Popular Bible Verses from ÉH POLÉNG 8

Share

Hun Anak Domba nah mega' tada' éh ketujuu' nah kepéh, kekat éh tong seruga kelem béé-béé, ngioo'-ngioo' teleu' poloo' minit kelebéé' néh.

Meliket éh bu'un nah nyelevuu serupit néh, tioo pu'un taa' bateu' ngan luten motong jah jin keteleu' tulat tana' ngan kebéé kekat kayeu' ngan kekat-kekat éh murip Sinah.

Boh akeu' na'at kepéh, ngan juhit éh barei' pelakei' pu'un éh marang bau ngan nenéng ké' ha' néh bara' ngan ja'au ha', matek tusah, matek tusah, matek tusah mu'un kekat kelunan éh murip tong tana' hun réh teleu' meliket éh teleu' nah nyelevuu serupit réh kepéh da', ha' néh.

Boh meliket éh keruwah nah nyelevuu serupit néh. Tioo pu'un barei' jah berusu' éh ja'au éh mahang, éh kelohoo' Tuhan lem baa' banget. Jah tulat jin keteleu' tulat baa' banget paléu dahaa'

Boh meliket éh keteleu' nah nyelevuu serupit néh. Boh jah kenyuhai ja'au, éh mahang barei' tekok luten, pu'un éh pelohoo' jin langit tong jah tulat jin keteleu' tulat kekat baa' ngan usit baa' tong tana'. Ngaran kenyuhai inah, Petuh. Jah tulat jin keteleu' tulat kekat baa' pu'un petuh, ngan pinaa' kelunan matai uban réh kuman baa' éh petuh nah.

Boh meliket éh ke pat nah nyelevuu serupit néh. Maten dau, laséh ngan kenyuhai pu'un sopéé' pah avéé' bé' omok ngada jah jin keteleu' tulat jin pohoo' néh. Maten dau bé' ngada kelebéé' jah jin keteleu' tulat dau rema; laséh ngan kenyuhai bé' pu'un ngada kelebéé' jah jin keteleu' tulat dau merem.