Psalms 34
34
Nanġaun God Nakuuniŋagun
David aglaaŋa uniññamiuŋ Abimelech kinnaġuŋŋuaqqaaqhuni aasii anitił̣ł̣uni Abimelech-mun.
1Quyanaaŋaiġñiaŋitkiga Ataniq;
Ilaa nanġaŋaiġñiaŋitkiga.
2Nanġaġniaġiga Ilaa savaaŋisigun;
nagliksaaqtitaupayaaqtuattuq tusaalutiŋ quyyatiqaġlich!
3Nivliraqasiqsiŋa Atanġum kamanautaagun;
nanġaġlakput Ilaan atqa atautchikun!
4Aŋaiyyukama Ataniġmun, Ilaan kiugaaŋa;
qiḷiqsimaŋaiqsiłłuŋa sivuuqqatipayaamniñ.
5Iluiḷḷiuqtuam qiviaqługu quviasuliġaqtuq;
tainnaġumiŋ kanŋusuutiksraitchut.
6Ikayuqtaiḷḷiuqtuam ququullavigimmani kiusuuruq;
annautivlugich aasii iłuiḷḷiuġutipayaaŋiññiñ.
7Isaġulgata munaġisuugai qiksiksraġmata Ataniġmik
suli annautivlugich navianaqtuamiñ.
8 #
1 P 2.3. Ilignigli iḷitchuġisaġuŋ qanutun Ataniq nakuutilaaŋa.
Quviasuktut annaksaġviqaqtuat ilaanik.
9Nanmiñiq iñugipayaaqtaŋisa qiksigilirruŋ Ataniq;
Ilaanik kamaksriruat susuksiulaitchut.
10Lion-gich unnii kaaliġuurut niqaiḷḷiuqamiŋ,
kamaksriruat aglaan Ataniġmik piiḷḷiulaitchut nakuuruanik.
11Qaisitchi, miqłiqtumaaŋ, naalaġnisiñŋa,
iḷisautiniaġivsiuvva qiksiksraġniġmik Ataniġmun.
12 #
1 P 3.10-12. Iñuulluatallatuvich?
Iñuuniqtusukpich quviasugutillu?
13Tainnaitchukkuvich uqaqsaiḷiiñ pigiitchuanik
sagluuqsaiḷiḷutillu.
14Tunurruŋ pigiitchualiqiniq aasii nakuurualiqilutin;
kipiġniuġutigilugu tutqiun piññaktaaġiniaġlugu.
15Atanġum munaġisuugai iluaġniaqtuaguruat
naalakługiḷḷu ququullatai;
16aglaan paaqłakługich piḷuktualiqirauruat,
taimmaasii tuqukamiŋ, puiguqtauvlutiŋ.
17Iluaqtualiqiri ququulamman Ataniġmun, naalaguugaa;
annautivlugu iluqaiññiñ iłuiḷḷiuġutiksraŋiññiñ.
18Ataniq qanittuq qapiqpaŋaliqsuanun;
annautivlugich niġiukkutaipiallaktuat.
19Iñulluatat igḷutuġuurut iñugiaktuanik iluiḷḷiuġutinik,
Atanġum aglaan annautigaluamiiġuugai iluqaiññiñ;
20 #
Jn 19.36. Atanġum munaġipiallaguugaich;
atausiq unnii saunġat naviŋaitchuq.
21Piaġiirrutaan tuqunniaġaa piḷuusiqiri;
uumiksriqsuallu iluaġniaqtuanik tatavsaqtauniaqtut.
22Atanġum annautiniaġaich iñuni;
tamatkua Ilaanun annaksaqtuat tatavsaqtauniaŋitchut.
Currently Selected:
Psalms 34: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
