Psalm 108
108
Piicaun Agayutmun Cirlakesqelluki Israel-aam Inglukestai
1Wiinga nalirrugtenritua, Agayun!
Aturlua nanrarciqamken!
Tupii, yuucimaa!
2Maklua aturcetaarciqua
unuakuarmi akerta pipailgan.
3Yugnun niitellua quyavikciqamken, Ataneq.
Nanrarciqamken atanruviit nunaitni.
4Kenekvet pektayiilnguum kituumai qiliit;
piciucirpet-llu ellarpak tamalkuan muirumaa.
5Agayun, nasvaggu angtacin qilagmi,
ucurnarqucin-llu nunamun tamalkuan.
6Anirturkut pinirpegun; piicauteka niilluku,
yuut kenkek'ngaten aviucimaniartut.
7Agayuviminek Agayun qanellruuq,
“Ucuryagutekluku avegciqaqa Shechem-aaq
avverqelluku-llu cikiutekluku kuignayuk Sukkoth-aaq wiinga yumnun.
8Gilead-aaq pikaqa, Manasseh-llu;
Ephraim-aaq qamiquma akngircailkutkaa,
Judah-llu takarnarqutekluku scepter-aaqaqa.
9Moab-aq ermigcuutekaqa,
Edom-aamun-llu egglukek aluilitagka,
wangnun pikucia nallunairluku.
Wiinga-llu qayagpagciqua cirlakellruamki Philistia-m yui.”
10Agayun, kia ayauteqatartanga asvairqumalriamun nunarpagmun?
Kia ayauteqatartanga Edom-aamun?
11Waqaa ilumun cakaararpekut?
Anguyagteput-qaa maligteqatanritaten anguyagyartullratni?
12Ikayurkut ingluliullemten̄i inglukesteput,
yuum ikayuutii catngunrilan.
13Agayutmek ilingqerqumta cirlakiciqukut;
elliin cirlakciqai inglukesteput.
Currently Selected:
Psalm 108: YPK
Highlight
Share
Copy
Want to have your highlights saved across all your devices? Sign up or sign in
Yupik Bible © 2012 American Bible Society. All rights reserved.
