1 Thessalonians 3
3
1 #
Ac 17.15. Tavra igḷutulguiḷikapku uŋiarriñ qanuqtilaavsiññik qimaktauyumalliŋaruŋa Athens-mun kisiŋŋuġluŋa, 2aasii tiliŋagikput Timothy, aniqatikput, God-im kivgaŋa alġaqsruiñiġmun tusaayugaaġiksuaŋanik Christ, suaŋasiḷaaquvlusi ukpiġutivsiññi qapiŋaisaaġlusiḷu, 3iñuŋmun kimulliqaa nipuqsaquŋił̣ł̣usi ukpiġniksravsiññiñ tamatkua nagliksaaqtirrusiat piŋŋaisa. Ilivsi ilivsiññi iḷisimarusi piksraqtaaguŋatilaavsiññik nalautaksraġivlugu nagliksaaqtitauniq. 4Qanuq nayuutiŋŋapta ilivsiññun, uqautiŋagivsi sivuani nagliksaaqtitauniaġnivḷuta. Taamna nalaurraqsiŋaruq iḷisimammiusi. 5Tavra igḷutulguiḷigaluaqapku uŋiarrisiga ilivsigun, tiliŋagiga Timothy iḷitchuġiyaqtuquvlugu ukpiġutivsiññi qapiŋaitkaluaġmagaavsisuli, piŋiksraqłuŋa iḷaanni qanutchikun Tuunġaġmun killuqsaqtinniaġasugalusi, aasii uvagut siġġaqutikput alġaqsruikapta ilivsiññun anniqsuutauŋaiġñiaġasugalugu.
6 #
Ac 18.5. Paŋmapak-aasii Timothy utiŋaruq ilivsiññiñ, aasii quliaqtuaġutivluta tusaayugaalluatanik ilivsi ukpiġutivsigun piviuttaqqutivsigullu. Quliaqtuaġutimmigaatigut ilivsiññun ataramik itqaumalluataġuunivḷuta, suli tautugumasuunivḷuta, uvaptiŋnuttauq tautuguliġmipkaqtillusi. 7Tamatkua iluqaġmiŋ tusaayugaalluatat ilivsigun ukpiġutiqaqtuiññaġnivsigullu qapiŋaiqsaaŋagaanŋa, qanutupayauraq iłuiḷḷiuqtitaugaluaqtilluŋa nagliksaaqtitauvluŋalu. 8Igḷutuġumiñaqsigiga sunapayauraq iḷitchuġianikama ukpiġutiqaqtilaavsiññik suli suaŋaruamik Ataniġmi. 9Quviatchapiaġataġivsiŋa sivuġaani God-ima. Qanutun quyyavigiyumiñaqtigigiga God naamasiḷugu quyyatigilusi. 10Unnuakkaluami uvlukkaluamiḷu aŋaiyyuupiaġuuruŋa tautuvsaaġukłusi, aasii iḷisautilusi sunik iḷitchuġiŋaisavsiññik ukpiġutiqaġnikullu Christ-mi.
11Paŋmapaktuq God-ipta Aapam ilaan, Ataniptalu Jesus, sivunniġḷiuŋ iglauyaaksraqput ilivsiññun, 12aasiisuli, Atanġuptuq aglipkavsaasuġrugliuŋ piviuttaqqutiniqsi avanmun, allanullu iñupayaanun, uvaguttauq piviuttaqqutiqaqtilaaptiktun ilivsiññun. 13Tainna piguvsi, tuniqsimaniaqtusi ukpiġutivsiññi pasirauniaŋiḷḷusi, suli piḷuutaiḷḷusi, akuqtuġnaġumiñaġniaqtusi God-mun Aapaptiŋnun Ataniqput Jesus qaikpan piqatigilugich iluqaisa ilaan ilaaguaqtauŋaruat iñuŋni.
Currently Selected:
1 Thessalonians 3: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
