SOOLLA 111
111
Sunda Yawe laɗ duk suu Israelna
1Halleluya.
An geleɗ Yawe u hurun halaŋ,
hu tokka vi suu ɗegeena,
hu li ma tokka ŋgolla lay, an geleɗemu.
2Sunda Yawe laɗta ndaɗ ŋgol cocoo,
suu minimma halaŋ haɗ sun ndaɗta.
3Sunda nam laɗta halaŋ ka tak ki kay ŋgol mamba,
ɗegee mamba ka ni na din din.
4Nam min ana humuygi gaygi
kay dlaamba mbuɗ mbuɗta tew tew,
Yawe nam jiviya wi hahaw suuna lay.
5Sa ma lam ndaaramma nam ɦam tlesuu
ɦurumusi ay fun duunana,
humum ka gam kay galam mamba nam vaɗta tew tew.
6Nam tak saɓak sun mamba ki maŋ suu mamsina,
hu li ma nam ɦasi mbassa
asi lak hura ki kay tasina.
7Sunda nam laɗ u bik komba ni gasi u ɗegee,
gaɗ mamba halaŋŋi gasi.
8Ndaɗ ka ni na din din ka daɓbi,
ka lini gasira u ɗegeera.
9Suu mamsina nam buɗusi ay kiyo,
vi galamba u asi a fafaɗta.
Sem ki ni teteɗ dlam ŋgolo.
10Mbeleŋ may ma ŋgolna ni
ndaa ma lam u Bu Suunana.
Suu ka lam ndaaramma halaŋ lak jiviya.#Job 28.28; Vun 1.7; 9.10
Suuna geleɗem ha ni na gak gak.
Currently Selected:
SOOLLA 111: BMS
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.
