Jonah-m 4
4
Jonah-m Qinnaliutaa suli Godim Naglikkutaa
1Jonah iviġaŋiñŋaruq nalautittuakun aasii qinnaliqhuni. 2#Ex 34.6.Tavraasii aŋaiyyuruq, “Ataniiq, tainnaimña uqallaŋitpik aullaŋaiñŋaġma aimmivimñiñ tainnaġumaaqtilaaġnik? Tainnaqłuŋa tavra qimaasapiaŋaruŋa Tarshish-mun! Iḷisimavluŋa piqpaksriruagutilaaġnik suli nagliktuutiqaqtilaaġnik, pikałaktautaił̣ł̣utin, ataramik itqanaił̣ł̣utin isummitqigñiksraġnun tatavsaiñiksrakkaluaġniñ. 3#1 K 19.4.Tavraasii Ataniiq, iñuggutiga piiġḷi. Tuquguma nakuułhaaqtuq iñuuniksramniñ.”
4Atanġum kiugaa, “Iłuaġnasugiviuŋ tavra qinnaliqavich?”
5Jonah aniŋaruq kiluliñaaŋagun tavraŋŋa iniqpagmiñ aasii aquptaaqhuni. Uqquutaliuŋaruq ilimiñun aasii aquviłłuni taġġaŋanun, utaqqiaqsiruq suna imma piñiaqtilaaŋa Nineveh-mun. 6Tavraasii Ataniq naupkaiŋaruq nauriamik qulaanun Jonah-m taġġiyviksraŋanik, tutqigḷugu itquvlugu. Jonah-m iviġaumagipiallaŋagaa taamna nauruaq. 7Aglaan uvlaakumman uvlaatchaurami, God piraksriimman, qupilġum nauriaq tuqupkaŋagaa. 8Siqiñiq nuiganigman, God uunaqtuamik kiluagnamiñ anuqłiġuqtitchiŋaruq, aasii niaqumiñun siqiñġum uunnaŋata tunŋaruam sayaiqsipiallaŋagaa Jonah. Tuqugumiunnii iluaġiłhaaliŋagaa. “Nakuułhaaqsiruŋa tuquguma iñuuniksramniñ,” uqallaktuq.
9Aglaan God uqallaktuq ilaanun, “Iłuaġnasugiviuŋ tavra qinnaliqavich nauriaq pisigivlugu?”
Jonah-m kiugaa, “Qinnaliġumiñaqtuŋa—qinnakpaiḷḷuŋa tuqugaluaġlaŋaunnii!”
10Atanġum uqallautigaa, “Nauriaq una nauruaq unnuaġmagu aasii piiġmivḷuni; ilvich savaaġiŋitkaluaġiñ suli naupkaŋitkaluaġiñ—naakkauvva isumaaġutigigiñ! 11Qanutułhaaq, aasii, nagligiyumiñaqpigu Nineveh, aŋitigiruaq nunaaqqiq. Qanuq uvva, iñuqaqtuq 120,000-tun iñugiaktigiruanik patchisaiḷaanik miqłiqtunik, suli iḷaqaqhutiŋ iñugiaktuanik niġrutinik!”
Currently Selected:
Jonah-m 4: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
