SOOLLA 110
110
Yawe u mul ma nam manamma
1Soolla vi David.
Yawe di Bu Suuna manna ana,
«Kak hu bik kon ma njufna,
an cukuŋ suu babali maŋsina ki uŋ ga
a gu ma aŋ tin seŋ kamma.»#Mat. 22.44; Mark 12.36; Luk 20.42-43; Sun. 2.34-35; 1 Kor. 15.25; Efes. 1.20-22; Kol. 3.1; Heb. 1.13; 8.1; 10.12-13
2Aŋ, Yawe, ti mulla kay Siyon
u zi ma daŋŋa lay,
aŋ kak mulna kay suu babali maŋsina lay.
3Hu li ma aŋ tuɗ duuna
suu maŋsina tuɗ uŋ u furira.
Suu maŋsina mbay egeŋ kay ɦinira teteɗta,
ko ndal mbaɗagira gi maɗira na.
4Yawe suu tam kiyo,
nam ka hoŋ vunum daganɗi,
«Aŋŋi a mul ŋgol ma li ɓivunna a fafaɗta,
ni kay balam Melkisedek.»#Heb. 5.6; 6.20; 7.17,21
5Bu Suuna ka kay bik koŋ ma njufna,
hu li ma hurum ɓeŋŋa, nam cuk mulina ki ga halaŋ.
6Nam kaɓakŋa kay njaf suuna halaŋ,
nam ci suuna ki cocoo,
kay yam ndaŋgara halaŋŋi nam to yam suuna kiyo.
7Muli suu nam manasina tuɗ hu voɗta ni
ka ci yo ma ɗilina,
asi ka furiya tli yasi koloo.
Currently Selected:
SOOLLA 110: BMS
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.
