ÉH POLÉNG 7

Tong Jah ato Pat Poloo' Pat Ibu Kelunan Israel

1La'o inah kepéh ta'an ké' pat meliket nekedéng tong pat tikong tana' ngan mapat pat usit kepu tong tana', tong baa' banget, kenat péh tong kekat kayeu'. 2La'ah ta'an ké' kepéh jah meliket kepéh tuai jin saa' usit maten dau, pu'un éh mihin tada' éh penakai Allah éh murip. Ngan ha' éh ja'au meliket inah tebai pat meliket éh lepah nena' Allah penyukat ke' réh nasa' tana' ngan baa' banget. 3Ka' ha' meliket nah, Mai keh nasa' tana', ngan mai keh nasa' baa' banget, kenat péh kekat kayeu' péh pah avéé' améé' maneu' tada' tong sela' irah éh sohoo' Allah lu'. 4La'ah pu'un iah bara' ngan ké' 144,000 kelunan tenada' palaa' tada jin Allah tong sela' réh. Irah jin jah poloo' duah betah Israel. 5-8Jah poloo' duah ibu kelunan jin siget betah, inah éh betah Yehuda, Ruben, Gad, Asher, Naptali, Manasye, Simeon, Lewi, Isakhar, Sebulon, Yusup ngan Benyamin.

Tong kelunan éh pinaa' mu'un éh bé' omok penurung.

9La'o inah pu'un ku' na'at kepéh ngan ta'an ké' kelunan pinaa' mu'un. Bé' pu'un jah kelunan péh omok purung réh. Irah jin siget pohoo', betah, leboo' ngan siget arong ha'. Irah pakai livah éh mebéng ngan irah ngamit da'an pulah éh barei da'an uvut. Irah piting nekedéng tong jumen nyun inah ngan Anak Domba nah. 10Pu'un réh pané ngan ha' éh ja'au, améé' lepah alaa' urip jin Allah mé' éh menyun bau nyun ngan jin Anak Domba inah! 11La'ah kekat meliket nekedéng tutuh nyun inah ngan irah pengeja'au, ngan pat usah penyuai éh murip inah. Irah béé ngejekuu' lep réh tong jumen nyun inah ngan seva' Allah. 12Ka' ha' réh, Amin! Kekat kenajung, pengaren, pengejam, kemurung kenin, penyeva', penyukat ngan pengegahang anah Allah lu' avéé' kelebéé' lebéé' néh! Amin.

13Pu'un jah usah jin irah pengeja'au nah neteng akeu' séé' kekat irah éh pu'un pakai mebéng nah, jin semah réh tuai ha' néh.

14 # Dan. 12:1, Mat. 24:21, Mrk. 13:19 Ka' ha' ké' mipa éh, O lakei' ja'au bé' akeu' jam, bang ka'au' éh jam réh, ha' ké'.

Ha' néh kepéh, Kekat irah inah irah éh bé' putui pengelan tovoo' réh teneng pengeketa éh bahat rai. Pu'un réh poo' livah pakai réh ngan ngemebéng éh neu' dahaa' Anak Domba. 15Inah maneu' réh nekedéng tong jumen nyun Allah ngan ngerera' kivu sohoo' Néh putung dau ngan putung merem dalem umaa' Allah. Iah éh menyun bau nyun inah pu'un mihau réh uban Néh pu'un pemung ngan réh. 16#Yes. 49:10 Bé' réh jam la'au' ngan mapeu' batok la'ah; maten dau ngan kenat péh kepana pétéé bé' éh maneu' réh lasoo' la'ah. 17#Msm. 23:1, Yeh. 34:23, Msm. 23:2, Yes. 49:10, 25:8 Uban Anak Domba éh pu'un belah nyun inah, Iah omok tepun réh ngan mihau réh ngan majak réh tai usit baa' éh baa' éh purip réh, ngan Allah pu'un mitit kekat baa' maten réh, ha' néh.

Currently Selected:

ÉH POLÉNG 7: PNT

Highlight

Copy