KO ‘AISEA 40

Ko ha ngaahi Folofola ‘o e ‘Amanaki Lelei

1MOU fakamānava, fakamānava hake hoku kakai–ko e folofola ē ‘a homou ‘Otua. 2Mou lea fakalelu ki Selusalema, ‘o fanongonongo ki ai kuo ‘osi hono fatongia, kuo totongi hono mo‘ua:#40.2 kuo… mo‘uá; pe kuo fakamolemole‘i ‘ene angahalá. kuo ne ma‘u lōua mei he nima ‘o Sihova koe‘uhi ko ‘ene ngaahi hia. 3Ko e le‘o ē ‘oku kalanga,#Māt 3.3; Ma‘ake 1.3; Sioné 1.23 #Luk 3.4-6 Teuteu ‘i he toafa ‘a e hā‘ele‘anga ‘o Sihova, fakatonutonu ‘i he fonua mamate ha hala tanu ma‘a hotau ‘Otua. 4‘Ilonga ha tele‘a pea ‘e tanu, pea ko e mo‘unga mo e tafungofunga ‘e holoki: pea ‘e liliu ‘a e hangatāmaki ke tokamālie, mo e koto makatu‘u ke lautoka: 5pea ‘e fakapū mai ‘a e kolōlia ‘o e ‘Eiki, pea ‘e sio fakataha ki ai ‘a e kakano kotoa: he kuo folofola ki ai ‘a e fofonga ‘o Sihova. 6Ko e le‘o ē ‘oku lea, Fanongonongo.#Sēm 1.10-11; 1 Pit 1.24-25 Pea na‘e pehē hake, Ko e hā te u fanongonongo? Ko e kakano kotoa ko e mohuku, pea ko hono faka‘ofo‘ofa kotoa ‘oku hangē ko e fisi ‘o e vao: 7‘oku mae ‘a e mohuku, ‘oku maheikau ‘a e fisi; koe‘uhi ‘oku ifi ki ai ‘a e mānava ‘o Sihova: tā ko e mo‘oni ko e mohuku ‘a e kakai. 8‘Oku mae ‘a e mohuku, ‘oku maheikau ‘a e fisi: ka ko e folofola ‘a hotau ‘Otua ‘e tu‘u ‘o ta‘engata. 9‘E Saione, Tala-ongoongolelei, fei mo ‘alu hake ki he mo‘unga lahi; ‘e Selusalema, Tala-ongoongolelei,#40.9 ‘e Selusalema… Ongoongolelei!; pe ‘Alu hake ki ha funga mo‘unga mā‘olunga ‘o tala ‘a e Ongoongoleleí ki Selusalema! Kaila le‘o lahi ‘aki ‘a e ongoongoleleí ki Saione. ‘ai atu ho le‘o ke lahi; ‘ai atu pē, ‘oua te ke manavahē: tala ki he ngaahi kolo ‘o Siuta, Ko homou ‘Otua ē! 10Vakai, ‘e hā‘ele mai ‘a ‘Ātonai Sihova ko e mafi, pea ‘e puke hono hau ‘e hono nima ‘o‘ona:#‘Ais 62.11; Fkhā 22.12 11‘e ha‘u mo ia hono totongi,#40.11 ‘e… totongi; pe ‘a e kakai kuó ne fakahaofí; pe ‘a e ngaahi pale mo‘o hono kakaí, ‘a ia ‘oku ‘iate ia. pea ‘oku tāimu‘a ‘a e fua ‘o ‘ene ngāue. Te ne fafanga ‘ene tākanga hangē ha tauhi sipi:#‘Isi 34.15; Sioné 10.11 te ne faluku ‘ene fanga lami ‘i hono kona, ‘o fua ‘i hono fatafata, ko e toutama te ne takitakimālie. 12Ko hai tū kuo fua ‘a e ngaahi vai ‘aki hono ‘aofi nima, mo hanga ‘a e langi, mo fa‘o kotoa ‘a e efu ‘o māmani ki ha ipu, mo fua ‘a e ngaahi mo‘unga ‘i ha me‘a tautau, mo e ngaahi mā‘olunga ‘i ha me‘afua lafalafa? 13Ko hai na‘a ne ‘atu ha fua ki he laumālie ‘o Sihova, pe fakahinohino ki ai ko hono tangata fale‘i?#Lom 11.34; 1 Kol 2.16 14Na‘a na talanoa mo hai ke ne fale‘i ia, mo ako mai ‘a e founga totonu, mo ako mai ‘a e poto, mo fakahinohino ‘a e hala ‘oku na fe‘unga mālie? 15Vakai, ‘oku lau ha koto pule‘anga ‘o tatau pē mo ha tulutā ‘oku tāupe ‘i ha pōkete, ‘io, hangē ha momoiki‘i ‘one‘one ‘i ha me‘a fua: vakai, ko e ngaahi motu ‘oku hangē ha efu valevale ‘oku malanga noa. 16Pea ‘oku si‘i ‘a Lepanoni ke fefie‘aki, pea si‘i hono fanga manu ke feilaulau ‘aki. 17Na‘a mo e kotoa ‘o e ngaahi pule‘anga ko e me‘a noa kiate ia: ‘oku ne lau kinautolu ko e koto ‘āngoa mo nge‘esi. 18Pea te mou fakatatau kia hai ‘a ‘Ela?#Ngā 17.29 Pea ko e ‘īmisi fē te mou ‘omi ke tu‘u pau mo ia? 19Ko e ‘aitoli koā–na‘e haka ia ‘e ha tangata haka, pea ‘ufi‘ufi ‘e ha tufunga ‘aki ‘a e koula mo haka seini siliva. 20Ko ia ‘oku masiva me‘a ke ‘atu#40.20 ‘Oku ‘ikai ke mahino ‘a e faka-Hepelū ‘o e veesi 19-20a. ‘oku ne fili ha ‘akau ‘e ‘ikai popo: ‘oku ne kumi mai ha tufunga poto te ne lava ha ‘aitoli ‘e ve‘e ma‘u. 21‘Ikai kuo mou ‘ilo? ‘ikai kuo mou fanongo? ‘ikai kuo tala kiate kimoutolu mei he kamata‘anga? ‘ikai kuo mou lave‘i ‘a e pou ‘o māmani? 22Ko ia ‘oku ‘afio ē mei he aku ‘o māmani, pea ko hono kakai ko e fanga he‘e tofu pē: ko ia ‘oku ne folahi ‘a e ngaahi langi hangē ha veili, ‘o ne falō hangē ha tēniti ke nofo‘anga: 23ko ia ‘oku ne tuku atu ‘a hou‘eiki ke iku ki he noa: ko e kau fakamaau ‘o māmani ‘oku ne ngaohi ko e koto nge‘esi pē. 24Te‘eki ke fuoloa honau hunuki; te‘eki ke fuoloa honau tō; te‘eki ke meimei aka honau tefito ‘i he kelekele; mo ‘ene hō pē ki ai, pea kuo nau mae, pea ‘ave kinautolu ‘e he matangi hangē ha veve. 25Pea te mou fakatatau au kia hai ke ma vakavakatatau?–ko e folofola ē ‘a e Tāpuhā. Tāngaki ki ‘olunga homou mata, ‘o vakai. 26Ko hai kuo ne fakatupu ‘a e ngaahi me‘a ko ē? Ko ia ‘oku taki mai mo lau honau kongakau: ‘oku ne ui honau hingoa tāutaha; ko e me‘a ‘i he lahi hono ngaahi ivi, mo e tu‘u kaukaua hono ngū, ‘oku ‘ikai ha taha ‘e tō. 27Ko e hā ‘oku ke lea pehē ai, ‘e Sēkope? mo koe, ‘Isileli, ‘oku ke lau, ‘Oku puli hoku hala meia Sihova, pea ko hoku ‘Otua kuo ne mo‘utukua ke mole ‘eku totonu? 28‘Ikai kuo ke ‘ilo? kehe, ‘ikai kuo ke fanongo? Ko e ‘Otua ta‘engata ‘a Sihova, ‘a e Fakatupu ‘o e ngaahi ngata‘anga ‘o māmani; ‘oku ‘ikai ke vaivai ia, pea ‘oku ‘ikai ke ongosia, ‘oku ta‘emahakulea ‘ene fakakaukau. 29‘Oku ne ‘atu ngū ki he vaivai; pea ko ia ‘oku ‘ikai hano ivi ‘oku ne fakalahi hono mālohi. 30Na‘a mo e to‘utupu ‘oku me‘a mo vaivai pea ongosia, pea ko e kau talavou te nau mātu‘aki humu; 31ka ko ha‘a matatali kia Sihova te nau fakafo‘ou honau ngū: te nau puna ki ‘olunga hangē ko e ‘īkale; te nau lele ‘o ‘ikai ongosia; te nau ha‘ele ‘o ‘ikai vaivai.

Currently Selected:

KO ‘AISEA 40: TMB

Highlight

Copy