KO E SAAME 47
47
Ko e Tu‘i Aoniu
(Ki he Pule ‘o e Hiva. Ko e me‘a ‘a ha‘a Kola. Ko e Saame.)
1PASIPASI nima, ‘a e ngaahi kakai na;
Ha‘aki kia ‘Elohimi ‘a e hiva fiefia.
2He ko e taupotu ‘a Sihova, ko e manavahē‘ia:
Ko e tu‘i lahi ‘o māmani kātoa.
3‘Oku ne fakavaivai kiate kitautolu ‘ani pule‘anga,
He ‘oku ne tuku ki hotau lalo va‘e ha ngaahi fa‘ahinga.
4‘Oku ne fili ke ‘otautolu pē ‘a e tofi‘a ni,
‘A e pule‘anga ni ‘o Sēkope–he‘ene pele ‘aki. (Sila)
5Kuo hā‘ele hake ‘a e ‘Otua mo e hiki tuē,
‘Io, ‘a Sihova mo e ifi talupite.
6Hiva fakamālō ki he ‘Otua, hiva fakamālō;
Hiva fakamālō ki hotau tu‘i, hiva fakamālō.
7He ko e ‘Otua ko e tu‘i fakaleveleva ‘o māmani:
Fa‘u hiva fungani, ‘o hiva ki ai.
8Kuo tu‘i ‘a e ‘Otua ki he ngaahi pule‘anga:
Kuo ‘afio ‘a e ‘Otua ‘i hono taloni tāpuhā.
9Ko e hou‘eiki ‘o e ngaahi kakai kuo fakataha mai ē
ke hoko ko e kakai#47.9 fakataha mai ē ke hoko ko e kakai; pe fakataha mai ē mo e kakai, pe fakatahataha mai ‘a e kakai. ‘a e ‘Otua ‘o ‘Epalahame:
Seuke ko e ngaahi fakaū ‘o māmani ‘oku ‘a e ‘Otua;
Kuo mahiki ia ke fu‘u mā‘olunga.
Currently Selected:
KO E SAAME 47: TMB
Highlight
Share
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
