ᓭᑲᕒᐋᔭ 10
10
ᑳᑎᐯᒋᑫᒡ ᑮᐊᔓᑕᒫᑫᒡ ᐁᐐᓈᑕᒫᑫᒡ
1ᑲᑴᒋᒥᒃ ᑳᑎᐯᒋᑫᒡ ᒋᑭᒥᐗᓂᓂᒃ ᐁᓰᑾᓂᓂᒃ᙮ ᐐᓐ ᐄᑐᒃ ᑳᑎᐯᒋᑫᒡ ᑳᐲᒋᓂᔕᐊᕽ ᒋᑭᒥᐙᓇᑾᓂᓂᒃ, ᑲᔦ ᑕᔥ ᒋᐸᐹᒥᐲᓴᐊᓂᓂᒃ᙮ ᒦ ᐄᑐᒃ ᐃᐃᒫ ᐌᒌ ᒫᒌᑭᑭᓐ ᑳᓂᑖᐎᑭᑭᓐ ᑲᑭᓇ ᐊᐎᔭ ᐅᒋ᙮ 2#Mat 9.36; Mrk 6.34. ᐯᒫᑎᓯᐙᒡ ᐃᓴ ᐅᓈᑕᐙᐸᒫᐙᐞ ᒪᓂᑑᑳᓇᐞ, ᐃᐃ ᑲᔦ ᑳᓃᑳᓂ ᑭᑫᑕᒨᑳᓱᓂᒡ ᑫᑰᓐ ᐐᑳ ᑕᔥ ᐁᑌᐺᓯᓂᒃ, ᐁᒥᒋ ᑮᐗᓂᒧᓂᒡ᙮ ᐋᓂᑕ ᑕᔥ ᐃᑭᑐᐗᐞ ᐁᑭᑫᑕᒥᓂᒡ ᐸᐙᒋᑲᓇᓐ᙮ ᑳᐐᓐ ᐃᑕᔥ ᑌᐺᐗᓯᓂ ᐁᑭᑐᓂᒡ, ᑫᑰᓐ ᐁᐃᓈᐸᑕᓯᓂᓂᒃ᙮ ᒦᑕᔥ ᐯᒫᑎᓯᐙᒡ ᑳᐅᒋ ᐸᐹᒥ ᐊᔮᐙᒡ ᒥᓯᐌ ᐁᐗᓂᔑᓄᐙᒡ᙮ ᒦ ᓴ ᑳᐅᒋ ᒫᔑᓭᐙᒡ ᐊᐎᔭᓐ ᐁᐊᔮᓯᓂᒃ ᑫᓃᑳᓃᑕᒫᑯᐙᒡ᙮
3ᒦᔥ ᐁᑭᑐᒡ ᑳᑎᐯᒋᑫᒡ, ᐐᑫ ᓴ ᓂᓂᔥᑭᐃᑰᒃ ᐅᑲᓇᐎ ᒫᓇᒑᓂᔑᐌᒃ ᑌᐯᓂᒫᐙᒡ ᓂᐱᒫᑎᓰᒪᐞ᙮ ᒦᐗᒃ ᐃᑕᔥ ᐃᑭ ᑳᐐ ᓇᓇᐊᓴᒀ᙮ ᓃᓐ ᐃᓴ ᓂᑎᐯᓂᒫᒃ ᐃᑭ ᐯᒫᑎᓯᐙᒡ ᒎᑕ ᐊᑮᕽ ᐌᒌᐙᒡ, ᓃᓐ ᑳᒫᐗᒋ ᒪᔥᑲᐎᓰᔮᓐ ᑌᐯᒋᑫᔮᓐ ᓂᑲ ᑲᓇᐌᓂᒫᒃ᙮ ᒦ ᓴ ᑫᐃᓈᐸᒋᐊᒀ ᑳᓲᑭᓯᐙᒡ ᒥᑕᑎᒨᒃ ᑮᒦᑳᑎᕽ᙮ 4ᒦ ᓴ ᑕᔥ ᐃᐃᒫ ᑫᓂ ᐅᒌᐙᒡ ᑫᓂ ᑎᐯᒋᑫᐙᒡ, ᑫᓂ ᓃᑳᓃᑕᒫᑫᐙᒡ, ᑲᔦ ᑕᔥ ᑫᓂ ᐅᑭᒫᑲᑕᐙᐙᒡ ᓂᐱᒫᑎᓰᒪᐞ᙮ 5ᓂᐱᒫᑎᓰᒪᒃ ᐃᓴ ᒎᑕ ᐊᑮᕽ ᐌᒌᐙᒡ ᑕᔖᑰᒋᑣᐗᒃ ᑖᐱᔥᑰ ᔑᒫᑲᓂᔕᒃ ᑳᔑ ᒫᒫᑯᔥᑭᑫᐙᒡ ᐁᔑ ᐊᔕᔥᑮᑳᓂᒃ ᒦᑲᓈᕽ᙮ ᑕᒦᑳᓱᐗᒃ ᐋᓃᔥ ᑳᑎᐯᒋᑫᓂᒡ ᐅᐐᒌᐎᑯᐙᓐ᙮ ᑲᔦ ᑕᔥ ᐅᑲ ᔖᑰᒋᐋᐙᐞ ᑳᔒᑫᓂᒥᑯᐙᒡ ᔑᒫᑲᓂᔕᐞ ᒥᑕᑎᒨᐞ ᑳᐋᐸᒋᐋᓂᒡ᙮
6ᓂᐐ ᒪᔥᑲᐎᓰᐋᒃ ᐃᓴ ᐯᒫᑎᓯᐙᒡ ᒎᑕ ᐊᑮᕽ ᐌᒌᐙᒡ; ᓂᐐ ᐱᒫᒋᐋᒃ ᑲᔦ ᐃᔅᕒᐃᔭᓬ ᑳᑎᓄᐎᐙᒡ᙮ ᓂᑲ ᑰᐹᓯᓇᐙᒃ ᐃᓴ, ᑲᔦ ᑕᔥ ᒋᐱᑮᐌᐎᓇᒀ ᐅᑖᐎᓂᐙᕽ᙮ ᒦ ᓴ ᐃ ᑫᐃᓀᑖᑾᒃ ᑖᐱᔥᑰ ᐐᑳ ᐁᑮ ᐋᓇᐌᓂᒫᓯᐗᒀ᙮ ᓃᓐ ᐄᑐᒃ ᑳᑎᐯᒋᑫᒡ ᐅᑭᔐᒪᓂᑑᒥᐙᓐ; ᓂᑲ ᓇᑴᑕᐙᒃ ᐊᐲ ᐊᓇᒥᐁᑕᐎᐙᒡ᙮ 7ᐃᑭ ᓴ ᐯᒫᑎᓯᐙᒡ ᐃᔅᕒᐃᔭᓬ ᐌᒌᐙᒡ ᑕᔑ ᓲᑭᓯᐗᒃ ᑖᐱᔥᑰ ᔑᒫᑲᓂᔑᕽ, ᒋᐃᔑ ᒌᑫᑕᒧᐙᒡ ᑲᔦ ᑖᐱᔥᑰ ᐊᐎᔭ ᑳᒥᓂᑴᒡ ᔔᒥᓈᐳ᙮ ᒦᑕᔥ ᑫᒫᒥᑲᐎᓂᒡ ᑫᓂ ᐅᐲᐌᓰᒥᐙᒡ ᐅᐅ ᑳᑮ ᐃᔑ ᔖᑰᒋᑣᐙᒡ, ᒦᔥ ᑫᔑ ᒌᑫᑕᒥᓂᒡ ᐋᓃᓐ ᑳᑎᐯᒋᑫᓂᒡ ᑳᐃᔑᒋᑫᓂᒡ᙮
8ᓃᓐ ᓴ ᑯ ᓂᑲ ᐗᑕᐊᒪᐙᒃ ᐁᐐ ᒫᐗᑑᓇᒀ, ᓃᓐ ᑲᔦ ᓂᑲ ᐱᒫᒋᐋᒃ᙮ ᒦᔥ ᐯᔑᑾᓐ ᑫᐊᐲᒋ ᐹᑏᓄᐙᒡ ᑳᑮ ᐱ ᑕᔑᐙᐸᓐ᙮ 9ᐋᓇ ᓴ ᐐᓐ ᒥᓯᐌ ᐯᐸᑳᓐ ᐁᑮ ᐃᔑ ᒥᓯᑌ ᐌᐱᓇᒀ ᐁᔑ ᐊᔭᔮᓂᒡ ᒣᔭᑭᓯᓂᒡ ᐯᒫᑎᓯᓂᒡ, ᔖᑰᒡ ᐃᓴ ᐌᑎ ᐙᓴ ᓂᑲ ᐅᒋ ᒫᒥᑲᐎᓄᑖᑰᒃ᙮ ᐐᓇᐙ ᓴ ᑕᐱᒫᑎᓯᐗᒃ, ᐅᓃᒑᓂᓯᐗᐞ ᑲᔦ, ᒦᔥ ᒋᐱᑮᐌᐙᒡ᙮ 10ᐌᑎ ᓴ ᐄᒋᐸᑮᕽ Egypt , ᐌᑎ ᑲᔦ ᐊᓰᕒᐃᔭ Assyria ᐊᑮᕽ ᓂᑲ ᐱᐅᒋ ᑮᐌᐎᓈᒃ ᐐᓇᐙ ᓴ ᐱᑯ ᐅᑕᑮᒥᐙᕽ ᒋᔑ ᑲᐯᔑᐙᒡ᙮ ᐃᐃᒫᔥ ᑭᓬᐃᔭᑦ Gilead ᐊᔮᐎᓂᕽ, ᐃᐃᒫ ᑲᔦ ᓬᐁᐸᓇᓐ Lebanon ᓂᑲ ᐃᔑ ᑲᐯᔑᐋᒃ; ᒥᓯᐌ ᐃᐃᒫ ᐊᑮᕽ ᑳᐐᓐ ᑕᑌᐸᔥᑭᓀᓰᐗᒃ᙮ 11ᐊᐲ ᓴ ᐊᓂ ᔖᐳᔥᑲᒧᐙᒡ ᒫᔑᓭᐎᓐ ᐁᓀᑖᑾᓂᓂᒃ ᑖᐱᔥᑰ ᑳᑭᒋ ᒪᒫᑳᔥᑳᒃ ᑭᒋᑲᒻ, ᓃᓐ ᓴ ᑌᐯᒋᑫᔮᓐ ᓂᑲ ᒦᑳᑖᓐ ᑳᒪᒫᑳᔥᑳᒃ᙮ ᐃᐃ ᑕᔥ ᓰᐱ ᓈᔭᓬ Nile ᐁᐲᒌᑎᒫᒃ ᐃᑯ ᐐᑫ ᑕᐹᑾᑲᒥᑳ ᑫᐊᐲᒋ ᐹᑌᒃ᙮ ᑳᐐᓐ ᐃᑕᔥ ᐊᐗᔑᒣ ᐊᓰᕒᐃᔭ ᐊᑭ ᑕᑭᒋ ᐃᓀᓂᑎᓲᒪᑲᓯᓅᓐ, ᐃᐃ ᑕᔥ ᑲᔦ ᑳᔑ ᒪᔥᑲᐌᑖᑾᑭᐸᓐ ᐄᒋᐸᑭ ᑳᐐᓐ ᑕᑭᑫᑖᑾᓯᓅᓐ᙮ 12ᓂᑲ ᒪᔥᑲᐎᓰᐋᒃ ᓂᐱᒫᑎᓰᒪᒃ ᐁᑎᐯᒋᑫᐗᒃ ᓂᑎᔑᓂᑳᓱᐎᓂᕽ ᐃᓴ ᑕᔥ ᑕᔑ ᐱᒧᓭᐗᒃ, ᐃᑭᑐ ᑳᑎᐯᒋᑫᒡ᙮
Currently Selected:
ᓭᑲᕒᐋᔭ 10: OJBS
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Syllabic Script) © 2008 Canadian Bible Society
