Psalm 112
112
Angnirluni Yuullra Assilriim Yuum
1Nanrarciu Ataneq!
Atawaqertuq yuk qigcikestii Atanrem,
nunanikluku-llu cakneq alerquutain atullrat.
2Taum yuum ellualriim irniari piluaqalriaruciqut tamaani nunami;
kinguvri-llu atawaqercecimaarkauluteng.
3Ilakuralriartai tukuulriaruciqut,
ellii-llu enuqicuitarkauluni akwarpak.
4Tanqik alailartuq tan'germi assilrianun yugnun;
Ataneq naklegtartuq, unganaqluni, pitalqeggluni-llu.
5Atawaqertuq yuk qunuvkenani navriskengtulria,
elluarluni-llu caliamikun tamalkuan.
6Agayutem alerquutainek niisngalria piluaqeraluni yuuciquq;
yuut-llu nalluyagusngaunaku.
7Assiitellrianek niitelange'rmi catkelarngaitai;
ukvellra pektayiituq, cacetuqutekngamiu Agayun.
8Umyuassuuganrituq alingniurpek'nani-llu;
nalirrugutaituq Agayutem cirlakillerkaanek inglukestem̄inek.
9Qunuvkenani arrsaulriit cikirtularai,
takumcukilaucia-llu iquituq;
taumek pinimek takarnarqutmek-llu cikiumaarkauguq.
10Yuut assiitellriit man'a tangerrluku qenertut;
eq'urrnginanermeggni catairut'lartut.
Camek-llu taqucugyaaqellrat piciurtevkenani.
Currently Selected:
Psalm 112: YPK
Highlight
Share
Copy
Want to have your highlights saved across all your devices? Sign up or sign in
Yupik Bible © 2012 American Bible Society. All rights reserved.
