ᓭᑲᕒᐋᔭ 5
5
ᑳᑕᔗᑳᓯᕽ ᑎᑎᐲᑭᓂᑭᒋᒪᓯᓇᐃᑲᓐ
1ᒦᓇᐙ ᑕᔥ ᐃᔥᐱᒥᕽ ᐁᐃᓈᐱᔮᓐ, ᓂᑮ ᐙᐸᑖᓐ ᑎᑎᐲᑭᓂ ᑭᒋ ᒪᓯᓇᐃᑲᓐ ᐁᑕᔗᑳᓯᕽ᙮ 2ᒦᔥ ᐁᒐᓬ ᑳᑮ ᑲᑴᒋᒥᒡ ᐌᑯᓀᓐ ᑳᐙᐸᑕᒧᐗᒃ᙮ ᓂᐙᐸᑖᓐ ᑎᑎᐲᑭᓂ ᑭᒋ ᒪᓯᓇᐃᑲᓐ ᐁᑕᔗᑳᓯᕽ ᐃᔥᐱᒥᕽ᙮ ᓂᓯᒥᑕᓇ 30 ᑕᓱᒥᓯᑦ ᐁᐊᒀᒃ, ᒥᑖᔑᓈᓄᒥᓯᑦ 15 ᐃᑕᔥ ᐁᐃᓂᑾᑾᑌᔮᒃ, ᓂᑮ ᐃᓈ᙮
3ᒦᔥ ᑳᐃᔑᒡ, ᒦ ᐃᒫ ᐁᔑ ᐅᔑᐲᐃᑳᑌᒃ ᐋᓃᓐ ᐗᐃᔑ ᒪᒐᑭᒋᑳᑌᒃ ᐅᐅ ᒥᓯᐌ ᐊᑭ᙮ ᐃᐃᒫᔥ ᐐᓐ ᐅᑖᓯᓇᑫᔩᒃ ᒦ ᐃ ᐁᔑᐲᐃᑳᑌᒃ ᑲᑭᓇ ᐅᑭᒨᒋᔥᑲᒃ ᒋᑭᑫᑖᑯᓯᓯᒀ᙮ ᐌᑎ ᑕᔥ ᐊᐗᓯᓇᑫᔩᒃ ᒦ ᐃ ᐁᔑᐲᐃᑳᑌᒃ ᑲᑭᓇ ᐊᐎᔭ ᐱᑯ ᑳᑮᐗᓂᒧᒡ ᑳᑮ ᐊᐱᒧᐸᓐ ᑳᐐᓐ ᑕᑭᑫᑖᑯᓯᓰ᙮ 4ᒦᑕᔥ ᐅᐅ ᐁᑭᑐᒡ ᑳᒫᐗᒋ ᒪᔥᑲᐎᓰᒡ ᑳᑎᐯᒋᑫᒡ, ᓃᓐ ᓴ ᓂᒫᒋᓂᔕᐋᓐ ᐃᐃ ᒪᒐᑭᒥᑰᐎᓐ, ᐁᐃᔑᓂᔕᐊᒫᓐ ᒋᐊᐎ ᐲᑎᑫᔥᑳᒪᑲᒃ ᐅᐙᑳᐃᑲᓂᐙᕽ ᐃᑭ ᐅᑭᒨᒋᔥᑲᒃ, ᐃᑭ ᑲᔦ ᑳᑮᐗᓂᒧᐙᒡ ᑳᑮ ᐊᐱᒧᐙᐸᓐ᙮ ᒦᔥ ᐌᑎ ᑫᐊᔮᒪᑲᒃ ᐲᓂᔥ ᒋᓂᔑᐙᓈᑎᓯᐙᒡ ᐊᓯᓃᒃ, ᒥᑎᑰᒃ ᑲᔦ ᐃᐃᒫ ᐙᑳᐃᑲᓂᕽ᙮
ᐃᑴᐗᓐ ᑮᐙᐸᒫᒡ ᐲᒋᒪᑲᒃ
5ᒦᑕᔥ ᒦᓇᐙ ᐊᐊ ᐁᒐᓬ ᑳᑮ ᑲᑲᓅᔑᒡ ᑳᐃᑭᑐᒡ, ᐃᓇᔥᑫ ᐃᔥᐱᒥᕽ ᐃᓈᐱᓐ ᒋᐙᐸᑕᒪᓐ ᑳᓈᑾᒃ᙮
6ᐅᐅ ᑕᔥ ᓂᑮ ᐃᓈ, ᐌᑯᓀᓐ ᐃᑕᔥ ᐃᐃ?
ᒦᔥ ᑳᐃᔑ ᓇᑴᑕᐎᒡ, ᒦ ᓴ ᐃᐌ ᑎᐸᐃᑲᓂᒪᑲᒃ᙮ ᒦᔥ ᐁᓍᑌᒃ ᐃᐃ ᒪᑲᒃ ᐅᒪᒋᑑᑕᒧᐎᓂᐙ ᐯᒫᑎᓯᐙᒡ ᐅᐅᒫ ᒥᓯᐌ ᐊᑮᕽ᙮
7ᐃᐃ ᑕᔥ ᒪᑲᒃ ᐁᔑ ᐹᑭᓂᑳᑌᒃ ᑮᐊᔥᑭᑯᐗᓐ᙮ ᒦᔥ ᐁᐊᓂ ᐹᑭᓂᑳᑌᒃ, ᒦ ᐃᒫ ᐲᒋᒪᑲᒃ ᑳᑮ ᐃᔑ ᐙᐸᒪᒃ ᐃᑴ ᐁᓇᒪᑕᐱᒡ᙮
8ᒦᔥ ᐅᐅ ᐁᒐᓬ ᑳᐃᔑᒡ, ᐗᐊ ᓴ ᐃᑴ ᒦ ᐃ ᐁᓍᓱᒡ ᑖᐱᔥᑰ ᒪᒋᐃᔑᐌᐱᓯᐎᓐ᙮ ᒦᑕᔥ ᑳᐃᔑ ᑮᐌ ᐲᒋ ᑳᑎᓈᒡ ᐃᓂ ᐃᑴᐗᓐ ᐁᑮ ᑭᐸᐊᕽ ᐃᐃ ᒪᑲᒃ᙮ 9ᐃᔥᐱᒥᕽ ᐃᑕᔥ ᐁᐃᓈᐱᔮᓐ ᓂᑮ ᐙᐸᒫᒃ ᓃᔑᓐ ᐃᑴᐗᒃ ᐁᐲᒋᓭᐙᒡ᙮ ᑖᐱᔥᑰ ᒨᔅᑾᐅᓯ ᑳᔑ ᓂᑸᒡ ᐁᑮ ᐊᔨᔑᓂᑸᐙᒡ᙮ ᒦᑕᔥ ᑳᑮ ᐱᒪᓂᐱᑑᐙᒡ ᐃᐃ ᒪᑲᒃ ᐁᑮ ᒫᒌᓴᑑᐙᒡ᙮ 10ᐅᐅᔥ ᓂᑮ ᐃᓈ ᐊᐊ ᐁᒐᓬ, ᐋᑎ ᑕᔥ ᐁᔑᐎᑑᐙᒡ?
11ᒦᔥ ᑳᐃᔑ ᓇᑴᑕᐎᒡ, ᐌᑎ ᐹᐱᓬᐊᓐ Babylon ᐊᑮᕽ ᐃᔑᐎᒋᑳᑌ ᒋᐅᔑᒋᑳᑌᒃ ᐙᑳᐃᑲᓐ ᑫᔑ ᐲᑎᑲᒋᑳᑌᒃ ᐃᐃ ᒪᑲᒃ᙮ ᐊᐲ ᑕᔥ ᑮᔑᒋᑳᑌᒃ ᐃᐃ ᐙᑳᐃᑲᓐ, ᒦ ᓴ ᐃᐌ ᑫᔑ ᐅᓇᑌᒃ ᐃᐃ ᒪᑲᒃ᙮
Currently Selected:
ᓭᑲᕒᐋᔭ 5: OJBS
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Syllabic Script) © 2008 Canadian Bible Society
