Psalms 36
36
Iñuum Piḷuusiqutaa
Atuqtit aullarriŋannun. Aglaaŋa David-gum, Atanġum kivgaŋata.
1 #
Ro 3.18. Piḷuun uqaurrisuuruq piḷuktuanun itisivḷugu qamani uummataiññun;
ayyaktuġaat taluġiŋił̣ł̣ugu God.
2Inmiñun suunasugivaił̣ł̣uni,
qanutun piḷuktuagutilaaqtik nalugaaq.
3Uqausiŋat piḷuktuq suli siḷivinŋarut sagluuġutinik;
Isumattutaiŋarut nakuurualiqillaiqłutiglu.
4Piḷuktuanik sivunniuġaqtut tuttaaqamiŋ;
nakuurualiqisuitchut,
ayyaktulaitchut piḷuktuanik.
Nakuuruaguniŋa God-im
5Ataniiq, nuŋulaitchuam nakuaqqutikpich tikitchuugaich qiḷaich;
iḷumutuuġutin tikitchaqtuq pamuŋa qiḷagnun.
6Iluaqtuaguniġiñ irrusiqaqtuq qutchikpaktuatitun iġġitun;
iḷumutuuġutin arriqaqtuq mitaiḷaŋisun taġium.
Iñuiḷḷuasii niġrutillu qaunakkutigniittut.
7Piññaġnaqtigiruq, God-iiŋ, nuŋulaitchuaq nakuaqqutin!
God-im iñuŋi navianaitchuamik paqittaqtut ataagni isaqqukpich.
8Niqinaqiraqtut inuaŋaitchuanik niqiksrirrutignik;
imiqtitaaġmigitin kuuŋaniñ nakuuniqpich.
9Kaŋiurutin iñuupayaaqtuanun,
qaummatin pisigivlugu qaummaq tautullagikput.
10Kiikaa nakuaġikkich Ilignik iḷitchuġiŋaruat
nakuutilugiḷḷu iluaqtuaguruat.
11Arguaŋaruanun iñugnun maksrigvigipkaġnaŋa
naakka piḷuusiqirinun qimaaratchipkaġnaŋa.
12Tautuguŋ piḷuktuat ulġuġaġviat.
Nalarut, makillaiqhutiŋ.
Currently Selected:
Psalms 36: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
