuat anitaulutiŋ.
10Sivikitchuami piḷuktuat inŋaiġñiaqtut;
ivaġniaġaluaġitin, paqitchumiñaitkitin;
11 #
Mt 5.5. piuniaŋitchuaq aglaan nunannaktaaqaġniaqtuq
aasii quviasuuttaqaġuni piḷḷuataunmik tutqiunmiglu.
12Piḷuusiqirit pimaqłuutiksraqsiuġuugaich iñugiksuat
qiñiġruaqługiḷḷu uumikkunmigni.
13Aglaan Atanġum iglautigigaich piḷuusiqirit,
iḷisimavluni suksraunġiqsauyasitilaaŋannik.
14Piḷuusiqirit savikpatiŋ amugaich iiggutivlugiḷḷu pisiksitiŋ
tuqutchukługich iḷiappaich suiḷḷiuqtuaqtuallu,
tuquġaġukługiḷḷu iluaqtuaguruat;
15aglaan tuqutauniaqtut ilaisa savikpagmignik,
pisiksiŋiḷḷu navguġutiŋ.
16Mikiruaq unnii iñulluatam piññaktaaŋa
akisułhaaqtuq umialgutipayaaŋiññiñ piḷuusiqirit,
17Atanġumkii suaŋŋataiġñiaġaa piḷuusiqiri,
aglaan qaunaginiaġaich iluaqtualiqiruat.
18Atanġum qaunagisuugai inmiñik kamaksriruat,
suli kiŋuvaannaktaaqtiŋ piginiaġaat taimuŋa isuitchuamun.
19Nagliksaaġumiñaitchut suna iluiḷḷiġaluaqpan;
inuqtuġaġniaŋitchut niqaiḷḷiuġnaqsigaluaqpan.
20Aglaan piḷuusiqirit tuquniaqtut;
akiḷḷiqsruqtuat Ataniġmik tammaġniaqtut nunami nauriat tammaġmatun;
tautugnaiġñiaqtut avyutun.
21Piḷuusiqirit attaqsikamiŋ utiqtitchisuitchut,
nakuurualliasii naglikkutiqaqłutiŋ aitchuisalgurut.
22Tamatkua quviasuusiaqaqtuat Ataniġmiñ kiŋuvaannaktaaksriusiaqtiŋ nunannaktaaġiniaġaat,
tamatkualiasii pimaqłuusiaqaqtuat God-miñ anitaulutiŋ.
23Atanġum aullatigaatigut igliġusiksraptiktun
navianniuqtinŋitkai iviġaktuaqtini.
24Ulġugumiŋ, ulġuŋaataġniaŋitchut,
Atanġumkii makitqiksinniaġai.
25Uvva utuqqaliruŋa; Iñuuruŋa sivisuruamik,
aglaan tavra tautuŋaitchuŋa iñulluatanik Atanġum suksraaqtaŋiññik
naakkaunnii miqłiqtuŋich niqiksraqsiuliġmata.
26Iñiqługu qaitchiŋaiyuitchut allanullu attaqsipkaisuurut,
miqłiqtutiŋ quviasuusiaġigaich.
27Tunurruŋ piḷuktuaq aasii nakuurualiqilutin,
kiŋuvaatin iñuusaġatallayumaut nunami;
28Atanġumkii nakuaġigaa suna iluaqtuaq
suli suksraayuitkai inmiñun ukpiqsraqtuat iḷumutuuqłutiŋ.
Qaunagisuugaich isuitchuamun,
Aglaalli kiŋuvaaŋich piḷuktuat anitauniaqtut.
29Iluaqtualiqirauruat kiŋuvaannaktaaksriusiaqtiŋ nunannaktaaġiniaġaat
suli iñuusaġataġvigilugu isuitchuamun.
30Uqaluŋich iñulluatat isumattutiqaqtut,
suli nalaunŋaruagusuurut.
31Pitqurriutaich God-im uummanmiutaġuugaich
unitqataalaił̣ł̣ugiḷḷu.
32Piḷuusiqirit naipiqtuisuurut iñugiksuanik
taimmaasii tuqunniatagmivḷugich;
33aglaan Atanġum qimaiññaġniaŋitkai akiḷḷiisa suaŋŋataannun
naakkaqaa suksraaqtinniaŋitkai uqaqsitaaġurraukpata.
34Niġiukkutiqaġiñ Ataniġmiñ suli kamaksriḷutin Ilaan piraksriutaiññik;
Ilaan kamanaqsiḷiġniaġaatin nunannaktillutin,
suli qiñiġniaġitin piḷuktuat anitaukpata.
35Iḷisimaŋaruŋa iñugmik piḷukłuni taluqsralliaġinniguuruamik;
qulaŋiqsimaugaqługu kiñapayaaq napaaqtuŋatun Lebanon;
36aquvatigun piiqsuq, tavraniinŋaiqłuni;
Ivaagaluaqługu, paqinŋiḷḷakkiga.
37Nalunaigisigich iñulluatat, naipiqtuġlugich iluaġniaqtuaguruat;
piaqłaŋŋataitchuat iñuich kiŋuvaaqaqtut,
38piḷuusiqirit aglaan suksraunġiqsaupiaġuurut,
suli kiŋuvaaksraitchut.
39Atanġum annautisuugai iluaqtualiqirit
annaksimaaqtiłługich iłuiḷḷiuliġmata.
40Atanġum ikayuġuugai annautivlugiḷḷu;
annautisuugai piḷuktuaniñ,
annaksaqtuġvigisuuvlugukii Ilaa.
Currently Selected:
Psalms 37: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
