Psalm 114
114
Kituutem Yuarucetaa
1Israel-aam yuin, Jacob-aam kinguvrin Egypt-aametellret,
unicatgu tamana nunakumanrilnguq,
2 Atanrem Israel-aam yui yuksagutai,
elliin nakmiin piksagulluki.
3Agayutem alairvikngani imarpik Red Sea-q qimalriatun kinellruuq,
Kuik-llu Jordan-aaq qulmun carvanengluni.
4Ingrit-llu alingalliimeng qecgaullruut qusngirngalngurtun;
pengut-llu cali qecgaurluteng qusngiyagartun.
5Imarpiik, cam alingallagtelluten kinercetaten?
Jordan-aaq-llu, ciin iqlutmun carvanircit?
6Elpeci-llu, ingrini, ciin qecgaurceci qusngirngalngurtun?
Elpeci-llu, penguni, ciin qecgaurceci qusngiyagartun?
7Nuna, uulegten taingan Ataneq,
uulegten ciuqerrani Atanrem, Jacob-aam Agayutiin.
8Teggalqut elliin nanvarraraurcet'larai
qiuret-llu mer'urrluki carvanrurtelluki.
Currently Selected:
Psalm 114: YPK
Highlight
Share
Copy
Want to have your highlights saved across all your devices? Sign up or sign in
Yupik Bible © 2012 American Bible Society. All rights reserved.
