Psalm 128
128
Nunuliutekaa Niisngastiin Atanrem
1Atawaqertut tamarmeng qigcikestai Atanrem,
pisqutai aturluki yuulriit.
2Caliarpegun atu'urkarpenek unangelarciquten;
angnirluten-llu enuqitevkenak yuuluten.
3Enevni nulian irnialirciquq,
estuulurpet avatii yugyagtelluku.
4Angun Atanrem niisngastii,
ilumun waten atawaqercecimaarkauguq.
5 Atanrem atawaqerteskiliten Agayuvigpaminek Zion-aamek!
Ataki Jerusalem-aam piluaqallranun ilaukina
unguvarpet taktaciatun!
6Ataki unguvakina tangllerkarpenun tutgaraten!
Israel-aam yui uitanqegcikilit!
Currently Selected:
Psalm 128: YPK
Highlight
Share
Copy
Want to have your highlights saved across all your devices? Sign up or sign in
Yupik Bible © 2012 American Bible Society. All rights reserved.
