ᓭᑲᕒᐋᔭ 7
7
ᑳᑎᐯᒋᑫᒡ ᑮᐋᓇᐙᐸᒫᒡ ᑾᔭᒃ ᑳᒪᑕᐐᐃᑎᓱᓯᓂᒃ
1ᓃᐎᐱᐴᓐ ᓴ ᑮᓂ ᑭᒋᐅᑭᒫᐎᒡ ᑕᕒᐋᔭᔅ Darius ᓃᐎᓐ ᐁᐃᓇᑭᓱᒡ ᔖᑲᓱᑮᓯᔅ ᑭᔅᓬᐁᑉ Kislev ᐁᔑᓂᑳᓱᒡ, ᒦ ᓴ ᐃ ᐊᐲ ᓃᓐ ᓭᑲᕒᐋᔭ Zechariah ᑳᑮ ᑲᓅᔑᒡ ᑳᑎᐯᒋᑫᒡ᙮ 2ᐃᑭ ᓴ ᐯᒫᑎᓯᐙᒡ ᐊᔮᐙᒡ ᐯᑕᓬ Bethel ᐊᔮᐎᓂᕽ ᑮᐃᔑᓂᔕᐙᐙᑯᐸᓐ ᔕᕒᐄᓴᕒᐊᓐ Sharezer ᐃᓂ ᑲᔦ ᐅᕒᐄᒐᒻ ᒣᓬᐁᒃ Regem Melech ᐋᓂᑕ ᑲᔦ ᐃᓂᓂᐗᐞ ᒋᐃᔖᓂᒡ ᐅᑭᒋ ᐊᓇᒥᐁᐎᑲᒥᑯᓃᕽ ᑳᒫᐗᒋ ᒪᔥᑲᐎᓰᓂᒡ ᑳᑎᐯᒋᑫᓂᒡ ᒋᐊᐎ ᑲᑴᑗᓂᒡ ᒋᔕᐌᑖᑯᓯᐙᒡ᙮ 3ᐅᐅ ᑕᔥ ᒋᔑ ᑲᑴᒋᒫᓂᒡ ᑭᒋ ᐊᓇᒥᐁᐎᑭᒫᐞ, ᑲᔦ ᑕᔥ ᑫᓅᑕᒪᐙᓂᒡ ᑭᔐᒪᓂᑑᓐ, ᑫᔮᐱ ᓇ ᓂᑖ ᒪᐎᒥᓐ, ᒋᒪᑕᐐᐃᑎᓱᔮᕽ ᑲᔦ ᒋᐊᓇᒥᐋᔮᕽ ᓈᓄᑮᓯᔅ ᐱᒪᑭᓱᒡ ᑳᐱ ᓂᑖ ᐃᔑᒋᑫᔮᕽ ᐅᑖᓈᕽ ᐁᑕᓱᐱᐴᓐ? 4ᒦᑕᔥ ᐅᐅᐌᓂ ᑳᒫᐗᒋ ᒪᔥᑲᐎᓰᒡ ᑳᑎᐯᒋᑫᒡ ᑳᐱ ᐃᑭᑐᒡ, 5ᐐᑕᒪᐤ ᑲᑭᓇ ᐊᔮᐙᒡ ᐃᐃᒫ ᐊᑮᕽ ᐃᑭ ᑲᔦ ᐊᓇᒥᐁᐎᑭᒫᒃ, ᐃᐃ ᓴ ᑮᒪᑕᐐᐃᑎᓱᔦᒃ ᐁᐊᓇᒥᐋᔦᒃ, ᑲᔦ ᑕᔥ ᑮᒫᓀᑕᒣᒃ ᑮᐱᒪᑭᓱᒡ ᓈᓄᑮᓯᔅ, ᓃᔣᓱᑮᓯᔅ ᑲᔦ ᐅᐅ ᑳᐱᒥ ᓂᑖ ᐃᔑᒋᑫᔦᒃ ᐋᔕ ᓃᔣᓯᒥᑕᓇ 70 ᑕᓱᐱᐴᓐ, ᓃᓐ ᐃᓇ ᑕᔥ ᐅᒋ ᐃᐃ ᑳᐅᒋ ᐃᔑᒋᑫᔦᒃ? 6ᐊᐲ ᓴ ᑮᐐᓯᓂᔦᒃ, ᑮᒥᓂᑴᔦᒃ ᑲᔦ, ᒦ ᓇ ᐃ ᐌᒋ ᐃᔑᒋᑫᔦᒃ ᑮᓀᑕᐙ ᐁᑕ ᒋᐅᒋ ᒥᓉᑕᒣᒃ?
7ᒦ ᐄᑐᒃ ᐃᐃ ᑳᑎᐯᒋᑫᒡ ᑳᐱᒥ ᐃᑭᑐᒡ ᐁᐋᐸᒋᐋᒡ ᑫᓅᑕᒫᑯᒡ ᐊᐲ ᒉᕒᐆᓴᓬᐊᒻ ᒣᒀ ᑮᒥᓄᓭᑭᐸᓐ, ᑮᐹᑏᓄᐙᐸᓐ ᑲᔦ ᐯᒫᑎᓯᐙᒡ᙮ ᒦ ᓴ ᐃ ᐊᐲ ᐆᑌᓇᐗᓐ ᑲᔦ ᑳᑮ ᑕᑖᓄᑌᑭᓐ᙮ ᒥᓯᐌ ᐃᔑᐙᑳᔭᐄ ᔖᐗᓄᕽ ᐃᓇᑫ, ᓂᑳᐲᐊᓄᕽ ᑲᔦ ᐁᔑ ᒪᒫᒌᑎᓈᒃ ᐊᐎᔭᒃ ᐁᑮ ᐊᔨᔑ ᑲᐯᔑᐙᒡ᙮
ᐁᔕᔒᐱᑕᒧᐙᒡ ᑳᑮᐅᒋᒫᒌᓂᑣ
8ᒦᑕᔥ ᐅᐅ ᓭᑲᕒᐋᔭ ᑳᐃᑯᒡ ᑳᑎᐯᒋᑫᓂᒡ, 9ᐅᐅᐌᓂ ᓴ ᐃᑭᑐ ᑳᒫᐗᒋ ᒪᔥᑲᐎᓰᒡ ᑳᑎᐯᒋᑫᒡ, ᑫᒋᓈᒡ ᑾᔭᒃ ᑑᑖᑎᒃ, ᑲᔦ ᑕᔥ ᒥᓄᑑᑖᑎᒃ, ᒦᔥ ᑫᐃᔑᒋᑫᔦᒃ ᒋᑲᑰᐹᑌᑎᔦᒃ᙮ 10ᑫᑯ ᑲᔦ ᑲᒀᑕᑭᐋᑫᒀᓂᒃ ᑮᐙᒋᑴᒃ ᐃᑭ ᑲᔦ ᑸᐗᔑᔖᓇᒃ, ᐃᑭ ᑲᔦ ᐲᐎᑌᒃ ᑳᐐᒋᑖᒥᓀᒀ, ᐊᐌᓀᓐ ᐃᓴ ᐱᑯ ᐊᐎᔭ ᑫᑰᓐ ᑳᔑ ᓅᑌᓭᒡ᙮ ᑫᑯ ᑲᔦ ᓅᒋᑯ ᑫᑰᓐ ᐃᔑ ᒪᒋᐃᓀᑕᑫᒃ ᑫᑑᑖᑎᔦᒃ᙮
11ᓂᐱᒫᑎᓰᒪᒃ ᐃᑕᔥ ᑳᐐᓐ ᑲᓇᑫ ᒋᐐ ᐱᓯᑕᒧᐙᒡ᙮ ᐋᐱᒋ ᑲᑮᐹᑎᓯᐗᒃ ᐁᑴᑭᑖᐙᒡ ᐁᑲᑮᐱᑌᓂᑎᓱᐙᒡ᙮ 12ᒦᔥ ᐁᔑᓈᑾᓂᓂᑭᓐ ᐅᑌᐃᐙᓐ ᑖᐱᔥᑰ ᐊᓯᓃᕽ ᐁᐐ ᐱᓯᑕᓯᒀ᙮ ᑳᐐᓐ ᐃᓀᑕᓰᐗᒃ ᒋᐱᓯᑕᐙᐙᒡ ᑳᑮ ᐃᔑ ᑭᑭᓄᐊᒫᑯᐗᒡ ᑫᓅᑕᒪᐎᒥᒡ ᓂᓐᑕᒑᑾᓐ ᑫᑭᔥᑳᑯᓂᒡ ᐁᑮ ᐃᔑᓂᔕᐅᒪᑭᐸᓐ ᐁᔑᐊᔮᐙᒡ ᒣᐎᔕ᙮ ᒦᑕᔥ ᑳᑮ ᐅᒋ ᓂᔥᑭᐃᐙᒡ᙮ 13ᐋᓇᑮ ᑲᓅᓇᒀᐸᓐ, ᑳᐐᓐ ᓂᑮ ᐱᓯᑖᑯᓰᒃ᙮ ᑮᑲᓅᔑᐙᐸᓐ ᐃᑕᔥ, ᑳᐐᓐ ᓂᑮ ᐸᐹᒥᑕᐙᓰᒃ, ᐃᑭᑐ ᑳᒫᐗᒋ ᒪᔥᑲᐎᓰᒡ ᑳᑎᐯᒋᑫᒡ᙮ 14ᑖᐱᔥᑰ ᓴ ᑯ ᑳᑭᒋᓅᑎᕽ, ᒦ ᐃᐌ ᐃᓇᑫ ᑳᐃᔑ ᐅᒻᐺᔮᔑᒥᓇᑰᒃ ᐌᐙᓴ ᒋᐊᔨᔑᑖᔦᒃ ᒪᔭᑭ ᐊᑮᕽ᙮ ᒦᔥ ᐅᐅ ᐌᓂᔑᔑᕽ ᐊᑭ ᐁᑮ ᓇᑲᒋᑳᑌᒃ ᐌᒋ ᓂᔑᐗᓈᓯᓈᑾᒃ, ᐊᐎᔭ ᐅᐅᒫ ᐁᐃᔑᑖᓯᒃ᙮
Currently Selected:
ᓭᑲᕒᐋᔭ 7: OJBS
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Syllabic Script) © 2008 Canadian Bible Society
