Psalm 127
127
Nanrarluku Agayutem Assiucia
1 Atanrem ena piliaqenrilkaku,
caliaqestai elliinginaq caliciqut;
Atanrem-llu nunarpak qaunqenrilkaku,
nunarpiim kellutestai elliinginaq kelluciciqut.
2Elliinginaq tupagyararalartuci inarrnaciarluci-llu,
umyuarniurutekluku nerangnaqlerkarci;
Atanrem-wa kenkekni cangallrunrilngurmek cikilaaki
atu'urkaitnek qavallratni.
3 Atanrem atawaqercet'larai yuut
mikelngurnek cikirluki.
4Angutem tan'gaurluut irniari ayagyuarluni
ayuqut pitegcautetun anguyagtem unataini.
5Atawaqertuq angun pitegcautnek amllernek pingqellria.
Inglukestain cirlakngaitaat
ullauskuneng cuqcistem ciuqerranun.
Currently Selected:
Psalm 127: YPK
Highlight
Share
Copy
Want to have your highlights saved across all your devices? Sign up or sign in
Yupik Bible © 2012 American Bible Society. All rights reserved.
