Psalm 126
126
Piicaun Aviutesqelluki Israel-aat
1Wangkuta Atanrem ut'rutellrani Jerusalem-aamun,
qavangurtulriatun ayuqellruukut.
2Nunaniryugluta engelaqullruukut aturpagaluta-llu!
Taumek atanruviit yuita waten qalarutkekaitkut,
“Ataneq calillruuq irr'inarqelrianek ellaitnun.”
3Ilumun angelrianek calillruuq wangkutnun;
tamakut-llu cakneq angniutekellruaput.
4Teguarurpailemta ayuqucillemcetun ayuqlirivkarkut,
kuiget kinrumalriit meng'evkalaucirpetun.
5Aluviliurluteng nauceciillret
quyurcikilit angnirluteng!
6Aluviliurluteng nauceciiyartullret naucetaarkalgirluteng
pinarikan naucetaateng quyurqaarluki
uterciiqut aturpagluteng nunaniryugluteng.
Currently Selected:
Psalm 126: YPK
Highlight
Share
Copy
Want to have your highlights saved across all your devices? Sign up or sign in
Yupik Bible © 2012 American Bible Society. All rights reserved.
