Popular Bible Verses from ‘Efesō 2

Share

He ko ‘ene ngaohi ‘a kitautolu, kuo fakatupu ‘ia Kalaisi Sīsū ke fai ‘a e ngaahi ngāue lelei, ‘a ia na‘e toka teuteu ‘e he ‘Otua ke tau fou ai.

He ko e kelesi pē kuo mou mo‘ui mei ai, ko e me‘a ‘i ho‘omou tui; ‘io, na‘e ‘ikai meiate kimoutolu ia, ka ko e foaki mei he ‘Otua: na‘e ‘ikai tupu mei ha ngaahi ngāue, koe‘uhi ke ‘oua na‘a ai ha taha ‘e fa‘a pōlepole.

Ka ko e ‘Otua, ‘a ia ‘oku ne mohu ‘alo‘ofa, ko e me‘a ‘i he ‘ofa lahi ‘a ia na‘a ne ‘ofeina ‘aki ‘a kitautolu, neongo kuo tau mate ‘i he ngaahi talangata‘a, na‘a ne kaungā fakamo‘ui hake kitautolu mo Kalaisi, (ko e kelesi pē kuo mou mo‘ui mei ai)

pea ne kaungā fokotu‘u kitautolu mo ia, mo ne kaungā fakanofo mo ia ‘i he ngaahi feitu‘u ‘o langi ‘ia Kalaisi Sīsū

Pea ko ia, ‘oku ‘ikai te mou kei ko e kau muli mo e ‘āunofo, ka ‘oku mou kolo taha mo e fa‘ahinga tapu, pea ‘oku mou ‘i he Fāmili ‘o e ‘Otua. He kuo langa kimoutolu ki he makatu‘unga ko e kau ‘aposetolo mo e kau palōfita, ko Sīsū Kalaisi ia ko hono maka taufatungamotu‘a