NUMBERS 26
26
Mó'ab kéyahgi Ízrel dine'é dabi'déélta'
1Áko nahasnii' yę́ędóó bik'ijį' Bóhólníihii éí Mózes áádóó náá'iiłniihii Éran biye' Eliyéízar yich'į' haadzíi'go ání, 2Ízrel dine'é dabizhé'é yę́ę ba'áłchíní náás ahoolchíiłii t'áá ałtso bik'ehgo naadiindóó yówehgo béédááhaii ana'al'į́ yídaneel'áanii t'áá ałtso Ízrel dine'é bitahgi yídóoł tah.#Num. 1:1-46. 3Áádóó Mózes índa náá'iiłniihii Eliyéízar éí Mó'ab kéyah dadzígaigi Jórdan tooh nílíní bíighahgi Jériko binaashiijí hach'į' hahaasdzíi'go ání, 4Diné deínółta'; éí naadiindóó yówehgo béédááhaii Bóhólníihii éí Mózes índa Ízrel dine'é yich'į' yee haadzíi'ii át'é. Ííjip kéyahdę́ę́' ch'íná'nánígíí:
5Éí Rúben, Ízrel dine'é alą́ąjį' bá yizhchínígíí: Rúben biye' Héínak ba'áłchíní Héínak dine'é danilį́. Rúben biye' Pállu ba'áłchíní Pállu dine'é danilį́. 6Rúben biye' Hézran ba'áłchíní Hézran dine'é danilį́. Rúben biye' Kármii ba'áłchíní Kármii dine'é danilį́. 7Díí éí Rúben dine'é bada'áłchíní náás ahoolchíiłii ádaat'į́. Áko éí dízdiindóó ba'aan tádiindi mííldóó ba'aan tsosts'idi neeznádiindóó ba'aan tádiingo ánéelą́ą́'. 8Áádóó Pállu biye' Iiláíyab wolyé. 9Índa Iiláíyab biye'ké Nému'el, Déíthan índa Abáíram dabidi'ní. Díí dah oonééł bitahdóó Déíthan áádóó Abáíram néidiinilígíí éí Kórah yiłgo Mózes áádóó Éran yighada'dit'áahgo Bóhólníihii yich'į' nidaalteeh yę́ę ádaat'į́. 10Áko éí ni' ąą áhoodzaago Kórah t'áá hoł aho'doolna'go ádadzisdįįd, índa naakidi neeznádiindóó ba'aan ashdladiingo ázhnéelą́ą'go kǫ' ahodííłk'ą́ą́'. Áko éí bee ééhózinii dadzizlį́į́'. 11Kórah ba'áłchíní t'éiyá t'áadoo ábi'disdįįd da.
12Díí Símiyan biye'ké bada'áłchíní náás ahideeshchínígíí ádaat'į́: Símiyan biye' Nému'el ba'áłchíní Nému'el dine'é danilį́. Símiyan biye' Jéímin ba'áłchíní Jéímin dine'é danilį́. Símiyan biye' Jéíkin ba'áłchíní Jéíkin dine'é danilį́. 13Símiyan biye' Zíírah ba'áłchíní Zíírah dine'é danilį́. Símiyan biye' Shéíyal ba'áłchíní Shéíyal dine'é danilį́. 14Díí éí Símiyan dine'é bada'áłchíní náás ahoolchíiłii ádaat'į́; éí naadiin naakidi mííldóó ba'aan naakidi neeznádiingo ánéelą́ą́'.
15Díí Géed biye'ké bada'áłchíní náás ahideeshchínígíí ádaat'į́: Géed biye' Zíífan ba' áłchíní Zíífan dine'é danilį́. Géed biye' Hágai ba'áłchíní Hágai dine'é danilį́. Géed biye' Shúnai ba'áłchíní Shúnai dine'é danilį́. 16Géed biye' Áznai ba'áłchíní Áznai dine'é danilį́. 17Géed biye' Éírad ba'áłchíní Éírad dine'é danilį́. Géed biye' Aríílai ba' áłchíní Aríílai dine'é danilį́. 18Díí éí Géed dine'é bada'áłchíní náás ahoolchíiłii ádaat'į́; éí dízdiindi mííldóó ba'aan ashdladi neeznádiingo ánéelą́ą́'.
19Díí Júdah biye'ké Er áádóó Ónan wolyé: áko Er áádóó Ónan éí Kéínan kéyahdi jineezná. 20Áádóó díí Júdah biye'ké náánáła' bada'áłchíní náás ahideeshchínígíí ádaat'į́: Júdah biye' Shíílah ba'áłchíní Shíílah dine'é danilį́. Júdah biye' Píírez ba'áłchíní Píírez dine'é danilį́. Júdah biye' Zíírah ba'áłchíní Zíírah dine'é danilį́. 21Áádóó Píírez biye'ké Hézran áádóó Héímal wolyé. Hézran ba'áłchíní Hézran dine'é danilį́. Héímal ba'áłchíní Héímal dine'é danilį́. 22Díí éí Júdah dine'é bada'áłchíní náás ahoolchíiłii ádaat'į́; éí tsosts'idiindóó ba'aan hastą́ądi mííldóó ba'aan ashdladi neeznádiingo ánéelą́ą́'.
23Díí Ísakar biye'ké bada'áłchíní náás ahideeshchínígíí ádaat'į́: Ísakar biye' Tóla ba'áłchíní Tóla dine'é danilį́. Ísakar biye' Púwa ba'áłchíní Púwa dine'é danilį́. 24Ísakar biye' Jéíshab ba'áłchíní Jéíshab dine'é danilį́. Ísakar biye' Shímran ba'áłchíní Shímran dine'é danilį́. 25Díí éí Ísakar dine'é bada'áłchíní náás ahoolchíiłii ádaat'į́; éí hastą́diindóó ba'aan dį́įdi mííldóó ba'aan táadi neeznádiingo ánéelą́ą́'.
26Díí Zébyulan biye'ké bada'áłchíní náás ahideeshchínígíí ádaat'į́: Zébyulan biye' Sííred ba'áłchíní Sííred dine'é danilį́. Zébyulan biye' Íílan ba'áłchíní Íílan dine'é danilį́. Zébyulan biye' Jáliiyel ba'áłchíní Jáliiyel dine'é danilį́. 27Díí éí Zébyulan dine'é bada'áłchíní náás ahoolchíiłii ádaat'į́; éí hastą́diindi mííldóó ba'aan ashdladi neeznádiingo ánéelą́ą́' lá.
28Áádóó díí Jóseph biye'ké Manáseh áádóó Íífreiyim wolyéii bada'áłchíní náás ahideeshchínígíí ádaat'į́: 29díí Manáseh biye'ké bada'áłchíní náás ahoolchíiłii ádaat'į́: Manáseh biye' Méíkir ba'áłchíní Méíkir dine'é danilį́. Áko Méíkir éí Gíliyad yizhé'é nilį́. Gíliyad ba'áłchíní Gíliyad dine'é danilį́. 30Díí Gíliyad dabiye'ké bada'áłchíní náás ahoolchíiłii ádaat'į́: Gíliyad biye' Jeyíízer ba'áłchíní Jeyíízer dine'é danilį́. Gíliyad biye' Híílek ba'áłchíní Híílek dine'é danilį́, 31áádóó Gíliyad biye' Ásriyel ba'áłchíní Ásriyel dine'é danilį́. Gíliyad biye' Shííkem ba'áłchíní Shííkem dine'é danilį́, 32índa Gíliyad biye' Shiimáída ba'áłchíní Shiimáída dine'é danilį́. Gíliyad biye' Híífer ba'áłchíní Híífer dine'é danilį́. 33Áko Híífer biye' Ziilófehad t'áadoo biye'ké hazlį́į' da, nidi hatsi'ké t'éí hólǫ́. Díí Ziilófehad bitsi'ké kódaolyé: Mála, Nóah, Hágla, Mílka índa Térza. 34Díí éí Manáseh dine'é bada'áłchíní náás ahoolchíiłii ádaat'į́; éí ashdladiindóó ba'aan naakidi mííldóó ba'aan tsosts'idi neeznádiingo ánéelą́ą́'.
35Díí Íífreiyim biye'ké bada'áłchíní náás ahideeshchínígíí ádaat'į́: Íífreiyim biye' Shuthíílah ba'áłchíní Shuthíílah dine'é danilį́. Íífreiyim biye' Bííker ba'áłchíní Bííker dine'é danilį́. Íífreiyim biye' Téíhan ba'áłchíní Téíhan dine'é danilį́. 36Áko díí Shuthíílah biye'ké bada'áłchíní náás ahoolchíiłii ádaat'į́: Shuthíílah biye' Ííran ba'áłchíní Ííran dine'é danilį́. 37Díí éí Íífreiyim biye'ké bada'áłchíní náás ahoolchíiłii ádaat'į́; éí tádiindóó ba'aan naakidi mííldóó ba'aan ashdladi neeznádiingo ánéelą́ą́'. Áko díí éí Jóseph biye'ké bada'áłchíní náás ahideeshchínígíí ádaat'į́.
38Díí Bénjamin biye'ké bada'áłchíní náás ahideeshchínígíí ádaat'į́: Bénjamin biye' Bííla ba'áłchíní Bííla dine'é danilį́. Bénjamin biye' Áshbel ba'áłchíní Áshbel dine'é danilį́. Bénjamin biye' Aháíram ba'áłchíní Aháíram dine'é danilį́. 39Bénjamin biye' Shúfam ba'áłchíní Shúfam dine'é danilį́. Bénjamin biye' Húfam ba'áłchíní Húfam dine'é danilį́. 40Áádóó Bííla biye'ké Ard áádóó Néíyaman wolyé. Bííla biye' Ard ba'áłchíní Ard dine'é danilį́. Bííla biye' Néíyaman ba'áłchíní Néíyaman dine'é danilį́. 41Díí éí Bénjamin dine'é bada'áłchíní náás ahoolchíiłii ádaat'į́; éí dízdiindóó ba'aan ashdladi mííldóó ba'aan hastą́ądi neeznádiingo ánéelą́ą́'.
42Díí éí Dan biye'ké bada'áłchíní náás ahideeshchínígíí ádaat'į́: Dan biye' Shúham ba'áłchíní Shúham dine'é danilį́. Díí éí Dan bada'áłchíní náás ahoolchíiłii ádaat'į́. 43Shúham dine'é bada'áłchíní t'áá ałtso hastą́diindóó ba'aan dį́įdi mííldóó ba'aan dį́įdi neeznádiingo ánéelą́ą́'.
44Díí Ásher biye'ké bada'áłchíní náás ahideeshchínígíí ádaat'į́: Ásher biye' Jímna ba'áłchíní Jímna dine'é danilį́. Ásher biye' Jésowai ba'áłchíní Jésowai dine'é danilį́. Ásher biye' Biiráíyah ba'áłchíní Biiráíyah dine'é danilį́. 45Biiráíyah biye'ké ła': Biiráíyah biye' Hííber ba'áłchíní Hííber dine'é danilį́. Biiráíyah biye' Málkiyel ba'áłchíní Málkiyel dine'é danilį́. 46Ásher bitsi' éí Sárah wolyé. 47Díí éí Ásher dine'é bada'áłchíní náás ahoolchíiłii ádaat'į́; éí ashdladiindóó ba'aan táadi mííldóó ba'aan dį́įdi neeznádiingo ánéelą́ą́'.
48Díí Náftalai biye'ké bada'áłchíní náás ahideeshchínígíí ádaat'į́: Náftalai biye' Jáhziyel ba'áłchíní Jáhziyel dine'é danilį́. Náftalai biye' Gúnai ba'áłchíní Gúnai dine'é danilį́. 49Náftalai biye' Jíízer ba'áłchíní Jíízer dine'é danilį́. Náftalai biye' Shíllem ba'áłchíní Shíllem dine'é danilį́. 50Díí éí Náftalai dine'é bada'áłchíní náás ahoolchíiłii ádaat'į́; éí dízdiindóó ba'aan ashdladi mííldóó ba'aan dį́įdi neeznádiingo ánéelą́ą́'.
51Díí éí Ízrel dine'é dabi'déélta'ígíí ádaat'į́: éí hastą́ądi neeznádiindóó ba' aan t'ááłáhídi mííldóó ba'aan tsosts'idi neeznádiindóó ba'aan tádiingo ánéelą́ą́'.
Yáá'iilt'e' bik'ehgo kéyah ahádaasdzo
52Bóhólníihii éí Mózes ííłní, 53Díí daházhi'ígíí bik'ehgo kéyah daahó dooleełígíí há ahádadíízoh. 54Dabidine'é lą'í daalt'éhígíí éí kéyah bí dadooleełii dahótsaago bitaa dadidíí'aał, áádóó dabidine'é ádaałch'į́dígíí éí kéyah bí dadooleełii ádahoołts'ísígo bitaa dadidíí'aał. Áko dabidine'é t'áá ałtso ádanéelą́'ígíí dabik'ehgo kéyah daabí dadooleełígíí bitaa dadidíí'aał. 55Nidi kéyah éí yáá'iilt'e' bik'ehgo ahádahidoodzoh; dahazhé'é yę́ę bits'ą́ą́dóó hodine'é dabízhi'ígíí bik'ehgo daahóó' dadooleeł. 56Áko yáá'iilt'e' bik'ehgo kéyah daahóó' dadooleełii dajilą'ígíí áádóó ádajíłch'į́dígíí há ałts'ádahidíízoh.#Num. 34:13; Josh. 14:1,2.
Líívai dine'é
57Áádóó díí Líívai dine'é bada'áłchíní náás ahideeshchínígíí dabi'déélta': Líívai biye' Gérshan ba'áłchíní Gérshan dine'é danilį́. Líívai biye' Kóhath ba'áłchíní Kóhath dine'é danilį́. Líívai biye' Miirárai ba'áłchíní Miirárai dine'é danilį́. 58Díí ałdó' Líívai dine'é bada'áłchíní náás ahoolchíiłii ádaat'į́: Líbnai dine'é, Hííbran dine'é, Málai dine'é, Múshai dine'é índa Kórah dine'é ádaat'į́. Áádóó Kóhath éí Ámram bá yizhchį́. 59Áko Ámram be'asdzą́ą́ éí Jákebed wolyé; éí Líívai bitsi', áko éí Ííjip kéyahdi hamá Líívai yá hashchį́, áko Éran áádóó Mózes índa bilah Míriyam éí Ámram bá nijiishchį́. 60Áádóó Néídab, Abáíhu, Eliyéízar índa Íthamar éí Éran bá niheezhchį́.#Num. 3:2. 61Nidi Bóhólníihii binááł Néídab áádóó Abáíhu éí kǫ' doo dílzingóó náádziisnii'ígíí biniinaa t'áá ákǫ́ǫ́ dzineezná.#Lev. 10:1,2; Num. 3:4. 62Díí Líívai dine'é dayéélta'ígíí éí naadiin táadi mííl; éí t'áá át'é ashiiké t'ááłá'í bee nídadeezidóó yówehgoígíí; éí doo Ízrel dine'é bił dabi'déélta' da, háálá Ízrel dine'é bitahgi kéyah daahóó' dadooleełii doo ła' haa dadeest'ą́ą da.
Kéíleb áádóó Jáshowa t'éiyá ch'éé'áázh
63Díí daho'déélta'ígíí éí Mó'ab kéyah dzígai Jórdan tooh nílíní bíighahgi Jériko binaashiijí Ízrel dine'é dajílíinii Mózes áádóó náá'iiłniihii Eliyéízar hóółta'. 64Áko Mózes áádóó náá'iiłniihii Éran éí Dził Sáínai honoojíigi Ízrel dine'é yiyííłta' yę́ędą́ą́' éí díí dayéélta'ígíí bitahdóó doo ła' hoł da'éélta' da nít'éé'. 65Háálá éí Bóhólníihii hainít'į́įgo ádííniid, T'áá aaníí honoojítahgi dazhdínóonééł.#Num. 14:26-35. Áko íídą́ą́' dinéhígíí doo ła' ch'ééyáa da; t'áá hazhó'ó Jiifáneh biye' Kéíleb áádóó Nan biye' Jáshowa t'éiyá ch'éé'áázh.
Currently Selected:
NUMBERS 26: NVJOB
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).
