Zechariah 13
13
1 Ataneq Artuqailnguq qanertuq, “Pillerkaq tauna tekiskan ulvelria ikirciiquq menuirutkaat David-aam kinguvrin, Jerusalem-aam-llu yuin assiilnguitnek agayutnguanun-llu agayulallratnek. 2Taum nalliini agayutnguat atrit au͡g'arciqanka nunamek, kia-llu umyuaqenqiggngaunaki. Au͡g'arciqaqa kina imna prophet-aarunilria agayutnguanun-llu agayulallrat piyuumiirutelluku. 3Iliit-llu ciumuaqan prophet-aaruyugluni, nakmiin atiin aaniin-llu qanruciiqaak tuqutnaqniluku, tua-i-wa qanran qanerniluni Atanrem qaneryaraanek, tau͡gken iqluurutnek qalarrluni. Prophet-aam caliaranek calikan, nakmiin atiin aaniin-llu kapluku tuquciiqaak. 4Pillerkaq tauna tekiskan, prophet-aam caliani tun'e'ryaguciiqaa wall'u prophet-arunguarluni wall'u prophet-aam maqarcetellriamek aturaanek asngaunani ukvertengnaqnaluki yuut. 5Tau͡gaam qanerciquq, ‘Wiinga prophet-aarunritua. Nauceciiyurten͞guunga, yuurqaanemnek nauceciiyurten͞guama.’ 6Tua-llu iliita apeskani, ‘Caugat tamakut kilinret qat'garpeni?’ kiuciquq, ‘Kilirtulqanka yugnikestem̄a eniini.’”
Alerquun Agayutem Qusngiliurtii Tuqutesqelluku
7 Ataneq Artuqailnguq qanertuq, “Tupagluten, nuussirpaak, curukarru qusngiliurta#13.7: qusngiliurta: tangrru 11.4. calisteka! Tuqusgu, qusngit cekavvniartut. Curugciqanka yuunka 8nunami-llu tamiini yuut pingasuirtellrit malruin tuquciqut, pingasuirtellrit tau͡gken atauciq unguvaarkauluteng. 9Taukut-llu atauciq pingasuirnerat unguvalriit pitassiarciqanka menuircarluki qerrirlimek menuircarilauciicetun kenerkun. Pitassiarciqanka suulutaam pitassiarumalauciatun. Nutaan piicagciqut wangnun, wiinga-llu kiuciqanka. Qanruciiqanka wangnun yukniluki, ellait-llu nallunairciqut ellaita Agayuteknilua.”
Currently Selected:
Zechariah 13: YPK
Highlight
Share
Copy
Want to have your highlights saved across all your devices? Sign up or sign in
Yupik Bible © 2012 American Bible Society. All rights reserved.