Psalms 35
35
Aŋaiyyutaa Ikayuqtisiuqtuam
Aglaaŋa David-gum.
1Akiḷḷiḷiqsukkich akiḷḷiḷiqsuqtitka, Ataniiq,
suli aŋuyakkich tamatkua aŋuyaktitka!
2Tigulugu akkiaġautin aŋuyaunnaġlu annuġaan
qaiḷutin annautiŋŋa.
3Iigutikkik panallu aŋuyaktim anauttaŋalu
akiḷḷiḷiqsuġlugich maliqataqłiqsuat uvamnik.
Unniqsuqłiiŋŋa annautiniaġniḷuŋa.
4Uvamniktuq iñuaġniḷuktuat
akiiḷiraulich kanŋutchaktitaulutiglu!
Sivunniuqtuallu pimaqłuutiksramnun
utiġlich qanuqsausiiġutiglu!
5Arriḷiñaġlich amiġaiyaġnitun tiŋmiġalatchiraatun anuġim
isaġulgata Atanġum tiŋititaqługich!
6Apqutaallu taaġli quayaġnaqsimmiḷuni
isaġulgata Atanġum maliqataġmagich!
7Sumik patchisaiḷaat naniġviksriuġaanŋa
nivakłutiŋ iḷuqsraqpagmun pisaġisukłuŋa.
8Iliŋich suksraunġiqsauniaqtut quviqtillutiŋ;
naniqtillutiŋ iliŋisa piyaqquutiksriamignun
katagvigilugu suksraunġiutiksraqtiŋ!
9Quviasugniaqtuŋa pisigilugu Ataniq;
quviasugniaqtuŋa qanukkii annautigaaŋa.
10Iluqaaġluŋa uqallautiniaġiga Ataniq,
“Piitchuq Iliktun ittuamik.
Anniqsuġuugitin piḷguitchuat suaŋaruaniñ,
iḷiappauruat nagliksaaqtitchiriŋiññiñ.”
11Piḷuktuat uqausiġisuugaanŋa akiḷḷiqsruqłuŋa
pasivḷuŋalu savamaqłuutinik nalukkamnik.
12Pigiiḷḷiqunmik akisaqłuŋa nakuurualiqiamnun,
muġrugaqtuŋa ipiqtusuunmun.
13Aglaalli naŋinmata, atiraqtuŋa miitchugnik
Niġiŋaiḷautigivlugiḷḷu;
aŋaiyyuvluŋa pułłuŋa,
14isumaaġutigimmatun avilaitqatiga naakka aniqatiga.
Iglauraqtuŋa punŋavluŋa isumaaġunmi,
aakamnun qiñuuqtuatun.
15Uvaŋaliasii iluiḷḷiuqama, iluqatiŋ quviasuguurut
katittaqtut avatimnun kipagivluŋa;
naluraġma anaullaqłuŋa
patimigmivḷuŋa.
16Iñuich kipakłiqsuatun pisaaŋŋatikun;
qiñiġruaqłuŋa uumisuunmi.
17Qanutuvsaaq, Ataniiq, qiñiqsiññaġniaqpich?
Annauttuŋŋa piyuutaanniñ;
annauttuuŋ iñuggutiga makkunaŋŋa laiyaalugniñ!
18Tavraliasii quyanaaġniaġikpiñ katitpaktuani;
Nanġaġniaġikpiñ sivuġaanni iñusalaich.
19 #
Ps 69.4; Jn 15.25. Sagluuqtuanun akiḷḷimnun,
piukhaaġvigipkaġnaŋa akiiḷiraunipkun.
Uumisuktuat uvamnik patchisaiḷakun
tivsisautigipkaġnaŋa isumaaġnipkun.
20Uqalaitchut tutqigñaqtuakun;
piġuqtiqługich sagluuġutigiyumiñaqtilaaġaġigaich piaqłuktautaiññiġmik nakuaqsriruat iñuich.
21Pasiuġaanŋa, saqłakłutik,
“Qiñiġiptigiñ sutilaaġnik!”
22Ilvich aglaan Ataniiq, tautuŋagiñ taamna.
Tainnamik nipaisimaaġnak, Ataniiq;
uŋasigñak uvamniñ!
23Ki Ataniiq, ikayuŋŋa;
makittin, God-iiŋ, iŋiqsruutiŋŋa.
24Ilvich ataŋ iluaqtuagurutin. Ataniiq, aasii nalunaiŋŋa patchisaisilaamnik;
akiḷḷimnun kamanniraaġutigipkaġnaŋa.
25Inmignun uqaqtinnagich,
“Kiisaimmaalu!
Nalautisiññaqtuq uvagut piyummatikput!”
26Tamakkuatuq kamanniraaġutiqaqtuat uvamnik isumaaqama
akiiḷiraupiallaglich qanuqsausiiġutiglu;
tamatkua nakuułhaaqtualiuqtuat uvamniñ
maturaulich kaviġḷuksiñmik kanŋusuunmiglu.
27Tamatkuatuq quviasuktuat patchisaisilaamnik
nipaalalich quviasugutiŋ uqallatqigaaqtaġutiŋ,
“Qanutun uvva kamanaqtigiva Ataniq!
Iviġaummiruq piḷḷuatautaanik kivgaġiraġmi.”
28Uvaŋali iḷisimapkaġniaġiga nalaunŋaruagutilaan,
suli nanġaġlutin uvluqtutilaaŋatun.
Currently Selected:
Psalms 35: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
