1 Thessalonians 2
2
Paul Savaaŋi Thessalonica-mi
1Qanuq ilivsiññi iḷisimarusi, aniqatiit, ullautiniqput ilivsiññun asiḷiqqutauŋaitchuq. 2#Ac 16.19-24; Ac 17.1-9.Iḷisimarusi qanutun nagliksaaganiktilaaptiŋnik suli kanŋunaqtuakun aŋalatauŋatilaaptiŋnik Philippi-mi. Naaggasuliuvva God-ipta qapiŋaisaaġaatigut alġaqsruitquvluta ilivsiññun ilaan tusaayugaaġiksuamiñik kasuigaluaqtilluta akiḷḷiḷiqsuutiqpaŋnik. 3Ukpiliquuqavsi sagluuqtuaġluta piŋaitchugut, naagga allatuqtauluta, naagga nipuqsaiḷuta ilivsiññik, 4aglaan ukpiliquuŋagivsi uvagut God-im iviġaumagivluta, piksraqtaaġiŋammatigullu alġaqsruutigitquvlugu tusaayugaaġiksuaq. Alġaqsruiŋitchugut iviġagniugaqsiññaġlugich iñuich, aglaan iviġagniaqługu God, naipiqtuqtuaq iluqaiññik kipiġniuġutiptiŋnik sivunniuġutiptiŋniglu. 5Qanuq iḷisimarusi uvagut qaŋaunnii alġaqsruiŋaitchugut iḷamarrutiginiaġlugu, naaggaunnii piŋŋuaġutigilugu kaviuġilugich suġauttasi. God-im taamna iḷisimagaa. 6Suli alġaqsruiŋitchugut iñuŋnun nanġaquluta, ilivsiññun-unnii naagga allanun. Nalaunŋagaluaġmiuq nanġaquupiaġupta ilivsiññun, uvagut Christ tiliraġivluta. 7Aglaan uvagut piaqłuktaŋaitchugut akunnavsiññi, piḷaaqtitun qaunaksriruatun miqłiqtumiñik. 8Uvagut piviuttaġiliqpaŋagivsi, piqpaŋnaqsivaił̣ł̣usi uvaptiŋnun piqatigiyumaliŋagivsiunnii iñuggutiptiŋni, piqatigiyumammatuttauq God-im tusaayugaaġiksuaŋanik. 9Nalupqinaitchuq itqaumatilaaqsi qanutun savaŋatilaaptiŋnik siġġaqiŋatilaaptiŋniglu, aniqatiit, alġaqsruutigikaptigu ilivsiññun tusaayugaaġiksuaŋa God-im savaŋarugut unnuamiḷu uvlumiḷu naŋniġuŋitkaluaqługu nallipayaaqsi pamaġipkaġluta.
10Iḷisimarusi, God-ttauq iḷisimammiuq, uvagut iññiqusiqput ilivsiññik ukpiqtuanik piḷuutaiñŋaruq, suli nalaunŋavluni, pasiñaġumiñaił̣ł̣uniḷu. 11Qanuq iḷisimarusi aŋalanŋagivsi aapauruaq miqłiqtumiñik aŋalatchiruatun iḷivḷuta. Uvagut siḷġiqsuŋammigivsi qapiŋaisaaqłusiḷu pitquripiaqłuta ilivsiññik atausiullaavlusi, 12iñuutquvlusi nalliummatilusi God-im iñuusiġitqukkaŋanun, ququaŋammasi piqatautquvlusi ataniġnaqunmiñi kamanaunmiñiḷu.
13Aasiisuli quyyavigimmigikput God ataramik uumuuna, ilivsi akuqtuqavsiuŋ uqalua God-im tusaaŋakkaqsi uvaptiŋniñ, akuqtuŋaitkiksi uqalugipkaqtaġlugu iñuŋnun aglaan irrusipiaġataŋatun, uqalua God-im, savaktuaq ilivsiññi ukpiqtuani. 14#Ac 17.5.Qanuq tuvrautirraqsiŋarusi aŋaiyyuliqiruaŋiñun God-im Judea-miittuanun, atausiŋŋuqatauŋaruanun Christ-mun. Iliŋisituttauq nagliksaaqtinŋakkaŋisitun nunatqatiŋisa, ilivsivsauq nagliksaaqtinmigaasi nunatqativsi. 15#Ac 9.23, 29; 13.45, 50; 14.2, 5, 19; 17.5, 13; 18.12.Jew-guruat tuqunŋagaat Ataniq Jesus, uqaqtauruallu God-mun, aasiisuli uvagut aniłłuta. Tamatkua Jew-guruat akiḷḷiḷiqsuġaich God-lu iñuiḷḷu, 16alġaqsruitchaiḷiraqłuta Jew-guŋitchuanun annaurrautquŋitkaluaqługich. Tainna pikamiŋ Jew-guruat piḷuksirut piḷuksiḷgutilaamiktun maŋŋuumiktun. Kiisaimmaa God-im tatavsarraqsivai.
Paul Kipiġniuqtuq Taututqigukługich
17Aniqatiit, aullaqapta ilivsiññiñ piisaaqtuallaanikapta piigulaił̣ł̣usi sumikunnii tautuvsaaġupiaŋagivsi, tavraasii utiġniapiaŋagaluaqtugut ilivsiññun. 18Uvaŋa Paul ullagupiaġaluaġivsi. Qaiñiatatqigaaġaluaqtuŋa, Satan piñaiḷutchiqsuġaaŋa. 19Uvvami sum niġiuktitpatigut quviasukkumaaqtiłłutalu kanŋusuksaġumaaŋił̣ł̣utalu sivuġaani Atanipta Jesus ilaa qaikpan? Ilivsi. 20Ilivsi ukpiqtuaguruat kamasaaġutiginiaġivsi quviasuutigilusiḷu.
Currently Selected:
1 Thessalonians 2: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
