1 Peter 3
3
Nuliaguruat Uiguruallu
1 #
Eph 5.22; Col 3.18. Uiqaqtuasii, kamagisigik uisi, pisigilugich uiguruat iḷaŋich ukpiġutaitpata God-im uqaluanun, iḷaanni ukpiqtitauviaqtut ilivsi iñuulluataġnivsigun, uqautiŋiḷḷuġisiunnii, 2qanuq iḷitchuġiniaqtut qanuq iñuulluataġniaġnivsiññik, qiksiksrautivsiññiglu God-mun. 3#1 Ti 2.9.Piññaġnaġniqsi piññaġnaqusiqsułhaaġnagu qaałhiñakun, nutchiqinivsigun naagga uyumitqurriqsuġnivsigun akisurualuŋnik, naagga annuġaaġiksuanik atukkavsiññik. 4Aglaan piññaġnaġniqsi piqutiqaqtuksrauruq nakuutivsiññik iḷuvsiññi, pikałaktautairrunmik, uŋiarrisairrunmik, iḷumutun piññaġnaqsiḷiġutauruamik akisuruamiglu God-im qiññaŋani. 5Tainnatuttauq piḷuutaitchuat aġnat taimani ukpiġutiqaqtuat God-mun iñuuŋammiut piññaġnaqutiqaqłutiŋ iḷumiŋni kamagivlugich uisiŋ. 6#Gn 18.12.Sarah-tun kamaksriruatun Abraham-mik, taivḷugu kamanamiñik. Aasii paŋmapak ilaan panigigaasi nakuurualiqiguvsi qanusipayaamik iqsiŋaiġḷusi.
7 #
Eph 5.25; Col 3.19. Tainnatuttauq uiguruasii nalaiñ iḷiuqsigik nuliasi, puttuqsrimaugaġlusi aġnat suaŋaił̣haaqtilaaŋannik aŋutiniñ. Itqaumasitchi tuvaaqatigigisi aitchuusiaqaġnivsigun iñuggunmik isuitchuamik, tavraasii aŋalalluataqsigik aasii kiggusiaksraŋich aŋaiyyutivsi piñaiḷutaiḷḷutiŋ.
Nagliksaaġniq Nalaunŋarualiqiniq Pisigivlugu
8Paŋmapak uqallautilavsi atausiullaalusi. Iñuusitchi atautchimi atilusi, saġiakkutilusi avanmun, piviuttaqqutilusi aniqatigiisun, piaqłuktautiŋiḷḷusi kamasaaŋaiġḷusiḷu avanmun. 9Akisautiqaġnasi pigiitchuamik iñuŋnun pigiitchualiqiruanun ilivsiññun, naagga uqamaqłuunmik uqamaqłuurrivsiññun. Aglaan aŋaiyyutisigik God-mun ikayuqulugich aasiiḷi God-im quviasuusiġñiaġaasi. God-im ququaqamisi unniqsuqłiiŋagaasi quviasuusiaqaqtinniaġnivḷusi. 10#Ps 34.12-16.Aglausimaruq Bible-ni inna,
“Kiñaliqaa quviasuuttaqaġuktuaq iñuggunmik,
suli uvluqaġluni quvianaqtuani,
uqaqtuksrauŋitchuq pigiitchuanik
sagluuŋaiġḷuniḷu.
11Piḷuktualiqiruksrauŋitchuq aglaan nakuurualiqiluni.
Ataramik tutqiutiqaqtitchiñiaġluni allanik iñuŋnik.
12Qanuq Atanġum munaġigai nalaunŋaruat,
suli ataramik naalaġnigai aŋaiyyutiŋich.
Aglaan akiḷḷiġigai iñuich pigiitchualiqiruat.”
13Paŋmapak sum imma anniaġumiñaqpasi kipiġniuttaġiguvsiuŋ nalaunŋaruaq? 14#Mt 5.10.#Is 8.12, 13.Aglaattauq nagliksaaġaluaġuvsi pisigilugu nalaunŋarualiqiniq, quviasaaġusiaqaġniaqtusi. Sivuuġaginagich iñuich, naaggaunnii uŋiarrisaġinagich. 15Christ iḷumutun Atanniuttusiuŋ iḷuvsiññiñ kamagiugaġlugu. Ataramik itqanaitchitchi kiggutiksravsiññik kialiqaa apiqsruqtuqpasi annaurrauyummativsigun. 16Kiummaġiksaaġumagisi piġuqtiŋaiġḷusi. Nalaunŋarualiqisitchi iñuich uqautigigumisi saglutigilusi pigiitchualiqiriġuġlusi kanŋutchaksiññaġumaut iḷitchuġilutiŋ nakuurualiqiavsiññik maliġuaqługu Christ tuvraaksriutaa. 17Qanuq iłuałhaaqtuq nagliksaaġutigiruni nakuurualiqiniq piḷuusiqiniġmiñ, tainnainniqpan God-im pisuutaa. 18Christ nagliksaaŋammiuq. Ilaa tuquŋaruq atausiaqłuni pisigivlugich iluqata piḷuusiqirinii piḷuutivut, iñuk nalaunŋaruaq pisivlugich nalaunŋaitchuat, akuqtuġnaqsisaqłuta God-mun. Ilaan timaa tuqutauŋagaluaqtuq ilitqusia iñuuruq-suli. 19Aasii ilitqusiuvluni ilaan ullaŋagai ilitqutchich tigutaaġviŋmiittuat nagliksaaġviŋmi aasii alġaqsruqługich. 20#Gn 6.1—7.24.Tamatkua ilitqutchit ilitqusiġigaich taipkua iñuich kamaksriŋaitchuat God-mik Noah umiaqpipkaqługu, God-im utaqqiŋagaluaġai isumalitqiksiaġivlugich. Aglaan iñukisuurat, tallimat piŋasut iñuich annaurrauŋarut umiaqpaŋmi ipiniksraŋanniñ uliqpaŋman. 21Taamna arrilisauruq paptaiġunmun paŋmapak annaurrautigikkavsiññun God-im tatavsautiksraŋaniñ. Paptaiġutikun annaurrauŋarusi pisigisuŋaġnagu timivsi salummaġniŋa ipiġmiñ, aglaan iḷisimanaqsiŋakavsiuŋ piḷuutaiqsilaaqsi sivuġaani God-im nutaaġuqtauvlusi aŋŋisaagun Jesus Christ. 22Aasii paŋmapak Christ qiḷaŋmiittuq aquppivḷuni kamanaqsipkaqtauruam inaani taliqpiata tuŋaani, God-im atanniqsimavlugich iluqaisa isaġulgiḷḷu, qiḷaŋmiittuallu ataniġnaqutit, suaŋŋatillu.
Currently Selected:
1 Peter 3: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
