Proverbs 30
30
Agur-gum Uqaluŋich
1Marra uqaluŋich Agur-gum iġñiŋata Jakeh-m:
“God uvamniinŋitchuq, God uvamniinŋitchuq,
aasiuvva qanuqsausiiqsuŋa.
2Niġrutitun uvva iłhaaqtuŋa iñugmiñ;
kaŋiqsisaitchuŋa uvagut iñuich kaŋiqsisiksraŋatun.
3Iḷitchiŋaitchuŋa isumattunmik,
suli naluruŋa sumikunnii God-ikun.
4Iñuum iḷiñŋavauŋ iḷisimaraksraq iluqaan qiḷakkun?
Iñuum akkuaŋavauŋ anuġi?
Naaggaunnii puuqsiŋava imaġmik kalikumun?
Naaggaunnii iḷitchuġimmaġiksaaŋava nunam killiŋiññik?
Kiña atiŋa? Kiña atiŋa iġñiŋata?
Nalupqinaitchuami iḷisimarutin!
5“God-im taŋŋiqsitchuugai iluqaisa unniqsuqłiutini.
Akkiaġautitun ittuq iluqaiññuñ ivaqłiqsuanun annagsimaaġvikramignik.
6Pimaaqtuġupku sumik uqallausiġiŋaitchaŋanik,
tatavsaġniaġaatin aasii satqummiġḷugu saglutilaan.”
Alġaqsruutivsaat
7Apiġigikpiñ, God, malġugnik
aitchuquvluŋa tuquŋaiñŋaġma;
8saglupkaġnaŋa, umiallaqłuupkaġnaŋa naaggaunnii suiḷḷiuqtinnaŋa.
Tavraasii niqiksritchaġiŋma kisianik pigiraksramnik.
9Qaaŋiulaaŋaguma, uqallakpiaqtuŋa inŋitkuvich sugiŋiññiḷugu.
Aglaan suiḷḷiuġuma tigligaqpiaqtuŋa aasii kanŋunaqtuamik aitchuġlugu God-iga.
10Suuramikunnii saŋunnagi kivgat qaukłiŋannun.
Uqallamaqłuutiginiaġaatin aasii nagliksaaġutiginiaġiñ.
11Iñuqaqtuq uqallamaqłuutigiññiguuruanik aapamignun
suli iḷisimapkalaiñmigaat quyyatiktik aakamignun.
12Iñuqaqtuq isumaqaqtuanik iñugipiaġatagnivḷutik
uvvaukua iñupałłuupiaġataġmiut.
13Iñuqaqtuq isumaqaqtuanik nakuupiaġataġnivḷutik—
aarraa isumamigni aarigaa nakuurut!
14Iñuqaqtuq pisuġmiġaqłiiruanik piiḷḷiuqtuanik;
tainna iñuuniaġniqtik igliqtitkaat.
15Piqaġummaqturuaq iñuk malġugnik paniqaqtuq aasii iluqatik atiqaqtuk uumiŋa, “Aitchuŋŋa.”
Sisamaurut katchuŋaitchuat:
16nunaŋat tuquŋaruat,
aġnaq miqłiqtuitchuaq,
paliumaruaq nuna sialuqaqtuksrauruaq,
aasii suli igniq qanuqsausiiqsaŋat.
17Kipagigupku aapan
naagga uumigigupku aakan utuqqalimman,
niġiruksraġigaluaġaatin tiŋmiat tuquŋaranik niġisuuruat
naaggaunnii irrakiñ niġiḷugik tulukkat.
18Sisamaurut nalunaqtuat kaŋiqsisuitchatka:
19tiŋmiaqpak tiŋmiruaq siḷami,
nimiġiaq igliqtuaq uyaġagmi,
umiaqpak iḷisimaruaq apqutiksramiñik taġiumi,
aasii suli aŋullu aġnaġlu nakuaqqutiliġmagnik.
20Innaittuq allatuqtuaq aŋutim nuliaŋa:
allatuqtuq, ivvaqqaaqhuni inna uqallaktuq, “Aglaan suliqiŋaitchuŋa iluaŋitchuamik!”
21Sisamaurut nunaqpaum akuqtuaġiyumiñaitchaŋiññik:
22kivgaq umialiguġman,
isumalluaġiitchuaq niqiksraukkaġman,
23uumisuuturuaq aġnaq tuvaaqatinigman,
aasii suli kivgam aġnam inaŋiġmauŋ savautirani.
24Sisamaurut niġrutit nunapayaami mikiruat, aglaan isumatuqpaktut:
25Kiktuqsralgich: saqaŋarut,
aglaan niqiksramignik tutquqtuisuurut upinġaami.
26Rock badgers: saqaŋammiut,
aglaan aimmaviḷiuġuurut avataanni uyaġaich.
27Nuttagayuich: umialgitkaluaqtut
igliġuurut atautchikuaqłutik.
28Lizards: tigumiaġumiñaġiñ argagni,
aglaan paqinnaġmiut umialgich igluqpaŋani.
29Sisamaurut qiñiqtuannaraaġnaqtuat pisuaġmata:
30lion-paich, saŋŋił̣haaqtuat niġrutit
suli sunaliqaa iqsigiŋitkaat;
31nagrulgich, roosters pisuaqpagaaqtuat,
suli umialgich sivuġaanni iñugmi.
32Isumalluaġiił̣ł̣utin sivunmuuŋaguvich
suli itqanaiyaqhutin pigiitchuamik savaaksraġnik,
aġiugguiñ aasii isumalaaġutin!
33Aŋalatpakkupku immuk paraliuqtutin.
Iñuum qiŋaŋa anaugupku aunaaġniaqtuq.
Qinnaguksaaqłiiguvich, iluitchuamun tikiññiaqtutin.
Currently Selected:
Proverbs 30: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
