Jonah-m 2
2
Jonah-m Aŋaiyyutaa
1Jonah aasii aŋaiyyunagutiŋaruq ATANIĠ-mun God-imiñun iḷuaniillaġmi iqaluum:
2“Iłuiḷḷiuġnimni, Ataniiq, ququulaŋaruŋa iliŋnun,
aasii ilvich kiuŋagiŋma.
Itiruaŋiññiñ nunaŋata tuquŋaruat ququulaŋaruŋa ikayuquvluŋa,
aasii ilvich tusaaŋagiŋma.
3Iginŋagaluaġiŋma itiruanun,
natiqpiaŋanun taġium,
immat avanŋagaanŋa,
qaiḷḷiqpagiraqpich aksraligvigiŋagaanŋa.
4Isumaŋaruŋa iñiqługu igitaunasugaluŋa ilvich takkuġniñ
suli taututqigñiaŋiññasugiŋagiga salumaruaq Aŋaiyyuvikpagiran.
5Immat matuvluŋa ipisiapkaŋagaanŋa;
taġium samani iḷuaniinŋaruŋa, suli
iŋalugaaluich nimmaaŋagaat niaquġa.
6Atchiksuamuŋaruŋa samuŋa maŋŋuŋiññuaglaan iġġich,
nunamun upkuaqpaŋich pitchiġiiyaŋaruanun isuitchuamun.
Aglaan ilvich, Ataniq God-iiŋ,
utqutiŋagiŋma tasamaŋŋa natqaniñ iñuuvluŋa.
7Iñuggutiga uvamniñ piiġruiññaaqsimman,
tavra, Ataniiq, aŋaiyyuŋaruŋa iliŋnun,
aasii salumaruamiñ Aŋaiyyuvikpagiraġniñ tusaaŋagiŋma.
8Iliŋich aŋaiyyuviqaqtuat suunnauŋitchuanun iñuuraqpagnun
uniñŋagaat ukpiqqutiktiŋ iliŋnun.
9Aglaan atuġniaqtuŋa nanġautinik iliŋnun;
Qaitchiñiaqtuŋa iliŋnun ikipkautinik
suli taŋŋiġñiaġiga unniqsuqłiisigiŋaraġa.
Annaun qairuaguruq ATANIĠ-miñ!”
10Tavraasii Atanġum piraksriŋagaa tivvuaquvlugu Jonah paliumaruamun nunamun, aasii tivvuaŋagaa.
Currently Selected:
Jonah-m 2: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
