Luke Nallunairun
Nallunairun
Luke-aam Igallran nasvagaat Jesus-aaq akqutkumalleq Israel-aamun Anirturten͞gucia, cali-llu tamalkuitnun yugnun Anirturten͞gucia. Cali qanrutkaat Jesus-aam qayagaurumallra Atanrem Anernerakun “iluvaucesqelluku qaneryaraqegtaar nuuqitellrianun,” una cali Gospel-aaq imangqertuq umyuaqluki yuut ayuqenrilngurnek nuuqitellriit. Cali-llu angniq mistuluni qanrutkumaluni ukuni Luke-aam Igallrini, arcaqerluku ciuqliita chapter-aat qanrutkaat Jesus-aam yuurtellerkaa, ataam-llu iquani Jesus-aam mayullra qilagmun. Qanemcia Agayumacikun ukverem naullran sagtellran-llu Jesus-aam mayullran kinguani, cali Luke-aam qanrutkellrua Apostle-aat Caliaritni (The Acts of the Apostles).
Ukuk 2-aaq 6-aaq-llu (tangrru Kalikam Imaa) imangqertuk amllernek kiingan wani Gospel-aami qanrutkumalrianek qanemcinek makunek: an'gilat yuarutmek atullrat, qusngiliurtet tangerrsartullrat Jesus-aaq yuurtellrani, Jesus-aam-llu tan'gaurluuluni Agayuvigpagmi pillra, ayuqestassiigutegnek-llu, Assilria Samaritan-aaq, Qetunraq-llu Tamaumalria. Cali-llu tamiini wani Gospel-aami piicagyaraq, Anerneq Tanqilria, arnat caliarat kevgiurluku Jesus-aaq qanrutkumaluteng Agayutem-llu aug'ariitii assiilngurmek.
Kalikam Imaa
Ayagniun 1.1-4
John-aam Jesus-aam-llu yuurtelkek 1.5—2.52
John-aam Angllurcecistem kevgiullra 3.1-20
Jesus-aam angllullra picetaarumallra-llu 3.21—4.13
Jesus-aam kevgiullra Galilee-ami 4.14—9.50
Galilee-amek Jerusalem-aamun 9.51—19.27
Nangneq nitiliq Jerusalem-aami 19.28—23.56
Atanrem maktellra, alaillra, mayullra-llu 24.1-53
Currently Selected:
Luke Nallunairun: YPK
Highlight
Share
Copy
Want to have your highlights saved across all your devices? Sign up or sign in
Yupik Bible © 2012 American Bible Society. All rights reserved.