Psalm 111
111
Nanrarluku Agayun
1Nanrarciu Ataneq!
Umyuamkun tamalkirrlua quyavikciqaqa Ataneq
yui quyungqallratni.
2Ucurnarqut Atanrem caliari!
Yuvrilarait-llu taringyugluki ilukegcitkestaita.
3Caliara tamarmi takarnarqellriaruuq ucurnaqluni-llu;
ellualriarucia piuciquq akwarpak.
4Wangkutnun assiqapigtellriit caliani nalluyagucecuitai;
ellii takumcutalriaruuq unganaqluni-llu.
5Qigcikesten̄i neqkaitnek cikiumalarai;
nalluyagucuitaa akquyutni.
6Elliin yum'inun pinini nasvallrua,
cikirluki allanret nunautaitnek.
7Caliari tamarmeng piciugut pitalqeggluteng-llu;
tamarmeng-llu alerquutai ukvernaqluteng.
8Piunrirngaunateng;
piciulriakun ellualriakun-llu taicimallruameng.
9Anirtullrui yun'i teguarullratnek,
akquyutmek-llu akwarpak piugarkamek taqulluni yum'inun.
Ellii tanqilriaruuq pinilriaruluni-llu!
10Yuum qigcigyagutaqamiu Ataneq umyuarturillerkani ayagnilaraa;
alerquutmi niisngastai ellualriakun umyuarteqlerkaitnek cikilarai.
Ellii nanraumali akwarpak.
Currently Selected:
Psalm 111: YPK
Highlight
Share
Copy
Want to have your highlights saved across all your devices? Sign up or sign in
Yupik Bible © 2012 American Bible Society. All rights reserved.
