A Mark Sõng 9

1A Zezi ra gomda woto ne nebã: «Sɩd-sɩda mam yeta yãmba, yãmb neb kẽer pa na n ki tɩ b pa yãend Wẽnd Rĩunga sẽn wat ne pãng la ziir ye.»

A Zezi neng tedgre

2Dasem a yoob dẽ poore, a Zezi peega a Piyɛr, a Zak ne a Zã, n yi kɛɛnga, tãn-lug-lug a ye zugu. A Zezi tedga zãng fas bãmb taoore. 3B futa ra pɩndame la tẽng zug ka, pɛgd-mit zɩ n tõog tɩ fuug paam bãmb dẽnda peelem ye. 4A Eli ne a Moyiiz likame n gomd ne a Zezi. 5T'a Piyɛr na n zẽk a koɛɛg n gom ne a Zezi: «Karen-saamba, tõnd sẽn be ka wã, d sũur yaa noogo. Tõnd na n tii zãn a tãabo: a ye yãmb yĩnga, a yembre, a Moyiiz yĩnga, a yembre, a Eli me yĩnga.» 6Yẽ ra goma woto t'a ra ka mi a sẽn na n yeel bũmb ning ye. Rabeem yõk-b la wʋsgo. 7#2P 1,17-18. Sawadg a yembr maasem luda bãmba. La Koɛɛg yii sawadgẽ wã n yetẽ: «Bãmb yaa mam Bi-nongre, bɩ y kelg-ba.» 8B wẽnesame n ges la b pa le yãend ned a to n paas a Zezi ye. 9B sẽn waa n sigd tãngã, a Zezi kõ-b la noore tɩ b ra sak n togs b taabã b sẽn yãend bũmb ninga ye, al tɩ Ned Biiga wa vʋʋg kɩɩms sʋka. 10Karen-biisa reega saglgã, n baas n sokd b mense: «Vʋʋg kɩɩms sʋka» sẽn dat n yeel tɩ bũmb ninga.

Sokr a Eli poorẽ

11 # Ml 3,23; Mt 11,14. B waa n soka a Zezi woto: «Bõe yĩng la sɛb-mitba yet t'a Eli n na n deng n wa?» 12T'a Zezi leok-ba: «Sɩda, a Eli n dengd taoore n lebs bũmb fãa a sõmb zĩigẽ. Maana a wãn tɩ b gʋls marsã Ned Biiga poorẽ tɩ b na n namsame la b na n paama paoogr wʋsgo? 13Mam yeta yãmba t'a Eli zoe n waame, la wala sẽn da gʋlse, neba maana b sẽn dat bũmb ning fãa, ne-a,»

Kisenkiir sãoogre

14B sẽn leb karen-biis a taaba nengẽ, b yãee zãma kãseng sẽn da tigmi. Sɛb-mitba me ra bee sʋka tɩ ya sogsgo ne sogsgo. 15Neba yãenda a Zesi tɩ zĩiga wulumd tɩ ned kam fãa zoet n kolgdẽ n na n pʋʋs-ba. 16A Zezi sok-b lame: «Yaa bõe koees la y ra leokd taaba?» 17Ned a yembre zĩnda sʋka n yeele: «Karen-saamba, mam talla m biig n wa y nengẽ, la yaa Sʋtãan n be a pʋgẽ n kɩt t'a lebg muka. 18Sʋtãana yõkd-a-la a sẽn paamẽ fãa, n lubd-a tẽnga, t'a tãntãmpuuda yita. A kẽrsda a yẽna la a yĩnga fãa tirdame. Mam kosa yãmb karen-biisã la b pa tõog n sãoog-a ye.» 19A Zezi leokame: «Kɩɩsdb buudu, m na n paa ne yãmba n ta da-bʋre? M na n tõoga m sũur ne yãmb, n ta da-bʋre? Bɩ y tall y bãadã n wa!» 20B talla bãadã n wa a Zezi taoore. La Sutãana sẽn yãend a Zezi la a sẽn kɩt tɩ biiga yĩnga vɩgda. Biiga waa n tol n lʋɩɩ tẽnga, n gãe n bilimdẽ la a lasd tãntãmpuudu. 21A Zezi soka biiga ba: «Yaa sẽn ta yʋʋm a wãna la a ya woto?» 22Tɩ ba wã na n yeele: «Yaa al a yãadme. Naoor wʋsgo Sʋtãana lubd-a-la bugmẽ bɩ koomẽ n dat n kʋ-a. Yãmb sã n tõe bɩ y zoe d nimbãanega la y sõng-do.» 23T'a Zezi na n leoke: «Bõe tɩ f yet: sã n tõe? Ned ninga sẽn tẽeda, a sẽn dat fãa pitame.» 24Tao-tao bala biiga ba mooname: «Mam tẽedame la bɩ y sõng-ma tɩ m tẽeba paoodame.» 25A Zezi sẽn yãe tɩ neba zoet n watame b tãsa Sʋtãana: «Sʋtãan muk la wʋnga, m kõt-f la noor tɩ f yi bi-kãnga pʋgẽ la f ra leb n kẽ-a yɛs ye.» 26Biiga ra tara kaasgo t'a yĩnga wils vɩgd ne pãnga tɩ Sʋtãana na n loog n bas-a t'a gãe wa kũum la neba sɩd da gomda woto: «A kiime!» 27La a Zezi gãda biiga nug n yik-a yĩngri. 28A Zezi kẽe zakẽ tɩ b karen-biisa na n kolg n sok-ba: «Yaa bõe yĩng tɩ tõnd yẽ pa tõog n yiis Sʋtãana?» 29T'a Zezi leoke: «Sã n pa ne pʋʋsg bala, Sʋtãan kãnga buud ka tõe n dig ye.»

A Zezi le gomda b namsg yelle

30A Zezi yii yirã n pãrgd Galile la b ra pa rat tɩ neba bãng ye. 31Dẽ tɩ b ra tara b karen-biisa zãmsgo la b ra yet-b lame: «Neb na n yõka Ned Biiga la b na n kʋ-a lame. La b sã n kʋ-a, dasma a tãab poore, a na n vʋʋgame.» 32B ra pa wʋmd b gomda võor ye. La sokr dabeem da tar-b lame.

Ãnd la kãsma?

33B taa Kafarnaom, la b sẽn kẽ zakẽ, a Zezi soka b karen-biisã: «Yaa bõe no-koeemde la y da wẽed sora zugu?» 34#Lk 22,24. Tɩ b fãa sĩnda, tɩ sor zugu b da wẽeda no-koeemde ne taaba n na n bãng bãmb taoor soaba la ãnda. 35#Mt 20,26-27; 23,11; Mk 10,43-44; Lk 22,26. Dẽ la a Zezi zĩnd yã n bool b Tʋʋm-tʋmdb piig la a yiibã n yeel-ba: «Ned sã n dat n yɩ pipi soaba bɩ a pa a taab fãa poorẽ n yɩ a taab fãa sõgne.» 36Dẽ poore b gãda biig a ye n tak-a n yaas sʋka, n mobg-a la b yetẽ: 37#Mt 10,40; Lk 10,16; Zã 13,20. «Ned ninga sẽn na n sak n deeg bi-bilf a woto mam yʋʋr yĩnga, yaa mam meng la a reeg yã. La ned ning sẽn na n deega maam, pa maam la a soab reegr ye, yaa sẽn tʋm-a maama.»

A Zezi yʋʋr pʋdbo

38A Zã yeela a Zezi: «Karen-saamba, tõnd yãee ned a ye sẽn digd Sʋtãamba, yãmb yʋʋr yĩnga, la a sẽn pa tũud tõndã, tõnd da rat n dig-a lame.» 39A Zezi leokame: «Bɩ y ra rig a soab ye tɩ ned pa tõe n maan wẽnd makr mam yʋʋr yĩnga n le wẽneg n gom wẽng mam poorẽ ye. 40#Mt 12,30; Lk 11,23. Ned ninga fãa sẽn ka-a tõnd bɛ, yaa tõnd zoa.

Karen-biisa kollgo

41 # Mt 10,42. Ned ning sẽn na n kõ-a yãmb koom ne wamde tɩ y yũ y sẽn kẽed Krista yĩnga, sɩda, mam yeta yãmba tɩ yẽ soab kõn kong a rolb ye.

To sɩɩg sãoong yelle

42La ned ning sẽn na n sãam-a bi-bilf a yembr bal sẽn tar tẽeb sɩɩga, ad-y sãoo ne yẽ soaba, b sã n dɩk bõeensã sẽn bilgd kugr ning n werd zoma n loe a yubla n tus-a n lub mogr pʋga. 43#Mt 5,30. Fo nug sã n kɩt tɩ f lʋɩ yel-wẽnd pʋgẽ bɩ f fiuug-a tɩ fo sẽn na n kẽ vɩɩm sẽn kõn sɛ pʋgẽ ne nug yende, rẽ sãoo fo sẽn na n kẽ bugum sẽn ka kiid pʋgẽ ne f nus a yiibã. [ 44Be zũnzũur ka kiidi, be bugum me ka kiid ye.] 45Fo naoor sã n kɩt tɩ f lʋɩ yel-wẽnd pʋgẽ bɩ f kʋʋg naoorã, tɩ fo sã n kẽ vɩɩm sẽn kõn sɛ pʋgẽ ne nao yende, sãoo fo sẽn na n lʋɩ bugmẽ ne f naoa yiibu. [ 46Be zũnzũur ka kiidi, be bugum me ka kiid ye.] 47#Mt 5,29. Fo nif sã n kɩt tɩ f lʋɩ yel-wẽnd pʋgẽ bɩ f kɩdg f nifã. Fo sã n kẽ Wẽnd Rĩung pʋgẽ ne nifr a ye, sãoo fo sẽn na n kẽ ne f nin a yiibã bug-toaagẽ. 48#Iz 66,24. Beenẽ zũnzũur pa kiidi, la yaa wakat fãa la bugma me wita. 49Bugma na n kẽe nemsã wala yamsem. 50#Mt 5,13; Lk 14,34-35. Yamsem yaa bõn sõngo, la a sã n sãbge, yaa bõe n na n le wa ne a noosem? Tall-y yamsem y pʋsẽ la y vɩɩma ne taab yɩ laafi vɩɩm.»

Currently Selected:

A Mark Sõng 9: SSDC98

Highlight

Copy