Әстир 3
3
Һаманниң йәһудийларниң нәслини йоқитиш сүйиқәсти
1Бу ишлардин кейин падиша Аһашвируш Агагниң нәслидин болған Һамадатаниң оғли Һаманниң мәртивисини барлиқ әмәлдарларниңкидин жуқури өстүрди. Мәртивә җәһәттә Һаман падиша Аһашвирушниң кәйнидила туратти. 2Ордидики пүтүн әмәлдарларниң һәммиси падишаниң буйруғинидәк Һаманниң алдидин өткәндә, униңға егилип тазим қилишатти. Пәқәт Мордикайла егилмәтти һәм тазим қилматти. 3Буни көргән ордидики башқа әмәлдарлар униңдин:
— Падишаниң әмригә бойсунмиғиниңиз немиси? — дәп сориди. 4Улар Мордикайға бу гәпни һәр күни десиму, амма Мордикай уларниң сөзигә қулақ салмиди. Мордикай уларға чүшәндүрүп:
— Мән йәһудий, Һаманға тазим қилмаймән, — деди. Шуниң билән улар Һаманниң Мордикайниң бу ишиға йол қойидиған-қоймайдиғанлиғини билип беқиш үчүн, бу гәпни униңға дәп қойди.
5Һаман Мордикайниң униңға егилип тазим қилмиғанлиғини көрүп интайин ғәзәпләнди. 6У йәнә Мордикайниң йәһудий екәнлигини билиши билән, ялғуз Мордикайниң өзинила җазалаш азлиқ қилидикән дәп қариди. Шуңа у Аһашвируш империясидики пүтүн йәһудийларни, йәни Мордикайниң хәлқини қирип ташлашни планлиди.
7Аһашвируш империясиниң он иккинчи жили биринчи айда, йәни Нисан ейида#3:7 Милади календари бойичә тәхминән миладидин бурунқи 472-жилниң төртинчи ейиға тоғра келиду. бу планниң әмәлгә ашурулушиға бир күнниң бәлгүлиниши үчүн Һаманниң алдида пур (чәк) тартилди. Чәктә он иккинчи айниң, йәни Адар ейиниң он үчинчи күни,#3:7 Милади календари бойичә үчинчи айниң йәттинчи күнигә тоғра келиду. тәхминән бир жилдин кейинки вақит чиқти. 8Андин Һаман падиша Аһашвирушқа:
— Империялириниң һәммә өлкилиригә чечилип кәткән, шундақла өм яшайдиған бир хәлиқ бар. Уларниң қанунлири башқа хәлиқләрниң қанунлириға охшимайду. Улар империямизниң қанунлириға бойсунмайду. Уларниң яшишиға йол қоюш империямизниң мәнпийитигә пайдисиздур. 9Әгәр алийлири халисила, уларни йоқитиш үчүн мәктүп яздурғайла. Мән империямизниң мәмурий хираҗити үчүн ғәзнигә үч йүз атмиш миң кило күмүч тапшурушқа капаләтлик қилимән, — дәп мәлум қилди. 10Шуниң билән падиша қошулғанлиғини билдүрүп, өзиниң мөрлүк үзүгини йәһудийларниң дүшмини болған Агагниң нәслидин болған Һамадатаниң оғли Һаманға бәрди. 11Падиша униңға:
— Бу күмүчләр өзәңгә қалсун. У хәлиқни қандақ қилимән десәң, шундақ қил! — деди. 12Шуңа биринчи айниң он үчинчи күни#3:12 Милади календари бойичә төртинчи айниң он йәттинчи күнигә тоғра келиду. Һаман падишаниң хәтчилирини жиғип, империяниң һәммә өлкилиридики рәислири, бәглири вә алий әмәлдарлириға қарита мәктүп яздурди. Мәктүпләр һәр бир өлкә хәлқиниң өз тил-йезиғида болуп, улар падишаниң намидин йезилди. Шундақла уларға падишаниң мөрлүк үзүги бесилди. 13Мәктүпләр чапармәнләр арқилиқ падишаниң қол астидики һәммә өлкиләргә әвәтилди. Мәктүпләрдә: «Он иккинчи айниң, йәни Адар ейиниң он үчинчи күни#3:13 Милади календари бойичә үчинчи айниң йәттинчи күнигә тоғра келиду. йәһудийларниң қери-яш, әр, аял вә бала-җақилириниң һәммиси бир күн ичидә қирилсун, өлтүрүлсун, йоқ қилинсун, мал-мүлүклири талан-тараҗ қилинсун», дәп йезилған еди. 14Һәммә адәмниң шу күни тәйяр болуп туруши үчүн, мәктүпниң көчүрмә нусхиси һәр қайси өлкиләрдә пәрман болуп, һәммә пухраларға алдин-ала елан қилинмақчи болди. 15Падишаниң әмригә бенаән, мәзкүр пәрман Суза шәһиридә елан қилинди. Чапармәнләр пәрманни дәрһал һәр қайси өлкиләргә елип беришти. Бу вақитта падиша билән Һаман буни тәбрикләш йүзисидин шарап ичишкә олтарди. Суза шәһири болса бесәрәмҗанлиқта қалди.
Currently Selected:
Әстир 3: HZUTCYR
Highlight
Share
Copy
Want to have your highlights saved across all your devices? Sign up or sign in
Uyghurche Muqeddes Kitab Jemiyiti
