ÉH POLÉNG 8

Tada' éh ketujuu'

1Hun Anak Domba nah mega' tada' éh ketujuu' nah kepéh, kekat éh tong seruga kelem béé-béé, ngioo'-ngioo' teleu' poloo' minit kelebéé' néh. 2Boh akeu' na'at tujuu' meliket éh ngelayau nekedéng tong jumen Allah, ngan tujuu' serupit nena' Tuhan ngan réh.

3 # Amo. 9:1, Kel. 30:1, 3 La'ah jah meliket kepéh éh pu'un pigan mas éh jalan motong kemenyan tuai éh nekedéng déhéé' jalan réh motong kekat pengena' réh ngan Tuhan. La'ah pinaa' kemenyan nena' ngan meliket nah ke' néh motong éh pemung ngan ha' sebayang irah éh anah Allah dokoo' néh omok motong éh tong jalan mas éh pu'un saa' tenah nyun inah. 4La'ah sap kemenyan éh potong éh pu'un lem ojoo' meliket éh nekedéng tong jumen Allah pu'un éh tai kebau pemung ngan ha' sebayang irah éh anah Allah. 5#Ima. 16:12, Yeh. 10:2, Kel. 19:16, Pol. 11:19, 16:18 Boh meliket nah alaa' pigan mas éh jalan néh motong kemenyan nah ke' néh mena' la'ang jin jalan réh motong pengena' réh ngan Tuhan nah lem néh, ke' néh ngaléng éh kera' tai tana'. Tioo pu'un ha' lengedo, éh ja'au ngan kelat kela'ap bé' bekat-bekat ngan tegen tana'.

Tong serupit

6Boh tujuu' meliket nah éh pu'un tujuu' serupit, petenup juk nyelevuu serupit néh.

7 # Kel. 9:23-25, Yeh. 38:22 Meliket éh bu'un nah nyelevuu serupit néh, tioo pu'un taa' bateu' ngan luten motong jah jin keteleu' tulat tana' ngan kebéé kekat kayeu' ngan kekat-kekat éh murip Sinah.

8Boh meliket éh keruwah nah nyelevuu serupit néh. Tioo pu'un barei' jah berusu' éh ja'au éh mahang, éh kelohoo' Tuhan lem baa' banget. Jah tulat jin keteleu' tulat baa' banget paléu dahaa', 9jah jin keteleu' tulat kekat éh murip lem baa' banget pu'un matai, ngan jah jin keteleu' tulat kekat kapen pu'un tasa'.

10 # Yes. 14:12 Boh meliket éh keteleu' nah nyelevuu serupit néh. Boh jah kenyuhai ja'au, éh mahang barei' tekok luten, pu'un éh pelohoo' jin langit tong jah tulat jin keteleu' tulat kekat baa' ngan usit baa' tong tana'. 11#Yer. 9:15 Ngaran kenyuhai inah, Petuh. Jah tulat jin keteleu' tulat kekat baa' pu'un petuh, ngan pinaa' kelunan matai uban réh kuman baa' éh petuh nah.

12 # Yes. 13:10, Yeh. 32:7, Yol. 2:10,31, 3:15 Boh meliket éh ke pat nah nyelevuu serupit néh. Maten dau, laséh ngan kenyuhai pu'un sopéé' pah avéé' bé' omok ngada jah jin keteleu' tulat jin pohoo' néh. Maten dau bé' ngada kelebéé' jah jin keteleu' tulat dau rema; laséh ngan kenyuhai bé' pu'un ngada kelebéé' jah jin keteleu' tulat dau merem.

13Boh akeu' na'at kepéh, ngan juhit éh barei' pelakei' pu'un éh marang bau ngan nenéng ké' ha' néh bara' ngan ja'au ha', matek tusah, matek tusah, matek tusah mu'un kekat kelunan éh murip tong tana' hun réh teleu' meliket éh teleu' nah nyelevuu serupit réh kepéh da', ha' néh.

Currently Selected:

ÉH POLÉNG 8: PNT

Highlight

Copy