1 Thessalonians 1
1
1 #
Ac 17.1. Paul-lu Silvanus-lu Timothy-lu tuyuqtut ukuniŋa tuyuutinik aŋaiyyuliqiruanun iniqpaŋmi atiqaqtuami Thessalonica-mik, atausiŋŋuqatauŋaruanun God-mun Aapamun, Ataniġmullu Jesus Christ-mun. Nagliktuusiaqpaqaġitchisuq tutqiunmiglu.
Iñuuniaġniŋat Ukpiġutaallu
2Quyyavigisuugikput God ataramik, quyyatigivlusi iluqasi, ataramik itqaumavlusi aŋaiyyutiptiŋni. 3Quyyavigigiga God Aapavut pisigivlugich savaasi qanuq ukpiqtuaguvlusi, suli siġġaqutisi qanuq piviuttaqsrivḷusi, igḷutuutilguniqsiḷu qanuq niġiugiugaqługu qaitqigñiksraŋa Atanipta Jesus Christ. 4Aniqatiit, God-im piviuttaġiraŋasi, iḷisimarugut God-mun piksraqtaaġiŋatilaavsiññik, 5qanuq alġaqsruutigikaptigu tusaayugaaġiksuaq ilivsiññun, uqalułhiñakun piŋaitchuq, aglaallu Ilitqusiġiksuam suaŋŋataagun, nalupqinaiqsruutipiaġatakullu. Iḷisimammiusi qanuq iñuuŋatilaaptiŋnik akunnavsiññi ilivsi pisigivlusi. 6#Ac 17.5-9.Aasii ilivsi piñiarraqsiŋarusiḷi uvaptiktun Ataniqtullu, akuqtuqługu tusaayugaaġiksuaq, quviasuutiqaqłusi Ilitqusiġiksuamiñ, qanutupayauraq nagliksaaqtitaugaluaŋŋavsi. 7Tainna pikavsi, ilivsi tuvraaksriiŋarusi iluqaiññun ukpiqtuaguruanun Macedonia-mi Greece-miḷu. 8Qanuq ilivsi siaminŋagiksi tusaayugaaġiksuaq iluqaiññun nunaŋiñun Macedonia-vlu Greece-lu. Aasiisuli tusaayugaaq ukpiġutiqaġnivsigun God-mun siaminŋammiuq sumulliqaa, uvaptiŋnun-unnii quliaqtuaġiraksraiqł̣ugu. 9Suli quliaqtuaġutigaatigut qanutun niġummaaŋmatun unnii paġlativsi itilaaŋanik uvaptiŋnun, suli quliaqtuaġivlugu mumiŋatilaaqsi savaurriñivsiññiñ iñuuraqpaŋnik savautisukługu iñuuruaq iḷumullu ittuaq God. 10Quliaqtuaġimmigaat niġiugniqsi God-im Iġñiŋanik qiḷaŋmiñ, Jesus-mik, ilaan aŋipkaŋaraanik tuqqunmiñ, annaurriruaq uvaptiŋnik God-im tatavsautiksrautaaniñ.
Currently Selected:
1 Thessalonians 1: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
