Popular Bible Verses from ‘Efesō 1

Share

kuo fakamaama kimoutolu, ‘a e mata ‘o homou loto, ke mou ‘ilo pe ko e hā ‘a e ‘amanaki ‘oku tupu mei he‘ene ui, pea ko e hā hono lahi faufau ‘o e lāngilangi‘ia ‘o hono tofi‘a, ‘a ia ‘oku ma‘u ‘e he kau mā‘oni‘oni, pea mo hono lahi ‘i he lahi ange fau ‘o ‘ene māfimafi, ‘a ia ‘oku ngāue ma‘atautolu ‘oku tui; ‘a ia ‘oku hoa mo e ngāue tōtōivi ‘o ‘ene māfimafi, ‘a ia na‘a ne fai ‘ia Kalaisi, he‘ene fokotu‘u ia mei he pekia, mo ne fakanofo ia mei hono to‘omata‘u ‘i he ngaahi feitu‘u ‘o Langi, ‘o mā‘olunga ‘i he fa‘ahinga pule kotoa pē, mo e ma‘u tu‘unga, mo e ma‘u mālohi, mo e tu‘unga ‘eiki, ‘io, ‘i he hingoa kotoa pē ‘oku hingoa ‘aki ‘i he tu‘u ko eni, pea ‘ikai ngata ai, ka ‘i he tu‘u foki ka hoko mai

‘o fakatatau ki he‘ene fili na‘e fai ma‘ana ‘i he te‘eki ke tanupou ‘a māmani, ‘a e fili kitautolu ‘iate Ia, ke tau mā‘oni‘oni mo ta‘emele ‘i he‘ene ‘afio hifo, ‘o tu‘unga ‘i he ‘ofa, ‘o ne toka tu‘utu‘uni kitautolu ke ohi ‘ia Sīsū Kalaisi ki He‘ene ‘Afio, ‘o fakatatau ki he me‘a na‘e hā lelei ki hono finangalo

‘a ia, ‘i he‘etau ‘iate ia, ‘oku tau ma‘u ni ‘a e huhu‘i, ko e me‘a ‘i hono ta‘ata‘a, ko e fakamolemole ‘o ‘etau ngaahi angahala, ‘o fakatatau ki he mohu me‘a ‘o ‘ene kelesi.

Ha taha ā ke fakamālō‘ia pe ko e ‘Otua mo Tamai ‘a hotau ‘Eiki ko Sīsū Kalaisi, ‘a ia na‘a ne fai hotau tāpuekina ‘ia Kalaisi, ke tau anuanu ‘i he ngaahi tāpuaki kehekehe mei he Laumālie ‘i he ngaahi feitu‘u ‘o langi