‘Efesō 4

Ko e Taha mo Kalaisí

1KO IA ‘oku ou tokoni atu, ‘a kita ‘oku te nofo pilīsone ko ‘ete ‘i he ‘Eiki, ke mou laka ‘o taau mo e lakanga na‘e ui kimoutolu ki ai, 2pea ō mo e fa‘a faka‘aki‘akimui mo e anga malū, pea ō mo e anga mokomoko ‘o mou fekātaki‘aki pē ‘i he ‘ofa,#Kol 3.12-13 3mo feinga ke tauhi ‘aki ‘a e no‘o ko e melino, ‘a e taha kuo fakatupu ‘e he Laumālie. 4‘Oku taha pē ‘a e Sino, pea taha ‘a e Laumālie, hangē foki ‘oku taha ‘a e ‘amanaki ‘oku tupu mei he ui na‘e ui‘aki kimoutolu. 5‘Oku taha pē ‘a e ‘Eiki, taha ‘a e Tui, taha ‘a e Papitaiso; 6taha ‘a e ‘Otua mo Tamai ‘a e kakai kotoa pē, ‘a ia ‘oku pule ki he kakai kotoa pē, pea ‘oku fou atu ‘i he kakai kotoa pē pea ‘oku nofo‘ia ‘a e kakai kotoa pē.

7Ka na‘e foaki kelesi kiate kitautolu tāutaha, ‘o fakafuofua ki he lahi ‘o e me‘a‘ofa ‘a Kalaisi. 8Ko ia ‘oku ne folofola ai,#Saame 68.18

“Ne ne hā‘ele ki ‘olunga

Ne ne taki pōpula ha koto pōpula,

Pea ne foaki me‘a‘ofa ki he tangata.”

9Pea ko e lau ki he‘ene hā‘ele ki ‘olunga, ko e hā hano ‘uhinga ka ko eni pē, tā na‘a ne hā‘ele hifo foki ki Lolofonua.#4.9 Lolofonua; pe lalo ‘aupito, ko māmani tonu. 10Ko ia na‘a ne hā‘ele hifo, ko ia pē foki na‘a ne hā‘ele hake, ‘o ‘osi hifo ‘a e ngaahi langi; koe‘uhiā ke ne aoniu ‘i he me‘a kotoa pē. 11Pea foaki pē ‘e ia ha ni‘ihi ‘oku ‘aposetolo, ha ni‘ihi ‘oku palōfita, ha ni‘ihi ‘oku ‘evangeliō, ha ni‘ihi ‘oku tauhi mo faiako: 12koe‘uhi ke ‘osi sāuni ‘a e kakai lotu ma‘a e ngāue tokoni, mo‘o langa hake ‘a e sino ‘o Kalaisi: 13kae‘oua ke tau a‘usia kotoa pē ‘a e tui taha mo e ‘ilo taha ki he ‘Alo ‘o e ‘Otua, ke a‘usia ‘a e tangata haohaoa, ke a‘usia ‘a e fua, ko e lahi ‘o e kakato ‘a Kalaisi. 14Koe‘uhi ke ‘oua na‘a tau kei tamaiki, ‘o felīlī‘aki mo fe‘ave‘aki fano ‘e he matangi fakaakonaki kotoa pē ‘oku tupu ‘i he fiemu‘a ‘a e kakai, ‘i he kākā ‘oku ngāue ke maau ‘a e me‘a fakahē: 15ka tau fai‘aki ‘a e totonu ‘i he ‘ofa, ‘o tau tupu hake ‘i he‘etau me‘a kotoa pē ke hokosi ‘a e toko taha ko ia, ‘a ia ko e ‘Ulu, ‘a Kalaisi: 16‘a ia ‘oku hokohoko lelei mei ai, mo fema‘uma‘utaki mei ai, ‘a e sino kotoa, pea fai ai pē ‘ene tupu mei he ngaahi fakahoko‘anga kotoa pē ‘o e tokoni, ‘i he ngāue ‘a e fo‘i me‘a takitaha ‘o taau mo ‘ene mafai, mo‘o langa hake ‘o e sino ‘i he ‘ofa.#Kol 2.19

Koe Mo‘ui Motu‘á moe Mo‘ui Fo‘oú

17Ko ia, ko e me‘a ‘oku ou tala mo fakapapau atu ‘i he ‘Eiki, ‘a ‘eni, ke ‘oua te mou kei laka ‘o hangē ko e fai ‘a Senitaile; ‘a ia ‘oku nau fou ‘i he muna ‘a honau loto, 18kuo fakapo‘uli honau ‘atamai, kuo nau motu mei he mo‘ui ‘a e ‘Otua, ko e me‘a ‘i he vale ‘oku nofo‘ia kinautolu, ko e me‘a ‘i he fakafefeka honau loto: 19‘a ia ko e fa‘ahinga ‘oku ongonoa, pea nau li‘oa kinautolu ki he pau‘u, ke fai ‘a e anga‘uli kotoa pē ‘i he havala.

20Ka tala‘ehai na‘e pehē ho‘omou ako Kalaisi: 21he ‘oku te pehē ko ia ia na‘a mou fanongo ki ai, pea ‘i ho‘omou ‘iate ia na‘a mou ako ‘i he ‘alunga ‘o e mo‘oni ‘oku hā ‘ia Sīsū– 22‘o pehē, ke mou liliu ho‘omou tō‘onga mu‘a, ‘o hu‘ihu‘i ‘a e motu‘a tangata, ‘a ia ‘oku ‘au‘auha ko e me‘a ‘i he ngaahi holi ‘a kākā:#Kol 3.9 23pea ke mou tuku ke fai ai pē homou fakafo‘ou ‘e he Laumālie ‘o homou ‘atamai; 24pea ke mou kofu ‘aki ‘a e tangata fo‘ou, ‘a ia na‘e ngaohi ke hoko ki he ‘Otua ‘i he angatonu mo e mā‘oni‘oni ‘a Mo‘oni.#Sēn 1.26; Kol 3.10

25Pea ko eni, kuo tuku ‘a e loi, ko ia mou takitaha lea mo‘oni ‘i he feangai mo hono kaungā‘api; he ko e ngaahi kupu kitautolu ‘oku fekau‘aki.#Sāk 8.16 26‘Ita pē, kae‘oua ‘e angahala ai: ‘oua ‘e tuku ke tō ‘a e la‘ā ‘oku mou kei mamahi;#Saame 4.4 (LXX) 27kae‘uma‘ā, ‘oua na‘a tuku ha ava ki he Tēvolo. 28Ke ‘oua na‘a kei kaiha‘a ‘e he kaiha‘a: ka ne fakafitefita‘a mu‘a, ‘o ngāue‘aki ‘a e ongo nima ko ia ki he me‘a ‘oku lelei, koe‘uhi ke ai ha‘ane me‘a ke foaki ki he masiva. 29‘Ilonga ha lea ‘e ‘ikai sia‘a, pea tapu ‘ene hū atu mei homou ngutu: ka ‘oka ai ha me‘a ‘oku ngali ‘aonga ‘i he faingata‘a ‘oku fai, ke ‘alu atu ia, hei‘ilo ‘e ma‘u tokoni mei ai ‘e he kakai ‘oku fanongo. 30Pea ‘oua ‘e ‘ai ke mamahi ‘a e Laumālie Mā‘oni‘oni ko ia ‘o e ‘Otua, ‘a ia na‘e sila ‘aki kimoutolu ki he ‘aho huhu‘i. 31Ko e fakamahū kotoa pē mo e lili mo e ‘ita mo e fe‘ioho‘aki mo e lau‘ikovi, tuku ke hiki ia meiate kimoutolu, ‘io, mo e lotokovi kotoa. 32Ka mou anga‘ofa mu‘a ‘i ho‘omou feangai, mo manava‘ofa, pea mou fefakamolemole‘aki, ‘o hangē foki ko e ‘Otua ne ne fakamolemole kimoutolu ‘ia Kalaisi.#Kol 3.13

Ko ia, mou hoko mu‘a ko e kau fa‘ifa‘itaki ki he ‘Otua, ‘o taau mo e fānau kuo ‘ofeina: 33pea fou ‘i he ‘ofa, ‘o hangē foki ko Kalaisi ne ne ‘ofa‘i kimoutolu, ‘o ne li‘oa ia koe‘uhi ko kimoutolu, ko e hifo mo e feilaulau ki he ‘Otua mo‘o ngangatu fakahōifua.

Currently Selected:

‘Efesō 4: TMB

Highlight

Copy