Popular Bible Verses from ‘Efesō 4

Share

Ka mou anga‘ofa mu‘a ‘i ho‘omou feangai, mo manava‘ofa, pea mou fefakamolemole‘aki, ‘o hangē foki ko e ‘Otua ne ne fakamolemole kimoutolu ‘ia Kalaisi. Ko ia, mou hoko mu‘a ko e kau fa‘ifa‘itaki ki he ‘Otua, ‘o taau mo e fānau kuo ‘ofeina

pea ō mo e fa‘a faka‘aki‘akimui mo e anga malū, pea ō mo e anga mokomoko ‘o mou fekātaki‘aki pē ‘i he ‘ofa

‘Ilonga ha lea ‘e ‘ikai sia‘a, pea tapu ‘ene hū atu mei homou ngutu: ka ‘oka ai ha me‘a ‘oku ngali ‘aonga ‘i he faingata‘a ‘oku fai, ke ‘alu atu ia, hei‘ilo ‘e ma‘u tokoni mei ai ‘e he kakai ‘oku fanongo.

Ko e fakamahū kotoa pē mo e lili mo e ‘ita mo e fe‘ioho‘aki mo e lau‘ikovi, tuku ke hiki ia meiate kimoutolu, ‘io, mo e lotokovi kotoa.

‘Ita pē, kae‘oua ‘e angahala ai: ‘oua ‘e tuku ke tō ‘a e la‘ā ‘oku mou kei mamahi; kae‘uma‘ā, ‘oua na‘a tuku ha ava ki he Tēvolo.

‘o pehē, ke mou liliu ho‘omou tō‘onga mu‘a, ‘o hu‘ihu‘i ‘a e motu‘a tangata, ‘a ia ‘oku ‘au‘auha ko e me‘a ‘i he ngaahi holi ‘a kākā: pea ke mou tuku ke fai ai pē homou fakafo‘ou ‘e he Laumālie ‘o homou ‘atamai; pea ke mou kofu ‘aki ‘a e tangata fo‘ou, ‘a ia na‘e ngaohi ke hoko ki he ‘Otua ‘i he angatonu mo e mā‘oni‘oni ‘a Mo‘oni.

mo feinga ke tauhi ‘aki ‘a e no‘o ko e melino, ‘a e taha kuo fakatupu ‘e he Laumālie.

Pea foaki pē ‘e ia ha ni‘ihi ‘oku ‘aposetolo, ha ni‘ihi ‘oku palōfita, ha ni‘ihi ‘oku ‘evangeliō, ha ni‘ihi ‘oku tauhi mo faiako: koe‘uhi ke ‘osi sāuni ‘a e kakai lotu ma‘a e ngāue tokoni, mo‘o langa hake ‘a e sino ‘o Kalaisi: kae‘oua ke tau a‘usia kotoa pē ‘a e tui taha mo e ‘ilo taha ki he ‘Alo ‘o e ‘Otua, ke a‘usia ‘a e tangata haohaoa, ke a‘usia ‘a e fua, ko e lahi ‘o e kakato ‘a Kalaisi.

Koe‘uhi ke ‘oua na‘a tau kei tamaiki, ‘o felīlī‘aki mo fe‘ave‘aki fano ‘e he matangi fakaakonaki kotoa pē ‘oku tupu ‘i he fiemu‘a ‘a e kakai, ‘i he kākā ‘oku ngāue ke maau ‘a e me‘a fakahē: ka tau fai‘aki ‘a e totonu ‘i he ‘ofa, ‘o tau tupu hake ‘i he‘etau me‘a kotoa pē ke hokosi ‘a e toko taha ko ia, ‘a ia ko e ‘Ulu, ‘a Kalaisi