Psalm 110
110
Ataneq Angayuqaq-llu Cucukellni
1 Ataneq qanertuq nunamiutarmun atanermun,
“Tallirpilirnemnun aqumi
inglukestevnek cirlakivkallerkama engeliinun.”
2 Atanrem pinin Zion-aamek sagceciiqaa qanerluni,
“Inglukesteten atanirturki.”
3Anguyallerkan erneq tekiskan
yut'en pisqestaunateng ikayuuciiqut.
Unuakumi yukutam taicilauciatun,
ayagyuat angutet tengruluteng ullagciqaatgen kenciknarqellriani qemini.
4 Ataneq pinricen̄ararkauvkenani akqillruami umyuani cimirngaitaa:
“Agayulirten͞guciquten akwarpak
Melchizedek-aam agayulirten͞guciatun.”
5 Ataneq tallirpilirnerpeni uitauq;
qenreskuni nunamiutaat atanret cirliqevkarciqai.
6Cuqciciquq atanruviit yuitnek;
nunamiutaat atanret cirlakciqai tamiini nunami,
tuquvkarluki yuut amlleret.
7Nunamiutaq-llu ataneq merciquq kuiggaarmek tumyarat mengliitni.
Makut pitekluki cirlakilriaruluni nangerngaarkauguq.
Currently Selected:
Psalm 110: YPK
Highlight
Share
Copy
Want to have your highlights saved across all your devices? Sign up or sign in
Yupik Bible © 2012 American Bible Society. All rights reserved.
