Jonah-m 3
3
Jonah-m Kamagigaa Ataniq
1Ataniq uqallavsaaŋaruq Jonah-mun. 2Uqaqłuni, “Aullaġiñ Nineveh-mun, iniqpagmun, uqautiyyaġlugich iñuich uqalugmik qaisamnik iliŋnun.” 3Jonah-m kamagiŋagaa Ataniq aasii Nineveh-mukłuni, iniqpauvił̣ł̣uni piŋasuni uvluni pisuaqtuni tapiglagataġnaqtuq. 4#Mt 12.41; Lk 11.32.Jonah aullaqiŋaruq iniqpagmun, pisuaganikami uvluq naałługu, uqautinagutiŋagai, “Malġukipiat uvlut pianikpata Nineveh suksraunġiqsauniaqtuq!”
5Tavraasi iñuŋisa Nineveh-m ukpiġiŋagaat Godim kiliktuutigipkaqtaŋa. Sivunniŋarut iluqaġmiŋ niġiŋaiḷaġukłutiŋ, aasii iluqaġmiŋ iñuich kamanautiqaġaluaqamiŋ kamanaiññiqtaugaluaqamiŋ, atiŋarut miitchugnik nalunaiqsaqługu isumalitqiktilaaqtiŋ.
6Umialikpaŋa Nineveh-m tusaakami, makiłłuni aquppiutaqpagmiñiñ, mattaqługu qaliġuani, ativluni miitchugnik, aquvinŋaruq aġranun. 7Kiliktuipkaiŋaruq iñuŋiñun Nineveh-m: “Uvva una piraksriutaa umialgum atanauraŋisalu: Kiñaunnii sumik niġiñiaŋitchuq; iluqaġmiŋ iñuich, niġrutit, suli imnaich niġitquŋisaurut naakkaunnii imiqtuksrauŋitchut. 8Iñupayaat suli niġrutit atiruksraurut miitchugnik. Iluqaġmiŋ iŋiqsruqtuksraurut God-mun suli aġiulugich pigiiḷḷiqutitiŋ suli piaġiitchuat piraġausitiŋ. 9Suagguuq God isummitqigñiaqtuq; suagguuq qinnautini aġiuniaġaa, aasii uvagut tuquŋiḷḷuta!”
10Godim tautugniġai qanuq pitilaaŋiññik; tautukkai aġiuŋatilaaŋiññik pigiiḷḷiqutimignik. Tavra tainnaqłuni isummitqiŋaruq suli tatavsaun iliŋiññun sivunniutikkaluni atuŋił̣ł̣ugu.
Currently Selected:
Jonah-m 3: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
