Popular Bible Verses from KO ‘AISEA 40

Share

‘Oku ne ‘atu ngū ki he vaivai; pea ko ia ‘oku ‘ikai hano ivi ‘oku ne fakalahi hono mālohi.

Na‘a mo e to‘utupu ‘oku me‘a mo vaivai pea ongosia, pea ko e kau talavou te nau mātu‘aki humu; ka ko ha‘a matatali kia Sihova te nau fakafo‘ou honau ngū: te nau puna ki ‘olunga hangē ko e ‘īkale; te nau lele ‘o ‘ikai ongosia; te nau ha‘ele ‘o ‘ikai vaivai.

‘Ikai kuo ke ‘ilo? kehe, ‘ikai kuo ke fanongo? Ko e ‘Otua ta‘engata ‘a Sihova, ‘a e Fakatupu ‘o e ngaahi ngata‘anga ‘o māmani; ‘oku ‘ikai ke vaivai ia, pea ‘oku ‘ikai ke ongosia, ‘oku ta‘emahakulea ‘ene fakakaukau.

Ko e le‘o ē ‘oku kalanga, Teuteu ‘i he toafa ‘a e hā‘ele‘anga ‘o Sihova, fakatonutonu ‘i he fonua mamate ha hala tanu ma‘a hotau ‘Otua.

‘Oku mae ‘a e mohuku, ‘oku maheikau ‘a e fisi: ka ko e folofola ‘a hotau ‘Otua ‘e tu‘u ‘o ta‘engata.

pea ‘e fakapū mai ‘a e kolōlia ‘o e ‘Eiki, pea ‘e sio fakataha ki ai ‘a e kakano kotoa: he kuo folofola ki ai ‘a e fofonga ‘o Sihova.

‘Ilonga ha tele‘a pea ‘e tanu, pea ko e mo‘unga mo e tafungofunga ‘e holoki: pea ‘e liliu ‘a e hangatāmaki ke tokamālie, mo e koto makatu‘u ke lautoka

‘e ha‘u mo ia hono totongi, pea ‘oku tāimu‘a ‘a e fua ‘o ‘ene ngāue. Te ne fafanga ‘ene tākanga hangē ha tauhi sipi: te ne faluku ‘ene fanga lami ‘i hono kona, ‘o fua ‘i hono fatafata, ko e toutama te ne takitakimālie.

Ko hai kuo ne fakatupu ‘a e ngaahi me‘a ko ē? Ko ia ‘oku taki mai mo lau honau kongakau: ‘oku ne ui honau hingoa tāutaha; ko e me‘a ‘i he lahi hono ngaahi ivi, mo e tu‘u kaukaua hono ngū, ‘oku ‘ikai ha taha ‘e tō.

Ko ia ‘oku ‘afio ē mei he aku ‘o māmani, pea ko hono kakai ko e fanga he‘e tofu pē: ko ia ‘oku ne folahi ‘a e ngaahi langi hangē ha veili, ‘o ne falō hangē ha tēniti ke nofo‘anga

Mou lea fakalelu ki Selusalema, ‘o fanongonongo ki ai kuo ‘osi hono fatongia, kuo totongi hono mo‘ua: kuo ne ma‘u lōua mei he nima ‘o Sihova koe‘uhi ko ‘ene ngaahi hia.

Ko e le‘o ē ‘oku lea, Fanongonongo. Pea na‘e pehē hake, Ko e hā te u fanongonongo? Ko e kakano kotoa ko e mohuku, pea ko hono faka‘ofo‘ofa kotoa ‘oku hangē ko e fisi ‘o e vao: ‘oku mae ‘a e mohuku, ‘oku maheikau ‘a e fisi; koe‘uhi ‘oku ifi ki ai ‘a e mānava ‘o Sihova: tā ko e mo‘oni ko e mohuku ‘a e kakai.

Vakai, ‘e hā‘ele mai ‘a ‘Ātonai Sihova ko e mafi, pea ‘e puke hono hau ‘e hono nima ‘o‘ona

MOU fakamānava, fakamānava hake hoku kakai–ko e folofola ē ‘a homou ‘Otua.

Ko hai tū kuo fua ‘a e ngaahi vai ‘aki hono ‘aofi nima, mo hanga ‘a e langi, mo fa‘o kotoa ‘a e efu ‘o māmani ki ha ipu, mo fua ‘a e ngaahi mo‘unga ‘i ha me‘a tautau, mo e ngaahi mā‘olunga ‘i ha me‘afua lafalafa? Ko hai na‘a ne ‘atu ha fua ki he laumālie ‘o Sihova, pe fakahinohino ki ai ko hono tangata fale‘i? Na‘a na talanoa mo hai ke ne fale‘i ia, mo ako mai ‘a e founga totonu, mo ako mai ‘a e poto, mo fakahinohino ‘a e hala ‘oku na fe‘unga mālie?