ᓭᑲᕒᐋᔭ 13
13
1ᒦᑕᔥ ᑳᒫᐗᒋ ᒪᔥᑲᐎᓰᒡ ᑳᑎᐯᒋᑫᒡ ᐁᑭᑐᒡ, ᒦᔥ ᐃᐃ ᐊᐲ ᑫᔐᓇᒫᐎᑣ ᓂᐲᓂ ᑫᐅᒋ ᐯᑳᐹᐌᐙᒡ ᐅᒪᒋᑑᑕᒧᐎᓂᐙᕽ ᐅᒋ, ᐅᒪᓂᑑᑫᐎᓂᐙᕽ ᑲᔦ ᐃᑭ ᑌᐱᑎᕽ David ᐌᑕᑳᓀᓯᐙᒡ, ᐃᑭ ᑲᔦ ᐁᔑᑖᐙᒡ ᐃᐃᒫ ᐆᑌᓈᕽ ᒉᕒᐆᓴᓬᐊᒥᕽ Jerusalem᙮ 2ᐃᐃᔥ ᐊᐲ ᑮᔑᑲᒃ, ᒦ ᓴ ᐃ ᑳᐐ ᐅᑖᐱᓇᒧᐗᒃ ᐅᑎᔑᓂᑳᓱᐎᓂᐙᓐ ᐃᑭ ᒪᓂᑑᑳᓇᒃ ᐁᔮᐙᒡ ᐃᐃᒫ ᐊᑮᕽ, ᑳᐐᓐ ᐃᑕᔥ ᐃᑯᒋ ᑕᑭᑫᑖᑯᓯᓰᐗᒃ᙮ ᐅᑲᓅᑕᒫᑫᒃ ᑲᔦ ᑳᐐᓐ ᑕᐊᔮᓰᐗᒃ᙮ ᐃᐃ ᑲᔦ ᐁᐐ ᐌᐱᓇᒫᓐ ᐁᔑ ᒪᒋ ᒥᓴᐌᑖᑾᒃ ᒋᑮ ᐊᓇᒥᐁᑕᐎᑣᐸᓐ ᒪᓂᑑᑳᓇᒃ᙮ 3ᑮᔥᐱᓐ ᐃᑕᔥ ᐊᐎᔭ ᐋᒋᑯ ᑲᑳᒌᒡ ᐃᓀᑕᕽ ᐁᐐ ᑲᓅᑕᒫᑫᒡ, ᒦ ᓴ ᐅᑌᑌᓐ, ᐅᒫᒫᓐ ᑲᔦ ᑫᐃᑯᒡ ᒋᓂᓯᑎᐸᓐ ᐋᓃᔥ ᐃᓍᓂᑎᓱᒡ ᐁᑲᓅᑕᒪᐙᒡ ᑳᑎᐯᒋᑫᓂᒡ, ᔖᑰᒡ ᐃᑯ ᐁᑮᐗᓂᒧᒡ᙮ ᐊᐲ ᑕᔥ ᑲᑲᓅᑕᒫᑫᒡ ᐅᓃᑭᐃᑰᐞ ᐃᓴ ᑯ ᐅᑲ ᐸᔑᐸᐅᑰᐞ᙮ 4ᐃᐃ ᑕᔥ ᐊᐲ ᐅᒋᒋᓭᒃ ᑲᑭᓇ ᐁᑕᓱ ᐯᔑᑯᒡ ᐅᑲᓅᑕᒫᑫ ᑳᐐᓐ ᐅᑲ ᑭᒋ ᐃᓀᑕᓰᓐ ᐋᓃᓐ ᑳᐃᔑ ᓃᑳᓂ ᐸᐙᒋᑫᒡ᙮ ᑳᐐᓐ ᐅᑲ ᐱᓯᑲᓰᓐ ᐁᔑ ᓂᑖ ᒦᔑᑯᓇᔦᓂᒡ ᐅᑲᓅᑕᒫᑫᓐ ᒋᑲᑲᔦᔑᒥᐌᒡ᙮ 5ᒦᑕᔥ ᑫᒥᒋ ᐃᑭᑐᒡ, ᑳᐐᓐ ᓃᓐ ᓂᑎᓄᐎᓰ ᐅᑲᓅᑕᒫᑫ᙮ ᑭᑎᑫᐎᓂᓂ ᓴ ᐱᑯ ᓂᑎᓄᐤ᙮ ᐊᑮᕽ ᐃᓴ ᐱᑯ ᑮᐅᔥᑳᑎᓯᔮᓐ ᓂᐱ ᐅᑖᑎᔅ᙮ 6ᑮᔥᐱᓐ ᐃᑕᔥ ᐊᐎᔭᓐ ᐁᔑ ᑲᑴᒋᒥᑯᒡ, ᐋᑎ ᑕᔥ ᐃᓈ ᑳᐅᑎᓇᒪᓐ ᐃᓂ ᑭᑌᓈᐱᓇᓂᑰᐎᓇᓐ ᑳᓈᑾᑭᓐ ᑭᐐᔭᐎᕽ? ᒦᔥ ᑫᐃᑭᑐᒡ, ᐌᑎ ᐁᔑᑖᒡ ᑳᓵᑭ ᐐᒌᐗᒃ ᓂᑮ ᐅᑎᓈᓇᓐ᙮
ᑮᐊᓅᑮᕽ ᒋᓂᓯᒥᓐᒡ ᑭᔐᒪᓂᑑ ᐅᑲᓇᐎᒫᓇᒑᓂᔑᐌᒪᐞ
7 # Mat 26.31; Mrk 14.27. ᒦᑕᔥ ᐁᑭᑐᒡ ᑳᒫᐗᒋ ᒪᔥᑲᐎᓰᒡ ᑳᑎᐯᒋᑫᒡ, ᐸᔑᐸᐃᑫᐎᑯᒫᓐ ᑕᑲ ᐗᓂᔥᑳᓐ, ᐅᑎᑎᓐ ᐅᑲᓇᐎ ᒫᓇᒑᓂᔑᐌ ᐯᔓ ᑳᐐᒌᐗᒃ᙮ ᐸᔑᐸᐅ ᒋᓂᓴᒡ, ᒦᑕᔥ ᒫᓇᒑᓂᔕᒃ ᒋᒥᓯᑌᐸᐃᐌᐙᒡ᙮ ᓃᓐ ᓴ ᐱᑯ ᓂᑲ ᒦᑳᓈᒃ ᓂᐱᒫᑎᓰᒪᒃ ᐁᑳᔒᔑᐙᒡ᙮ 8ᒥᓯᐌ ᓴ ᐱᑯ ᐅᑕᑮᒥᐙᕽ ᐁᑕᓱ ᓂᓯᐙᒡ ᓃᔑᓐ ᑕᓂᓵᐗᒃ᙮ ᑯᑕᒃ ᐃᑕᔥ ᑕᐃᔥᑯ ᓂᓵᐗᒃ᙮ 9ᐃᑭ ᑕᔥ ᐁᔥᑯ ᓂᓯᑣ ᐁᑕᓱ ᓂᓯᓐ ᐯᔑᒃ, ᒦᐗᒃ ᐃᓴ ᐃᑭ ᑳᐐ ᑲᑴᒋᐊᒀ ᐁᐐ ᐯᑭᐊᒀ ᑖᐱᔥᑰ ᐙᐹᐱᑯ ᔔᓂᔮᐗᓯᓐ ᑳᔑ ᐯᑳᐱᑭᓱᒡ ᐃᔥᑯᑌᕽ᙮ ᒦᔥ ᑲᔦ ᐙᐃᔑ ᑲᑴᒋᐊᒀ ᑳᔑ ᑯᒋᒋᑲᓂᐎᒡ ᐅᓵᐎ ᔔᓂᔮᐗᓯᓐ᙮ ᓂᑎᔑᓂᑳᓱᐎᓂᕽ ᐃᑕᔥ ᐃᔑ ᑲᓅᔑᐙᒡ, ᓂᑲ ᓇᑴᑕᐙᒃ᙮ ᒦᑕᔥ ᑫᐃᓇᒀ, ᒦᐗᒃ ᐃᓴ ᐃᑭ ᓂᐱᒫᑎᓰᒪᒃ᙮ ᒦᔥ ᑲᔦ ᑫᐃᔑᐙᒡ, ᒦ ᓴ ᐊᐌ ᑳᑎᐯᒋᑫᒡ ᓂᑭᔐᒪᓂᑑᒥᓈᓐ᙮
Currently Selected:
ᓭᑲᕒᐋᔭ 13: OJBS
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Syllabic Script) © 2008 Canadian Bible Society
