KO E SAAME 48
48
Ko Saione, ‘a e Kolo ‘o e ‘Otuá
(Ko e Hiva-Saame ma‘a ha‘a Kola.)
1‘OKU lahi ‘a Sihova, pea ke lahi hono fakamālō‘ia,
‘I he kolo ‘o hotau ‘Otua, ‘i hono mo‘unga tāpuhā.#48.1 mo‘unga tāpuhā; Vakai ki he 2.6.
2‘A Mo‘unga Saione, faka‘ofo‘ofa ‘ene fotu na!#Māt 5.35
Fakaholomamata‘anga ‘o māmani kātoa!
Si‘i tuliki tokelau,
Si‘i kolo ‘o e Tu‘i Levu!
3Ko e ‘Otua ‘i hono ngaahi palasi ‘o‘ona
Kuo hā mai ko e fu‘u taua.
4He vakai na‘e fetautaulaki mai ‘a e ngaahi tu‘i na,
Na‘a nau laka mai fakataha.
5‘Ē, ‘oku nau sio ki ai, pea nau tu‘u leva;
‘Oku nau ‘ohovale, ‘oku nau mo‘utāfu‘ua.
6Kuo puke kinautolu ai ‘i he tete;
Mo e holi hangē ha taha ke fā‘ele.
7‘Oku ke laiki vaka Tāsisi ē,
‘Aki ‘a e matangi hahake.
8Hangē ko ‘etau fanongo, kuo pehē ‘etau siofi
‘I he kolo ‘o Sihova Sāpaoti,
‘I he kolo ‘o hota ‘Otua ni:
Tā ‘e fokotu‘u ia ‘e he ‘Otua,
Ke tu‘u ma‘u ‘o ta‘engata. (Sila)
9Kuo mau fili lea ke fe‘unga
Mo ho‘o ‘ofa, ‘e ‘Otua,
‘I he‘emau nofo ‘i ho fale tāpuhā.
10Hangē ko ho huafa, ‘Elohimi,
Ke pehē ho fakamālō‘ia,
‘O a‘u ki he ngata‘anga ‘o māmani:
‘Oku fonu ‘i he faitotonu
‘A ho nima to‘omata‘u.
11‘A Mo‘unga Saione, fakafiefia,
Hākahaka, kau ta‘ahine Siuta,
Koe‘uhi ko e ngaahi fakamaau ‘a e ‘Afiona.
12Foli ‘a Saione, ‘o fakatakamilo ‘a tu‘a:
Lau hono ngaahi taua.
13Ako ke ma‘u loto hono puke,
Sio fakafo‘ime‘a ki hono ngaahi palasi ē;
Koe‘uhi ke ke fakamatala faka‘āufuli;
Ki ha to‘utangata ‘e hoko ‘amui.
14He ko e anga ia ‘o ‘Elohimi ko hotau ‘Otua,
‘O lauikuonga pea ta‘engata:
Te ne taki kitautolu ē
Ke fehālaaki mo e mate.#48.14 ‘Oku fihi ‘a e veesi ko ia.
Currently Selected:
KO E SAAME 48: TMB
Highlight
Share
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
