Psalm 115
115
Agayun Atauciq Piciulria
1Piciuguten wangkutnun kenkerrlainarluta-llu,
taumek, Ataneq, elpet kiivet kiiqapiarpet nanrararkaugamteggen,
wangkutnek nanrararkauvkenata.
2Ciin-kiq nunam yuin apciiqakut, “Nauwa-mi Agayutsi?”
3Wangkuta-wa Agayutvut qilagmi uitalria;
ellii-llu piyugtacimitun pituluni.
4Agayutmek nallulriit agayutengqertut pilianek qerrirlinek suulutaanek-llu,
yuum unatmikun piliarinek.
5Tamakut-llu qanengqertut tau͡gken qanerciiganateng,
iiluteng-llu tau͡gken tangerciiganateng.
6Ciutengqertut tau͡gken niitesciiganateng,
qengarluteng-llu tau͡gken naresciiganateng.
7Unaterluteng tau͡gken ca cavvluku elpekesciiganaku,
it'garluteng-llu tau͡gken piyuasciiganateng;
niitnarqellriamek-llu neplirciiganateng.
8Piliaqestait cacetuqutekestait-llu
ayuqlirikilit agayutnguatun piliaqellermegcetun.
9Israel-aam yuini, cacetuqutekiciu Ataneq.
Ikayularaaci cayailkuciumaluci-llu.
10Elpeci-llu, Agayutem agayulirtaini, cacetuqutekiciu Ataneq.
Ikayularaaci cayailkuciumaluci-llu.
11Elpeci-llu agayulalriani Atanermun cacetuqutekiciu Ataneq.
Ikayularaaci cayailkuciumaluci-llu.
12 Atanrem nalluyagusngaitaakut atawaqerceciiqaakut-llu;
atawaqerceciiqai Israel-aam yui,
tamalkuita-llu agayulirtet calilriit agayuvigmi.
13Atawaqerceciiqai qigcikestai Atanrem,
yuluaqaungraata yuk'egtaunrilengraata-llu.
14 Atanrem irnialingevkaqiliten—
elpet kinguveten-llu!
15Atawaqerceskiliten-llu Atanrem,
qilagmek nunamek-llu pilillrem!
16 Atanrem qiliit kiimi pikai,
nuna tau͡gaam yugnun cikiutekellrua.
17 Ataneq nanrarciigataat tuqumalriit,
ayallret camavet nunamun nepailngurmun.#115.17: Nuna nepailnguq: Tuqunret wall'u tuqumalriit nuniit (tangrru 6-aami 5-aaq).
18Wangkuta tau͡gaam unguvalriani quyavik'larciqerput
watua akwarpak-llu tayima.
Nanrarciu Ataneq!
Currently Selected:
Psalm 115: YPK
Highlight
Share
Copy
Want to have your highlights saved across all your devices? Sign up or sign in
Yupik Bible © 2012 American Bible Society. All rights reserved.
