‘Efesō 1

1TŪ KO AU PAULA, ko e ‘aposetolo ‘a Kalaisi Sīsū ‘i he tu‘utu‘uni ‘a e ‘Otua,#Ngā 18.19-21; 19.1 ko ‘eku tohi ki he kāinga lotu ‘oku nofo ‘i ‘Efesō,#1.1 ‘Oku ‘ikai ke ‘asi ‘a e ‘Efesoó ‘i he ngaahi hiki fuoloa ‘e ni‘ihi. ‘a ia ‘oku nau tui kia Kalaisi Sīsū.

2‘Ofa ke mou ma‘u kelesi mo e fiemālie, mei he ‘Otua ko ‘etau Tamai mo e ‘Eiki ko Sīsū Kalaisi.

Ko e Tāpuaki Fakalaumālie ‘ia Kalaisi

3Ha taha ā ke fakamālō‘ia pe ko e ‘Otua mo Tamai ‘a hotau ‘Eiki ko Sīsū Kalaisi, ‘a ia na‘a ne fai hotau tāpuekina ‘ia Kalaisi, ke tau anuanu ‘i he ngaahi tāpuaki kehekehe mei he Laumālie ‘i he ngaahi feitu‘u ‘o langi; 4‘o fakatatau ki he‘ene fili na‘e fai ma‘ana ‘i he te‘eki ke tanupou ‘a māmani, ‘a e fili kitautolu ‘iate Ia, ke tau mā‘oni‘oni mo ta‘emele ‘i he‘ene ‘afio hifo, ‘o tu‘unga ‘i he ‘ofa, 5‘o ne toka#1.5 ‘i he‘ene… toka; pe he‘ene ‘afio hifó. Tu‘unga ‘i he‘ene ‘ofá na‘e toka. tu‘utu‘uni kitautolu ke ohi ‘ia Sīsū Kalaisi ki He‘ene ‘Afio, ‘o fakatatau ki he me‘a na‘e hā lelei ki hono finangalo, 6ke fakamālō‘ia ‘a e lāngilangi‘ia ‘o ‘ene kelesi ‘a ia na‘a ne me‘a‘ofa ‘aki mai ‘i he Pele; 7‘a ia, ‘i he‘etau ‘iate ia, ‘oku tau ma‘u ni ‘a e huhu‘i, ko e me‘a ‘i hono ta‘ata‘a,#1.7 ‘i hono ta‘ata‘á; pe ‘i he‘ene pekia fakafeilaulaú. ko e fakamolemole ‘o ‘etau ngaahi angahala, ‘o fakatatau ki he mohu me‘a ‘o ‘ene kelesi.#Kol 1.14 8‘A ia na‘a ne lilingi mai ke lahi ko e fa‘ahinga poto kehekehe mo e ‘ilo‘ilo, 9he‘ene faka‘ilo kiate kitautolu ‘a e misiteli ‘o ‘ene tu‘utu‘uni, ‘o fakatatau ai pē ki he me‘a na‘e hā lelei kiate ia, 10‘a ia na‘a ne tu‘utu‘uni ‘i hono finangalo ma‘a e ākenga ‘a e kuonga faka‘osi, ko e pehē ke fālute ‘a e me‘a kotoa pē ‘ia Kalaisi, ‘a e ngaahi me‘a ‘oku ‘i langi, mo e ngaahi me‘a ‘oku ‘i māmani;

11‘io, ‘i He‘ene ‘Afio ‘a ia ne fai ‘iate ia foki homau fili mōno tofi‘a, ‘o toka tu‘utu‘uni kimautolu ki ai, ‘o fakatatau ki he finangalo ‘o ‘Ene ‘Afio, ‘a ia ‘oku ne ngāue‘i ‘a e ngaahi me‘a kotoa pē ‘i he ‘alunga ‘o e fakakaukau ‘o hono finangalo; 12koe‘uhi ke nofo kimautolu mo‘o fakamālō‘ia ‘ene lāngilangi‘ia, ‘a kimautolu ne falala tōmu‘a kia Kalaisi.

13‘A ia na‘a mou falala foki ki ai, ‘i ho‘omou fanongo ki he tala ‘o e mo‘oni, ko e Kōsipeli ‘o homou fakamo‘ui; pea ‘i ho‘omou tui foki na‘e fai ‘iate ia homou sila‘i ‘aki ‘a e Laumālie na‘e tala‘ofa, ‘a e Laumālie Mā‘oni‘oni: 14‘a ia ko e me‘a faka‘amanaki ‘o hotau tofi‘a; koe‘uhi ke lava ‘a e huhu‘i ‘o ‘ene koloa na‘e fakatau, kae fakamālō‘ia ‘ene lāngilangi‘ia.

Ko e Lotu ‘a Paula

15Ko ia, ko au foki, ‘i he‘eku fanongo ki ho‘omou tui ki he ‘Eiki ko Sīsū, mo ho‘omou ‘ofa ki he kāinga lotu kotoa pē. 16Ko ia, ‘oku ‘ikai tuku ai ‘eku fakafeta‘i koe‘uhi ko kimoutolu, mo ‘eku takua kimoutolu ‘i he‘eku ngaahi lotu; 17ke ‘ofa ‘a e ‘Otua ‘o hotau ‘Eiki ko Sīsū Kalaisi, ko e Tamai ‘oku ‘a‘ana ‘a e lāngilangi, ke ne ‘ofa ‘o tuku kiate kimoutolu ha laumālie fakapoto, mo faka‘ilo me‘a mei he Ta‘ehāmai, ke ngāue ‘i he ‘ilo‘i lelei ‘o ‘Ene ‘Afio; 18kuo fakamaama kimoutolu, ‘a e mata ‘o homou loto, ke mou ‘ilo pe ko e hā ‘a e ‘amanaki ‘oku tupu mei he‘ene ui, pea ko e hā hono lahi faufau ‘o e lāngilangi‘ia ‘o hono tofi‘a, ‘a ia ‘oku ma‘u ‘e he kau mā‘oni‘oni, 19pea mo hono lahi ‘i he lahi ange fau ‘o ‘ene māfimafi, ‘a ia ‘oku ngāue ma‘atautolu ‘oku tui; ‘a ia ‘oku hoa mo e ngāue tōtōivi ‘o ‘ene māfimafi, 20‘a ia na‘a ne fai ‘ia Kalaisi, he‘ene fokotu‘u ia mei he pekia, mo ne fakanofo ia mei hono to‘omata‘u ‘i he ngaahi feitu‘u ‘o Langi,#Saame 110.1 21‘o mā‘olunga ‘i he fa‘ahinga pule kotoa pē, mo e ma‘u tu‘unga, mo e ma‘u mālohi, mo e tu‘unga ‘eiki, ‘io, ‘i he hingoa kotoa pē ‘oku hingoa ‘aki ‘i he tu‘u ko eni, pea ‘ikai ngata ai, ka ‘i he tu‘u foki ka hoko mai; 22pea na‘a ne tuku ke ‘i he lalo va‘e ‘o‘ona ‘a e me‘a kotoa pē; pea ne foaki ia ke ‘ulu ki he Siasi ‘i he me‘a kotoa pē;#Saame 8.6 #Kol 1.18 23‘a ia ko hono sino tofu pē ia, ko e nofo‘anga ‘o e kātokatoa ‘o ‘Ene ‘Afio,#1.23 ‘Oku hiki ‘e he ni‘ihi: ko e fakakakato ‘o ‘Ene ‘Afio. ‘a ia ‘oku ne fakafonu ‘a e ngaahi me‘a kotoa pē ‘aki ‘enau ngaahi me‘a.#1.23 ‘a ia… ‘aki ‘enau ngaahi me‘a; pe ‘a ia ‘oku fonu ai ‘a e kātokatoa ‘o e ‘Otuá.

Currently Selected:

‘Efesō 1: TMB

Highlight

Copy