ᓭᑲᕒᐋᔭ 6
6
ᑮᐙᐸᒥᑣ ᓃᐎᓐ ᐅᑖᐹᓈᑾᒃ
1ᒦᓇᐙ ᑕᔥ ᐃᔥᐱᒥᕽ ᐁᐃᓈᐱᔮᓐ, ᓂᑮ ᐙᐸᒫᒃ ᓃᐎᓐ ᐅᑖᐹᓈᑾᒃ ᐁᐱᐅᒋ ᓈᑯᓯᐙᒡ ᐁᔑ ᓇᓴᐗᓂᓂᑭᓐ ᓃᔑᓐ ᐌᓵᐙᐱᑯᐗᓂᓂᑭᓐ ᑭᒋ ᐗᒌᓐ᙮ 2#Rev 6.4; Rev 6.5. ᐃᐃᒫ ᓴ ᓂᑕᒻ ᐅᑖᐹᓈᑯᕽ ᒥᔅᑯ ᒥᑕᑎᒨᒃ ᑮᐅᑖᐲᐗᐱᓱᐗᒃ᙮ ᐃᐃᒫ ᑕᔥ ᓃᔓᐎ ᐅᑖᐹᓈᑯᕽ ᒪᑲᑌᐎ ᒥᑕᑎᒨᒃ ᑮᐃᔑ ᐅᑖᐲᐗᐱᓱᐗᒃ᙮ 3#Rev 6.2. ᐃᐃᒫ ᑕᔥ ᐐᓐ ᓂᓱᐎ ᐅᑖᐹᓈᑯᕽ ᐙᐱᔥᑭ ᒥᑕᑎᒨᒃ ᑮᐃᔑ ᐅᑖᐲᐗᐱᓱᐗᒃ᙮ ᐃᐃᒫ ᑕᔥ ᓃᐎ ᐅᑖᐹᓈᑯᕽ ᒣᔥᑲᐎᓰᐙᒡ ᑮᐙᐱᓈᑯᓯᐙᒡ ᒥᑕᑎᒨᒃ ᑮᐃᔑ ᐅᑖᐲᐗᐱᓱᐗᒃ᙮ 4ᒦᔥ ᑳᐃᔑ ᑲᑴᒋᒪᒃ ᐊᐊ ᐁᒐᓬ ᑳᑲᑲᓅᔑᒡ, ᐌᑭᒫᐎᔭᓐ, ᐋᓃᓐ ᐃᑕᔥ ᐅᑯ ᐁᓍᓱᐙᒡ?
5 # Rev 7.1. ᒦᔥ ᐅᐅ ᑳᐃᔑ ᓇᑴᑕᐎᒡ, ᒦᐗᒃ ᐃᓴ ᐅᑯ ᓃᐎᓐ ᐊᒑᑾᒃ ᐁᓅᑎᓄᐎᐙᒡ᙮ ᐁᓈᓴᒦᓂᒡ ᐃᓴ ᑳᑎᐯᒋᑫᓂᒡ ᐱᒥ ᐅᒌᐗᒃ ᑳᒥᓯᐌ ᑎᐯᑕᒥᓂᒡ ᐅᐅ ᐊᑭ᙮
6ᐊᐊ ᓴ ᐅᑖᐹᓈᒃ ᐌᑖᐹᓂᑯᒡ ᒪᑲᑌ ᒥᑕᑎᒨᐞ ᑮᐌᑎᓄᕽ ᐃᓇᑫ ᐃᔖ᙮ ᐊᐊᔥ ᐐᓐ ᐅᑖᐹᓈᒃ ᐌᑖᐹᓂᑯᒡ ᐙᐱᔥᑭ ᒥᑕᑎᒨᐞ ᓂᑳᐲᐊᓄᕽ ᐃᓇᑫ ᐃᔖ᙮ ᐊᐊ ᑕᔥ ᐅᑖᐹᓈᒃ ᐌᑖᐹᓂᑯᒡ ᑳᐙᐱᓈᑯᓯᓂᒡ ᒥᑕᑎᒨᐞ ᔖᐗᓄᕽ ᐃᓇᑫ ᐃᔖ᙮ 7ᐊᐲ ᑕᔥ ᐃᑭ ᒣᔥᑲᐎᓰᐙᒡ ᑳᐙᐱᓈᑯᓯᐙᒡ ᐯᒥ ᓵᑲᐊᒧᐙᒡ ᐐᑫ ᑮᐋᔅᑯᓂ ᒫᒑᐗᒃ ᒥᓯᐌ ᐊᑮᕽ ᐁᑮ ᐐ ᐃᔖᐙᒡ᙮ ᒦᔥ ᐁᒐᓬ ᑳᐃᓈᒡ, ᒫᒑᒃ ᒥᓯᐌ ᐊᑮᕽ ᒋᐃᔖᔦᒃ! ᒦᑕᔥ ᐃᑯ ᐃ ᑳᐊᔨᑎᓂᒡ᙮ 8ᒦᔥ ᐊᐊ ᐁᒐᓬ ᑳᐃᔑᒡ, ᐃᑭ ᓴ ᒥᑕᑎᒨᒃ ᐁᔖᐙᒡ ᑮᐌᑎᓄᕽ ᐹᐱᓬᐊᓐ Babylon ᐊᑮᕽ, ᒦ ᓴ ᐃᐃᒫ ᐌᒋ ᐴᓂᑭᑖᓱᔮᓐ ᐃᐃᒫ ᑕᔑ ᐊᑮᕽ᙮
ᒑᔓᐙ ᑮᐱᓯᑲᒧᐃᓐᒡ ᐅᑭᒫᐙᓄᒀᓐ
9ᒦᑕᔥ ᐅᐅ ᑳᐃᔑᒡ ᑳᑎᐯᒋᑫᒡ ᒋᐃᑭᑐᐗᒃ, 10ᐅᑖᐱᓐ ᓴ ᐙᐹᐱᑯ ᔔᓂᔮ, ᐅᓵᐎ ᔔᓂᔮ ᑲᔦ ᐊᔮᐙᐙᒡ ᐃᑭ ᐃᓂᓂᐗᒃ ᑳᑮ ᒫᒌᓂᑣᐸᓐ ᐹᐱᓬᐊᓐ Babylon ᐊᑮᕽ ᑳᐱᐅᒋ ᑕᑯᔑᓄᐙᒡ᙮ ᐁᓬᑌᔮᐃ Heldai, ᑐᐹᐃᒐ Tobijah, ᒉᑌᔮ Jedaiah ᐁᔑᓂᑳᓱᐙᒡ᙮ ᔐᒫᒃ ᐃᑕᔥ ᐃᑯ ᐃᔖᑫᒃ ᐁᔑᑖᒡ ᒍᓵᔭ Josiah ᐌᑌᑌᒡ ᓭᐸᓈᔭᐗᓐ Zephaniah᙮ 11ᒦᔥ ᐃᐃᒫ ᐙᐹᐱᑯ ᔔᓂᔮᕽ, ᐅᓵᐎ ᔔᓂᔮᕽ ᑲᔦ ᑫᐅᒋ ᐅᔑᑑᔦᒃ ᐅᑭᒫᐙᓄᒀᓐ ᒋᐱᓯᑲᒨᐁᒃ ᑭᒋ ᐊᓇᒥᐁᐎᑭᒫ ᒑᔓᐙ Joshua ᐌᑌᑌᒡ ᒌᐅᓴᑕᒃ Jehozadak ᐁᔑᓂᑳᓱᓂᒡ᙮ 12#Jer 23.5; 33.15; Zec 3.8. ᐐᑕᒪᐎᒃ ᐁᐃᑭᑐᓂᒡ ᑳᒫᐗᒋ ᒪᔥᑲᐎᓰᓂᒡ ᑳᑎᐯᒋᑫᓂᒡ, ᒦ ᓴ ᐗᐊ ᐃᓂᓂ ᑫᐃᔑᓂᑳᓱᒡ ᐗᑎᑾᓐ, ᒦ ᓴ ᐗᐊ ᑫᐅᓇᑭᑑᒡ ᐅᑭᒋ ᐊᓇᒥᐁᐎᑲᒥᑯᓂ ᑳᑎᐯᒋᑫᓂᒡ᙮ 13ᒦ ᓴ ᐊ ᑫᐅᓇᑭᑑᒡ ᐅᑭᒋ ᐊᓇᒥᐁᐎᑲᒥᑯᓂ ᑳᑎᐯᒋᑫᓂᒡ, ᑲᔦ ᑫᐱᓯᑲᒧᐃᓐᒡ ᑭᒋᐅᑭᒫ ᑭᑭᔥᑭᑲᓇᓐ ᒋᓇᒪᑕᐱᒡ ᑭᒋᐅᑭᒫᐗᐱᐎᓂᕽ ᑫᐅᒋ ᑎᐯᒋᑫᒡ᙮ ᑭᒋ ᐊᓇᒥᐁᐎᑭᒫᓐ ᐃᓴ ᑕᓃᐸᐎᐗᓐ ᐁᔑ ᐅᑭᒫᐗᐱᒡ᙮ ᒦᐗᒃ ᐃᑕᔥ ᐅᑯ ᐱᓵᓐ ᐌᐌᓂ ᑫᓃᔓ ᐊᓄᑮᐙᒡ᙮ 14ᐃᐃ ᓴ ᐅᑭᒫᐙᓄᒀᓐ ᑕᐊᒋᑳᑌ ᐃᐃᒫ ᑳᑎᐯᒋᑫᒡ ᐅᑭᒋ ᐊᓇᒥᐁᐎᑲᒥᑯᕽ ᑫᐅᒋ ᒫᒥᑲᐌᑖᑯᓯᐙᒡ ᐅᑯ ᐃᓂᓂᐗᒃ ᐁᓬᑌᔮᐃ Heldai, ᑐᐹᐃᒐ Tobijah, ᒉᑌᔮ Jedaiah ᐊᐊ ᑲᔦ ᐁᓐ Hen ᐌᑌᑌᒡ ᓭᐸᓈᔭᐗᓐ ᐁᔑᓂᑳᓱᐙᒡ᙮ 15ᐃᑭ ᐊᐎᔭᒃ ᐙᓴ ᐁᔮᐙᒡ ᑕᐱᑕᑯᔑᓅᒃ ᒋᐱ ᐐᒋᑣᐙᒡ ᐊᐲ ᐅᔑᒋᑳᑌᓂᒃ ᑳᑎᐯᒋᑫᒡ ᐅᑭᒋ ᐊᓇᒥᐁᐎᑲᒥᒃ᙮ ᐊᐲ ᑕᔥ ᑮᔑᒋᑳᑌᒃ, ᒦ ᓴ ᐃ ᒋᑭᑫᑕᒣᒃ ᑳᒫᐗᒋ ᒪᔥᑲᐎᓰᒡ ᑳᑎᐯᒋᑫᒡ ᐁᑮ ᐲᒋᓂᔕᐅᒡ ᐁᔑᐊᔮᔦᒃ᙮ ᒦ ᓴ ᐱᑯ ᐃ ᑫᐃᔑᓭᒃ ᑮᔥᐱᓐ ᐌᐌᓂ ᐱᓯᑕᐌᒃ ᑳᑎᐯᒋᑫᒡ ᑭᑭᔐᒪᓂᑑᒥᐙ᙮
Currently Selected:
ᓭᑲᕒᐋᔭ 6: OJBS
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Syllabic Script) © 2008 Canadian Bible Society
