KOHELETI 9
9
1SEUKE, ko e me‘a ko ia kotoa ne u ‘ai ki hoku ‘atamai koe‘uhi ke u sivi ‘a e fu‘u me‘a ko ē–‘a e fa‘iteliha ‘a ‘Elohimi ki he kau mā‘oni‘oni mo e kau poto pea mo ‘enau ngāue; mo e ‘ikai ‘ilo ‘a e kakai pe ko e ‘ofa, pe ko e ‘ita, ‘a e me‘a kehekehe ‘oku ‘i honau ‘ao. 2‘Oku hoko tatau ‘a e me‘a kotoa ki he kakai fuli pē:#9.2 kau mā‘oni‘oní … fuli pē; pe kau mā‘oni‘oní mo e kau potó pea mo ‘enau ngāué; ka ‘oku ‘ikai ke ‘ilo ‘e ha taha pe ‘oku tupunga he ‘ofa pe ko e tāufehi‘a. Pea tatau ai pē pe ko hā ‘oku hanga mai mei mu‘á, ko iá ai pē. ‘oku hoko ‘a e me‘a pē taha ki he mā‘oni‘oni mo e angakovi, ki he lelei, mo e ma‘a, mo e ta‘ema‘a; ki he kakai foki ‘oku ‘atu feilaulau, pea kiate kinautolu ‘oku ‘ikai ke ‘atu feilaulau. Hangē ko ‘ene hoko ki he lelei, ‘oku pehē ‘ene hoko ki he angahala; tatau ‘a ia ‘oku fuakava mo ia ‘oku manavahē ke fuakava. 3Ko eni pē ha kovi ‘i he me‘a kehekehe ‘oku fai ‘i he lalo la‘ā, ‘a e hoko ‘a e me‘a pē taha ki he kakai kotoa. Kae‘uma‘ā foki ‘a e fonu kovi ‘a e loto ‘o e hako‘i tangata, pea ‘oku ai ha vale ‘u‘ua ‘i honau loto lolotonga ‘enau mo‘ui, pea hili ia pea nau ‘alu ki he kau pekia. 4He ‘ilonga ha taha kuo fakahoko ki he kau mo‘ui ‘oku ai ‘ene ‘amanaki,#9.4 ‘Oku fihi ‘aupito ‘a e faka-Hepelū ‘o e vēsí ni. –seuke, ‘oku lelei hake ha kulī mo‘ui ‘i ha laione mate 5–he ko e kau mo‘ui ‘oku nau ‘ilo ai pe te nau pekia: ka ko e kau pekia ‘oku ‘ikai te nau ‘ilo ha momo‘i me‘a, pea ‘oku ‘ikai te nau kei sio totongi; he kuo mole ‘a e manatu kiate kinautolu. 6Ko ‘enau ngaahi ‘ofa foki, mo ‘enau ngaahi fehi‘a, mo ‘enau ngaahi meheka, kuo loa pē ‘enau mole; pea ‘oku ‘ikai hanau kei kaunga ‘o ta‘engata ‘i he me‘a kehekehe ‘oku fai ‘i he lalo la‘ā.
7‘Alu ā; kai ho‘o me‘akai mo e fiefia, pea inu ho‘o uaine mo e loto fiemālie; he kuo loa ‘a e fiemālie ‘a ‘Elohimi ki ho‘o ngaahi ngāue na. 8Ke hinehina ho ngaahi kofu ‘i he taimi kotoa pē; pea ke ‘oua na‘a masiva pani ho ‘ulu. 9Fai atu ho‘o nofo mo ho uaifi ‘oku ke ‘ofa ki ai ‘i he ngaahi ‘aho kotoa pē ‘o ho‘o mo‘ui muna, ‘a ia kuo ‘atu mo‘ou ‘i he lalo la‘ā, ‘io, ‘a e ‘aho kotoa ‘o ho muna; he ko ho ‘inasi ia ‘i he mo‘ui, pea ‘i he ngāue ‘oku ke fakafitefita‘a ai ‘i he lalo la‘ā. 10Ko ia kotoa ‘oku ‘ilo ‘e ho nima te ne mafai, fai‘aki ho ivi; he ‘oku ‘ikai ha ngāue, pe ha fakakaukau, pe ha ‘ilo, pe ha poto ‘i Lolofonua, ‘a e feitu‘u ‘oku ke fononga ki ai.
11Foki au, ‘o u vakai ‘i he lalo la‘ā, tā ko e pue ‘oku ‘ikai ko e me‘a ‘a e ve‘e vave pē, pea ko e tau ‘oku ‘ikai ko e me‘a ‘a e kau mafi pē; pehē foki ko e me‘akai ‘oku ‘ikai ko e me‘a ‘a e poto pē, mo e koloa ‘oku ‘ikai ko e me‘a ‘a e ma‘u ‘atamai pē, kae‘uma‘ā ‘a e tokangaekina, ‘oku ‘ikai ko e me‘a ‘a e kakai ‘ilome‘a pē; he ‘oku hokonoa ki he fa‘ahinga kotoa pē ‘a e faingamālie mo e tu‘utāmaki. 12He na‘a mo e tangata ‘oku ‘ikai te ne ‘ilo hono faingamālie; hangē ko ha ika ‘oku mo‘ua ‘i ha kupenga matatonu, pea hangē ko e fanga misi ‘oku mo‘ua ‘i he hele–hangē ko e fa‘ahinga ko ia ‘oku ma‘u puke ‘a e hako ‘o e tangata ‘i ha faingatāmaki ‘oka hoko fakafokifā pē ia kiate kinautolu.
Ko e Fakalaulauloto ‘i he Potó mo e Valé
13Ko e me‘a ko eni foki kuo u sio ki ai, ‘o kau ki he poto ‘i he lalo la‘ā, pea matamata lahi ia kiate au. 14Ko e ki‘i kolo, pea toko si‘i ‘a e kakai ‘i ai; pea ha‘u ki ai ha tu‘i lahi, ‘o ne ‘ākolo‘i, ‘o ne langa ha ngaahi taua lalahi mōno tau‘i. 15Pea na‘e ‘ilo ai ha tangata tu‘a na‘e poto, pea fai‘aki ‘e ia ‘ene poto, ‘o ne fakahaofi ‘a e kolo; kae ‘ikai ha taha ‘e manatu ki he tangata tu‘a ko ē.#9.15 pea fai‘aki… tu‘a ko eé; pe peá ne mei fakahaofi e koló; ka na‘e ‘ikai ke fakakaukau ha taha ia ki ai. 16Pea u pehē ‘e au, Tā ‘oku lelei ange ‘a e poto ‘i he ngū lahi: ka ‘oku ta‘etoka‘i ‘a e poto ‘a si‘i tu‘a, pea ‘oku ‘ikai ongo ‘ene ngaahi lea.
17Ko e lea malū ‘a e poto ‘oku ongo lahi
‘I he kaila hoha‘a ‘a e angi ‘a e kau vale.
18‘Oku lelei hake ‘a e poto ‘i he mahafu tau;
Ka ko e angahala ‘e toko taha ‘oku ne maumau‘i ha lelei lahi.
Currently Selected:
KOHELETI 9: TMB
Highlight
Share
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
